भेट .....

फिझा's picture
फिझा in जे न देखे रवी...
1 Jun 2020 - 6:03 am

भेट .....

सागर गोटे अन भातुकली
आठवते का ग आता ?
किनाऱ्यावर गोळा केलेले शिंपले
असतील अजून पण ......

तुझ्या वहीतल्या पहिल्या
पानावर माझे नाव लिहिताना
किती खाडाखोड ? ...पहिल्याच ओळीत !
आणि नंतर, पान भरून लिहिलेलं ... !

जेव्हा पुन्हा भेटशील तेव्हा
'ती वही' घेऊन ये .....
पानावरची 'तारीख ' सोडली तर ...
अजून काही जसंच्या तसं शिल्लक आहे का
हे तपासून पाहूया ......

नसेल तर .........

तर .....
मला कसलेही प्रश्न नको विचारू ... ... !
तुझ्या मनातल्या प्रश्नांपेक्षा ....
माझ्या डोळ्यांसमोर उभे असलेले प्रश्न .....
खूप मोठे असतील कदाचित .......

एवढंच समजून घे ........ नेहमीसारखेच !

अन ,
'ती वही', तू अजूनही जपली आहेस ,
हाच दिलासा घेऊन परत निघेन मी ......

...........नेहमीसारखीच !

........ फिझा

कविता

प्रतिक्रिया

'ती वही', तू अजूनही जपली आहेस ,
हाच दिलासा घेऊन परत निघेन मी ......

वा वा.. काय लिहिले आहे..
मनापासून आवडले..
----

अजून सगळे तसेच आहे त्या वहीत...
तूझी लिहिलेली फुलाची कविता हि तशीच...

शेवटच्या पाणावर, तू 'आते जाते हसते गाते ' लिहिलेलं
अजून वाचतो मी, तुझ्या नावासहित...

तू जाणार त्यावेळी.. चित्र तुझे मी काढलेलं..
अजून तसेच आहे, तुझ्या सुगंधा सहित...

प्रा.डॉ.दिलीप बिरुटे's picture

1 Jun 2020 - 9:27 am | प्रा.डॉ.दिलीप बिरुटे

आवडली कविता. लिहिते राहा.

-दिलीप बिरुटे

मदनबाण's picture

1 Jun 2020 - 6:10 pm | मदनबाण

छान !

मदनबाण.....
आजची स्वाक्षरी :- Jaane Do Na... :- Cheeni Kum

खिलजि's picture

1 Jun 2020 - 6:17 pm | खिलजि

ती वही आणि त्यातील पाने

ते क्षण आणि तो इतिहास

तू दिसलीस कि पहिले हात बघतो

हातात ती डायरी तर नाही ना

हसतो असाच आव आणून

पळ काढतो शोधून बहाणा

आजही मला आमची विचारते

ती भेटली कि तुमची हातभर का फाटते ?

मी पुन्हा हरवतो त्या इतिहासात

पुन्हा मला ती डायरी दिसते

मन्या ऽ's picture

2 Jun 2020 - 12:18 am | मन्या ऽ

कविता आवडली.. :)

वीणा३'s picture

2 Jun 2020 - 1:40 am | वीणा३

छान आहे कविता !!!

रातराणी's picture

2 Jun 2020 - 10:21 am | रातराणी

कविता आवडली.

श्रीगणेशा's picture

2 Jun 2020 - 10:53 pm | श्रीगणेशा

छान लिहिलं आहे. अगदी जीव ओतून!

रुपी's picture

3 Jun 2020 - 3:55 am | रुपी

सुरेख!

आगाऊ म्हादया......'s picture

9 Jun 2020 - 6:13 am | आगाऊ म्हादया......

मस्त

मिसळलेला काव्यप्रेमी's picture

9 Jun 2020 - 8:26 pm | मिसळलेला काव्यप्रेमी

खुप दिवसांनी काहीतरी छान वाचयला मिळाले :)

प्राची अश्विनी's picture

11 Jun 2020 - 10:12 pm | प्राची अश्विनी

सुरेख!