नोकरी मिळवताना २) रेस्युमे सर्वसामान्य माहिती - हेडर

पहिल्यांदा रेझ्युमे, सी.व्ही., बायो डेटा यांत फरक ?? असावा . यावर नेत वर खूप चर्चा मिळेल . बर्याच अंशी एकच . वर एक तर असे काही टायटल देवून जागा वाया घालवू नका .

आता वय, लिंग आणि कल, लग्न आणि मुलं बाळं या फारच वैयक्तिक गोष्टी झाल्या. या लिहाव्यात?
१) मुलं बाळं न लिहिणे हे ठीक आहे - पण काही वेळा विचारले जाते .
२) लिंग - हे नंतर कसे लपवणार ? हेल्मेटकिंवा बुरखा घालून जाणार का ? अनेकदा नावावरून गेस मारला जातो - तो चुकीचा ठरू नये म्हणून. आणि दुर्दैवाने अनेक जॉब विशिष्ट लीन्गासाठी असू शकतात म्हणुन . समानतेच्या किती हि गप्पा मारल्या तरी अनेक कंपनी चे सेल्स फोर्स हे पुरुषी च असते .
३) वय - या साठी जर काही निकष असतील तर तर पुढील माहितीवरून एक दोन वर्षांच्या फरकात वय कळू शकते . थारीविक शिक्षणाला किती वर्ष लागतात याचे आडाखे आणि अनुभव . आणि अनेकदा वय जास्त आणि अनुभव आणि शिक्षण याट काही फटी ( ग्याप) असतील तर मध्ये काही ब्रेक असतील ते कळते . आणि हे लपवले तर निवडीचा चान्स जाऊ शकतो

सर्वात महत्वाचे एक आहे -
या माहिती ने नोकरी मिळण्यात फरक पडत नाही ( बर्याच अंशी ) पण हि माहिती देण्याची गरज असते , तसेच हि माहिती प्राथमिक डेटाबेस बनवायला उपयोगी असते त्यामुळे द्यावी लागते .

बर्याच अंशी का कि दुर्दैवाने या माहितीचा चाळणी लावायला उपयोग केला जातो. आणि आज ना उद्या हे कळणार असतेच . काही जॉब फक्त पुरुषासाठी किंवा स्त्रिया साठी असतात . तसेच लग्न झालेला पुरुष हि काही नोकर्यात नको असतो . आणि अनेक कंपनी फॉर्म भरून घेतात आणि यात खोटी माहिती लिहिलीत तर काढण्याची कारवाई झाली आहे.

आणि उमेदवारासाठी सगळ्यात त्रासाची गोष्ट असते इंटरव्यू च्या २ किंवा ३ राउंड झाल्यावर अशा तांत्रिक मुद्द्यावर बाद होणे . यात उमेदवारांचे २-३ दिवस , त्यांचे सुट्टी सर्व काही वाया जाते . त्यामुळे अशी माहिती योग्य वेळी देणेच योग्य. हीच गोष्ट फेसबुक ची .एकाच नावाने १०-२० प्रोफाईल पण दिसतात आणि चुकीची प्रोफाईल बघून स्क्रीनिंग स्टेज लाच नाकारले जाण्याचा धोका असतो .

तसेच जेंव्हा एका जागे साठी शेकडो अर्ज येतात , किंवा हजारो तेंव्हा काही एक फिल्टर लावावा लागतो . कामानुसार फिल्टर ठरलेले असतात . हि माहिती नसेल - आणि असे अर्ज १०-२० टक्के जरी असले तरी सरळ ते बाजूला ठेवून बाकीच्या अर्जा मधून योग्य ते उमेदवार निवडले जातील . इतका थोडा वेळ असतो हा निर्णय घ्यायला कि निवड करणाऱ्या ला कोठलाही त्रास होऊ देवू नये . मी १० अशी माहिती देणाऱ्या उमेदवारांना फोन करणार , काही फोन लागणार नाही , काही माहिती देणार नाही , काहींची माहिती यायला वेळ लागणार - काही attitude देणार - तेव्हड्या वेळात १०० अधिक रेस्युमे वाचून २० ते ३० अजून बरे उमेदवार मिळविण कि . जर एखादी कठीण जागा असेल तर शोध घेतला जातो . पण सर्वसामान्य जागा साठी एक सोडा शंभर मिळतील अशी परिस्थिती आहे . जिकडे सरकारी प्यून च्या जाहिराती साठी इंजिनिअर , डॉक्टर ,MBA आणि PhD अर्ज करतात - तिकडचे हे भीषण वास्तव आहे .

