करामत - एक लघुकथा

अनिंद्य's picture
अनिंद्य in जनातलं, मनातलं
13 Aug 2018 - 12:57 pm

* * *

दंग्यात लुटल्या गेलेला माल जप्त करण्यासाठी पोलिसांनी छापे मारायला सुरवात केली. लोक घाबरले, लुटीचा माल रात्रीच्या अंधारात घराबाहेर फेकू लागले. काहींनी तर स्वतःचाच माल फेकून दिला, उगाच पोलिसांचे झेंगट नको म्हणून.

* * *

एका माणसाची मात्र पुरती गोची झाली. त्याच्याकडे साखरेच्या दोन गोण्या होत्या, किराणा मालाचे दुकान लुटताना त्याचा हाती तेव्हढेच लागले. रात्रीच्या अंधारात एक गोणी त्याने शेजारच्या विहिरीत कशीबशी ढकलली, पण दुसरी ढकलतांना तोल गेला आणि तोही विहिरीत ! आवाज ऐकून लोक गोळा झाले. दोरखंड टाकून दोन उत्साही वीर विहिरीत उतरले, त्याला बाहेर काढले. पण थोड्याच वेळात शेवटचे आचके देत तो देवाघरी गेला.

* * *

दुसऱ्या दिवशी सकाळी लोकांनी विहिरीतून पाणी शेंदले तर ते चवीला अगदी गोड !

* * *

रात्री बघतो तर काय - त्या माणसाच्या कबरीवर दिव्यांची आरास !

* * *

ज्यांनी इथवर वाचलंय त्यांच्यासाठी :-

‘सआदत हसन मंटो’ ह्या अत्यंत प्रिय लेखकाच्या 'करामात' ह्या लघुकथेचा मराठीत अनुवाद करण्याचा माझा पहिलाच प्रयत्न. मोजके चार शब्द पदरचे लिहिण्याची आगळीक केली आहे, पण ती मराठीत वाचण्याच्या सुगमतेसाठी.

* * *

हे ठिकाण

प्रतिक्रिया

कुमार१'s picture

13 Aug 2018 - 1:05 pm | कुमार१

तुमचा प्रयत्न. छान.
येऊद्यात अजून.

अनिंद्य's picture

13 Aug 2018 - 5:48 pm | अनिंद्य

येऊद्यात अजून......
अवश्य प्रयत्न करीन, आभार !

कपिलमुनी's picture

13 Aug 2018 - 1:43 pm | कपिलमुनी

* * * कमी असरे तर उत्तम झाले असते.

अनिंद्य's picture

13 Aug 2018 - 5:45 pm | अनिंद्य

सूचनेबद्दल आभार _/\_

टर्मीनेटर's picture

13 Aug 2018 - 1:53 pm | टर्मीनेटर

प्रयत्न चांगलाच जमलाय. कमीत कमी शब्दात आणि वाक्यात मनाला चटका लावणाऱ्या लघुकथा लिहिण्याची मंटो साहेबांची होतोटी विलक्षण होती. या आधी मिपावर जयंत कुलकर्णी साहेबांनी अनुवादित केलेल्या काही कथा वाचल्या होत्या. हि कथा आधी नव्हती वाचली ती अनुवादित केल्याबद्दल आभार.

अनिंद्य's picture

13 Aug 2018 - 5:28 pm | अनिंद्य

आभारी आहे.
कुलकर्णी साहेबांनी केलेले अनुवादही वाचून बघतो. मला आवडलेल्या काही कथांचा पुढे अनुवाद केलाच तर इथे रिपीट होणार नाही.

जेम्स वांड's picture

13 Aug 2018 - 2:11 pm | जेम्स वांड

म्हणलं का विषयच संपला, कमीतकमी शब्दात समर्पक अर्थ!

अनिंद्य's picture

13 Aug 2018 - 5:12 pm | अनिंद्य

Absolutely !

