नाभिका रे केस वाढले रे, धैर्याने उघड जरा आज सलून रे
केस वाढलेत, कापायचे आहेत परंतु ह्या लॉक डाऊन मुळे नाभिक बंधूंची दुकाने बंद आहेत.
त्यामुळे वैतागून "नाविका रे, वारा वाहे रे" चे विडंबन करायला घेतले.
मूळ गीत :
नाविका रे, वारा वाहे रे
डौलाने हाक जरा आज नाव रे
कवी : अशोकजी परांजपे
प्रकार : कोळीगीत
विडंबन :
नाभिका रे, केस वाढले रे
धैर्याने उघड जरा आज सलून रे
जटाधारी झालो आता, काप माझे केस रे
क्वारेंटीनचे दिस गेले, घरकैदेचा मास चाले, कोरोना आला
माझिया केसा गुंता होऊनि गेला,
धाव घेई तुजकडे माझे मन, नाही तुला ठाव रे