म्हणजे हि माहिती काही ठिकाणी स्क्रीनिंग ला वापरली जाते . तरी नसल्यास फार बिघडत नाही , पण..... आणि लिंग लिहावे करण सोफ्टवेअर ला किंवा बर्याचदा वाचणार्या माणसाला हि नावावरून काही कळत नाही .

तुमच्या कामाच्या स्वरूपा वर ते अवलंबून आहे.
तसे कि बहुतेक सर्व नोकरी वेळी आपण जो करारनामा करतो ( नोकरीच्या अटी ) त्या निट बघा, बहुतेक सर्व नोकरी पूर्णवेळ असतात आणि अनेक ठिकाणी तुम्ही त्या साठी पूर्ण वेळ देण्याची अपेक्षा असते. काही नोकरीत तर फावल्या वेळात शिकवणे , क्लास घेणे यालाही प्रतिबंध असतो, काही ठिकाई याची पूर्वकल्पना देणे अपेक्षित असते .

आणि या गोष्टी लपवणे - आणि जर या गोष्टी उघडकीस आल्यातर एथिकल इशू होऊ शकतो . काही वेळा कंपनी ला वाटले तर सरळ काढून टाकू शकते. . आणि नंतर हि गडबड केली तर मार्केट मध्ये नाव खराब होण्याचा धोका असतो .

तुम्ही जर चांगला कन्टेन्ट लिहीत असाल आणि तो वाचनीय असेल तर काय हरकत आहे ?
चांगले लिहिणे म्हणजे चांगले कम्युनिकेशन करणे असे मानले जाते . आपण नेट , ब्लॉग आणि समाज माध्यमे विशेषतः फेसबुक आणि ट्विटर वर काय टाकता हे बघितले जाते. अर्थात इंकडे मिपावर अनेकजण टोपण नावाने लिहितात . पण हे अनेक ठिकाणी होतो . तांत्रिक रेस्युम बघताना काही ठिकाणी मी काही फोरम , ब्लॉग किंवा अगदी फेसबुक , यु ट्यूब चे सन्दर्भ पहिले आहेत.
१) हा कन्टेन्ट अतिरेकी एका बाजूला झुकणारा नाही ना हे पहिले पाहिजे . राजकीय कन्टेन्ट धोकादायक ठरू शकतो
२) पडीक असणे - कोठल्या वेळी पोस्ट केली हि वेळ बघितली जाऊ शकते . पण थोड्या कामाच्या वेळी केलेल्या पोस्ट ने फार प्रॉब्लेम येऊ नये .

अर्थात मराठी कनेन्ट ला एक लिमिटेड व्हॅल्यू आहे . कारण बाकीचे बरेचसे अमराठी असल्याने तुमची काय लिहिले हे समोरच्या ला कळू शकत नाही , किंवा त्याला इंप्रेस करू शकत नाही . एक मराठी पुस्तकाऐवजी २-४ इंग्लिश मधील छापून आलेले लेख अधिक प्रभावशाली असतात . मी पण पुस्तक लिहिण्याचे कारण MBA ची प्लेसमेंट हे होते , दुर्दैवाने ते प्लेसमेंट नन्तर प्रकाशित झाले. ;(

पुढच्या नोकरी साठी किंवा टॉप मॅनेजमेंट स्कुल च्या ऍडमिशन साठी ब्लॉग सुरु करणारे ( आणि त्यात हि चोरून कन्टेन्ट टाकणारे ) माहित आहेत . काही जण तर यु ट्यूब साठी हि व्हिडीओ बनऊन स्वतःचे चॅनेल बनवत आहेत .

ब्लॉग , यु ट्यूब , सोशल मीडिया याने इमेज बिल्डिंग आणि पर्सनल ब्रॅण्डिंग हि एक स्ट्रॅटेजि होऊ शकते. यावर जर काही अधिक माहिती मिळाल्यास इकडे लिहीनच.