सस्नेह's picture

13 Aug 2018 - 2:48 pm | सस्नेह

चांगला प्रयत्न.
तथापि कथा काहीशी तुटक वाटली.

अनिंद्य's picture

13 Aug 2018 - 5:03 pm | अनिंद्य

आभार !
मंटोंची मूळ कथाच तशी आहे, आटोपशीर - एक एक शब्द ताशीव, भारदस्त.

ज्योति अळवणी's picture

13 Aug 2018 - 3:36 pm | ज्योति अळवणी

छान अनुवाद आणि कथा पण वेगळी... खोल अर्थ असलेली

अनिंद्य's picture

13 Aug 2018 - 5:07 pm | अनिंद्य

थँक्यू !
चमत्काराला नमस्कार असतो, मग कर्म चोराचे का असेना :-)

नाखु's picture

13 Aug 2018 - 7:49 pm | नाखु

एक चांगला प्रयत्न.

नाखु कोंडके

अनिंद्य's picture

14 Aug 2018 - 1:18 pm | अनिंद्य

@ नाखु,
आभार !
बरेच दिवसांपासून तुम्हाला एक सांगायचे होते - तुमची ती 'वाचकांची पत्रे वाला नाखु' अशी सही मला आवडते :-)

प्रचेतस's picture

14 Aug 2018 - 8:29 am | प्रचेतस

उत्तम लघुकथा.

अनिंद्य's picture

14 Aug 2018 - 1:19 pm | अनिंद्य

_/\_

मित्रहो's picture

14 Aug 2018 - 4:48 pm | मित्रहो

आणि अशा सुंदर कथेचा आटोपशीर अनुवाद

अनिंद्य's picture

15 Aug 2018 - 11:26 am | अनिंद्य

@ मित्रहो

मला मंटोंच्या लघुकथा फार आवडतात. किमान शब्द आणि कमाल आशय.
प्रतिक्रियेबद्दल आभार !

अनिंद्य

प्रा.डॉ.दिलीप बिरुटे's picture

14 Aug 2018 - 4:56 pm | प्रा.डॉ.दिलीप बिरुटे

चांगला प्रयत्न.पुलेशु.

-दिलीप बिरुटे

अनिंद्य's picture

15 Aug 2018 - 11:22 am | अनिंद्य

@ प्रा.डॉ.दिलीप बिरुटे,

आपल्यासारखे मराठी भाषेचे प्राध्यापक म्हणताहेत तर जमला असावा प्रयत्न.
आभार !

विवेकपटाईत's picture

14 Aug 2018 - 6:43 pm | विवेकपटाईत

आवडली

अनिंद्य's picture

15 Aug 2018 - 11:22 am | अनिंद्य

आभार !

अनिंद्य's picture

11 May 2020 - 8:27 pm | अनिंद्य

आज साहित्यप्रेमी मंटोंचा वाढदिवस साजरा करताहेत.
त्या कारणे मंटोंचे बावनकशी लेखन पुन्हा एकदा पुढ्यात आले.
_/\_

चौथा कोनाडा's picture

12 May 2020 - 5:41 pm | चौथा कोनाडा

जबरदस्त कथा !
मंटोंचं फारकाही वाचण्यात आलेलं नाही !
मंटोंच्या आणखी कथा वाचायला आवडतील !

शेखरमोघे's picture

12 May 2020 - 8:31 pm | शेखरमोघे

कथा आवडली.

बिपीन सुरेश सांगळे's picture

12 May 2020 - 9:04 pm | बिपीन सुरेश सांगळे

वा सुरेख
कथा आवडली.

अनिंद्य's picture

16 May 2020 - 10:06 am | अनिंद्य

@ चौथा कोनाडा
@ शेखरमोघे
@ बिपीन सुरेश सांगळे

आभार.

मिपा/माबो वर काही मंटोकथा मराठीत आहेत.

रुपी's picture

17 May 2020 - 9:35 pm | रुपी

छान कथा. आवडली.