चैत्री पाडवा....

Jayagandha Bhatkhande's picture
Jayagandha Bhat... in जे न देखे रवी...
11 Apr 2021 - 6:39 pm

चैत्री पाडवा....

नवी पालवी चैत्राची ती,
रंग तिचा हिरवा..
पारंब्यांवर झोके घेई,
एक वेडा पारवा...

पानोपानी फुलली जाई,
दरवळे अंगणी मरवा..
मुदित सृष्टी बहरून जाई,
वसंत ऋतु हा बरवा..

मंदिरातला मृदुंग बोले,
सुमधुर तो केरवा..
संध्यासमयी कानी येई,
दूर कुठे मारवा..

सजतील सदने, गुढ्या तोरणे,
पाडवा आहे परवा..
नववर्षाची नवीन स्वप्ने,
संकल्प मनी ठरवा.....!

जयगंधा..
११-४-२०२१.

कविता

प्रतिक्रिया

प्रा.डॉ.दिलीप बिरुटे's picture

12 Apr 2021 - 4:13 pm | प्रा.डॉ.दिलीप बिरुटे

छान. आवडली रचना. ते मरवा म्हणजे काय असतं ते नेमकं समजलं नाही.

सजतील सदने, गुढ्या तोरणे,
पाडवा आहे परवा..
नववर्षाची नवीन स्वप्ने,
संकल्प मनी ठरवा.....!

वा हे लै भारी. बाकी, असा किंचित बदल करुन पाठवावा वाटला.

सजतील सजणे, गुढ्या तोरणे,
पाडवा आहे परवा,
नववर्षाची नवीन भेट- स्वप्ने,
काही संकल्प, मनी ठरवा.....!

असे पाठवून देतो. लागली लॉटरी तर लागली. :)

-दिलीप बिरुटे
(स्वप्नाळु)

सुरिया's picture

12 Apr 2021 - 5:02 pm | सुरिया

मरवा हा पुदिन्यासारख्या रोपाचा तुरा असतो. केवड्यासारखा मंद सुगंध असतो. स्त्रिया तो केसात माळतात वा हारात वापरला जातो.
विशेष ज्ञानः गांज्याची चोरटी वाहतूक मरव्याच्या पोत्यातून होते.

प्रा.डॉ.दिलीप बिरुटे's picture

12 Apr 2021 - 5:54 pm | प्रा.डॉ.दिलीप बिरुटे

>>>> केवड्यासारखा मंद सुगंध असतो.
वाह ! शोधणे आले. माहितीबद्दल आभार.

-दिलीप बिरुटे

असे पाठवून देतो. लागली लॉटरी तर लागली. :)

कुणाला पाठवताय म्हणे?
-(चौकस) प्रचेतस

प्रा.डॉ.दिलीप बिरुटे's picture

12 Apr 2021 - 5:52 pm | प्रा.डॉ.दिलीप बिरुटे

>>>> कुणाला पाठवताय म्हणे ?

किती ही पाळत ? स्वातंत्र्य म्हणून काही राहिलं नाही, हल्ली इथे.आपलेच मेसेजेस, आपणच आपल्या नंबरवर पाठवायचे. बाकी काय नै.खुलासा संपला.

-दिलीप बिरुटे

Bhakti's picture

12 Apr 2021 - 7:01 pm | Bhakti

आपलेच मेसेजेस, आपणच आपल्या नंबरवर पाठवायचे :)
मीपण असेच करते......माझा तर एकटीचाच मोठा ग्रुप आहे :-) :-)

प्रचेतस's picture

12 Apr 2021 - 8:10 pm | प्रचेतस

=))

स्वतःचे मेसेज स्वतःला का पाठवायचे कळले नाही.एकटीचा मोठा गृप कसा काय असतो बाबा? सहज गमतीने घ्यावे वादाचा कुठलाच हेतू नाही.खुलासा केल्यास छान आवडल्यास मीही तसेच करेन. एकटीचीच कंपनी मलाही आवडते.

गोंधळी's picture

13 Apr 2021 - 10:09 am | गोंधळी

माझा संकल्प की मी मिपावर वाचन मात्र रहायचा प्रयत्न करणार.

स्वलिखित's picture

14 Apr 2021 - 5:07 pm | स्वलिखित

सुरेख

Jayagandha Bhatkhande's picture

15 Apr 2021 - 4:36 pm | Jayagandha Bhat...

सर्व रसिकांना, मनापासून धन्यवाद..!!