फुलपाखरु
प्रेषक, अरुण मनोहर, Wed, 05/11/2008 - 07:26
झुळकी सोबत येई तरंगत
रांगोळीची नक्षी दाखवित
कुठे चालले, नाही माहित
फुलपाखरु, फुलपाखरु, चला चला रे धरू
बघा कसे ते थोडे दमले
पाकळीवरी थकून बसले
लिपझिप लिपझिप पंख हलवले
फुलपाखरु, फुलपाखरु, चला चला रे धरू
परागातला मधू चोखते
सावध आजूबाजू बघते
सुंदर, रंगीत अन् नाजुकते
फुलपाखरु, फुलपाखरु, चला चला रे धरू
हळूच जाउन जवळ पाहिले
अलगद बोटांमधे पकडले
बाटलीत मग सोडुन दिले
फुलपाखरु, फुलपाखरु, चला चला रे खेळू
कसे बिचारे निपचित पडले
रंग पंखांचे बोटांवर आले
असेल का ते घाबरलेले?
फुलपाखरु, फुलपाखरु, चला रे सोडून देऊ
लेखनविषय::
Taxonomy upgrade extras:
प्रतिक्रिया
सुंदर
सुंदर बालकविता. आता मुलीला वाचून दाखवेन. येऊ द्यात अजून अशाच बालकविता
अगदी
अगदी बालकवींची सहजच आठवण व्हावी इतपत सुरेख बोलगीत..!
खूप सुंदर वाटलं ही कविता वाचून...
तात्या.
-- या आमच्या शिळोप्याच्या ओसरीवर.. बसा घटकाभर..!
वा .. कविता
वा .. कविता छानच आहे.. धरु-खेळू-सोडू हा क्रमही छान
सुंदर बालकविता आहे.. आवडली.
लिपझिप हा शब्द पंखांच्या उघडझापेसाठी आवडला.
परागातला मधू चोखते
हे मात्र थोडे खटकले. खरेतर फुलपाखरु फुलातला मकरंद घेते. फुलातल्या मधुरसाला मकरंद म्हणतात. मधु म्हटले तरी चालेलसे वाटते. पण तो गोड पदार्थ परागात नसतो. हे आपले मनात आले म्हणून लिहिले..मूळ कवितेच्या गोडव्यामध्ये त्याने काही फरक पडणार नाही. पण निसर्ग कवितेमध्ये चपखल कल्पना आणि शब्द असले तर बरे असे वाटले म्हणून लिहिले.
-- लिखाळ.
-- लिखाळ.
तेच ते तेच ते !
खर आहे
खर आहे तुमचं. शब्द जरा विचारपूर्वक वापरायला हवे होते. तरिही कविता आवडली म्हणून बरे वाटले.
अजुन एक
छान बालगीत.
आवडले.
वेलदोडा,
वेलदोडा, तात्या, लिखाळ, सहज ह्यांचे आभार.
फुलपाखरु
आवडलं, सरळ, साधं, सोपं ...
अदिती
Belle de jour - स्त्रीच्या लैंगिकतेचा शोध
-- स्वाक्षरी सल्लागार कार्यकर्ते यांच्याकडून प्रीअप्रूव्ह्ड
अरुण मनोहर...
ही कविता माझ्या मुलीला ऐकविल्यावर अत्यंत निरागसपणे...."अच्चा म्हणजे फुलपाखरु बाटलीत पकडता येते का?" असा प्रश्न विचारल्यावर मी गांगरलो. पण लगेच म्हणालो, "अगं पण बघ ना....बाटलीत पकडल्यावर ते कसे मलुल होते आणि त्याचे रंग उडतात आणि ते मरु सुध्दा शकते....तेव्हा ज्याने कविता केली त्या काकांनी ते सोडुन दिले" असं म्हणल्यावर जरा डोकं ताळ्यावर आलं....
...नाहीतर उद्यापासुन आमच्या घराभोवतीच्या बागेतल्या फुलपाखरांची खैर नव्हती...पण बाकी कविता उत्तम...
-ये.ख. http://sachinparanjpe.wordpress.com
-ये.ख. http://sachinparanjpe.wordpress.com
लहान मुले!
तुमचा प्रतिसाद वाचून आठवलं. मागे एकदा "बीग फॅट जायंट" ही कादंबरी वाचली. त्यात बीएफजी त्याच्या लहान मुलाला सांगतो- "whatever you do, make sure you avoid contact with human children. Children are the most cruel of the human species."
मला वाटते मुलींपेक्षा विषेशतः लहान मुलांसाठी बीएफजीचे हे निरीक्षण चपखल बसते.
पण नीट विचार केला तर, मुलामुलींमधली ही कृरता, उत्सुकता आणि ज्ञान मिळवण्याची उर्मी ह्यातून येत असते.
अरुणराव
चालीसकट द्या ना. मजा यील.
सुरेख
सुरेख कविता.
खूप आवडली.
एकदम सुटसुटीत बालगीत..
आवडले..
- (सर्वव्यापी)प्राजु
http://praaju.blogspot.com/
- (सर्वव्यापी)प्राजक्ता
http://www.praaju.net/
सुरेख
बालगीत, आवडले.
धन्यवाद
सर्व रसिकांचे पुन्हा आभार.
खुप आवडले.
सुरेख बालगीत .
कविता
कविता आवडली..
मदनबाण.....
हिंदुत्व हेच राष्ट्रीयत्व,धर्मांतर म्हणजेच राष्ट्रांतर.
बॅ.वि.दा.सावरकर
मदनबाण.....
जलतरंग :- रंजना प्रधान {मी आत्ता पर्यंत ऐकलेले सर्वात सुंदर जलतरंग वादन }