अंधार गवसला मागे
तू पुढे रात्र उसवली.
होती नव्हती पणती
मी हळूवारपणे विझवली.
पहाडा मागून आल्या
कोर्या चिश्ती रेषा.
केसरी हिरवा रंग
नेसून बसली वेश्या.
मुंग्यांचे फूटले वारूळ
अलवार धुक्याच्या वेळी.
सख्याचं उमटलं गोंदण
क्षितीजाच्या अलगद भाळी.
-कौस्तुभ
प्रतिक्रिया
16 May 2020 - 10:15 pm | जव्हेरगंज
तुमच्या कविता अत्यंत वेगळ्या दर्जेदार आहेत.
लिहीत राहा! शुभेच्छा!!
18 May 2020 - 5:24 pm | कौस्तुभ भोसले
खूप खूप आभार