शोधत होतो पुन्हा स्वत:ला

अनन्त्_यात्री's picture
अनन्त्_यात्री in जे न देखे रवी...
17 Jun 2019 - 9:01 pm

शोधत होतो पुन्हा स्वत:ला
उपसत होतो पुन्हा पुन्हा मी
पुरातनाची प्रचंड पडझड
परंपरांची अपार अडगळ

शोधत होतो अथक स्वत:ला
ऐकत होतो पुन्हा पुन्हा मी
वर्तमान हतबल करणाऱ्या
भवितव्याचे भीषण पडघम

ऐकत होतो अधीरपणाने
माझीच अनोळखीशी चाहूल
कळून चुकला पुन्हा, स्वतःचा
शोध विफल ठरण्याचा संभव

मुक्त कवितामुक्तक

प्रतिक्रिया

हि रचना काही पटली नाही , अशीच पूर्वीची छान झाली आहे ...

तुमच्या या आधिच्या कवितांमधून तुम्हाला जे सांगायचे आहे ते स्पष्ट पणे समजते.
पण इकडे वाचताना माझा थोडा गोंधळ झाला.
कदाचित थोड्या वेळाने परत वाचले की समजेल.
पैजारबुवा,