खरं खरं सांगा

Primary tabs

चुकलामाकला's picture
चुकलामाकला in जे न देखे रवी...
11 Oct 2017 - 7:38 pm

तुमच्यासुद्धा मनामध्ये एक रेखा असते ना?
उच्चार नसाल करत भले, पण एक रेखा असते ना?

भले तुमची बायको सुशील सुंदर सुगरण,
द्रुष्ट लागावी असं सुखी संसारीक जीवन.
पण कधीतरी कुठ्ठतरी आठवण ही येतेच ना?
सिलसिला बघताना मन गिरकी घेतेच ना?
तुमच्यासुद्धा मनामध्ये एक रेखा असते ना?

नसाल तुम्ही अमिताभ पण म्हणून काय झालं?
साले उप्परवालेने भी असलं हार्ट दिलं.
संस्कार बिस्कार,पाप-पुण्य,समाज काय म्हणेल?
इमोशनल लोच्यामध्ये भिजत घोंगडे पडते ना?
तुमच्यासुद्धा मनामध्ये एक रेखा असते ना?

वाचताना कविता तुमच्या ओठी हसू फुललं.
कुणी नाही ना आजूबाजूला हळूच बघून घेतलं.
कुणी म्हणजे नक्की कोण तुम्हालाही कळलं.
पण आणखी एक महत्त्वाचं सांगायचं राहिलं.

आपली 'जाया' कुणाची तरी रेखा असू शकते ना?
तुमच्यासुद्धा मनामध्ये एक रेखा असते ना?

कविताअभंग

प्रतिक्रिया

पद्मावति's picture

11 Oct 2017 - 8:15 pm | पद्मावति

:)
आपली 'जया' कुणाची तरी रेखा असू शकते ना? हा हा मस्तच.

सौरा's picture

12 Oct 2017 - 10:10 am | सौरा

झकास्स!!

अभिजीत अवलिया's picture

12 Oct 2017 - 10:13 am | अभिजीत अवलिया

आवडली कविता ...

तिमा's picture

12 Oct 2017 - 10:16 am | तिमा

आमच्या मनांत रेखाच काय, मधुबाला, वहिदा, नूतन, मौशुमी अशा कित्येक असतात, आणि आम्ही उघडपणे, आमच्या जयाला हे कधीच सांगितलं आहे! आणि तिचाही, 'गर्जेल तो पडेल काय ?', या म्हणीवर नितांत विश्वास आहे.

वरच्या यादीत फक्त माधुरी दिक्षीत अ‍ॅडवा,
पैजारबुवा,

प्राची अश्विनी's picture

13 Oct 2017 - 6:59 am | प्राची अश्विनी

:):)

तिमा's picture

13 Oct 2017 - 10:36 am | तिमा

वरच्या यादीत फक्त माधुरी दिक्षीत अ‍ॅडवा,
नाही हो, ती आमच्या स्पेसिफिकेशनमधे बसत नाही. आम्हाला ती कायमच 'हिरड्याकुमारी' वाटत राहिली.

जागु's picture

12 Oct 2017 - 10:31 am | जागु

कालच्या अमिताबच्या वाढदिवसाच्या निमित्ताने लिहीलेली दिसते.

चुकलामाकला's picture

12 Oct 2017 - 12:06 pm | चुकलामाकला

सासं ना एक विनंती आहे .
शेवटच्या ओळीत 'जया' च्या ऐवजी 'जाया' करता येईल का?

सौरा's picture

12 Oct 2017 - 12:14 pm | सौरा

नक्की?
:प

विशुमित's picture

12 Oct 2017 - 4:27 pm | विशुमित

<<<वाचताना कविता तुमच्या ओठी हसू फुललं.>>>
==>> खरोखर हसू फुलले..!!

पाटीलभाऊ's picture

13 Oct 2017 - 11:01 am | पाटीलभाऊ

मस्त कविता...!

दुर्गविहारी's picture

13 Oct 2017 - 11:57 am | दुर्गविहारी

हा हा हा ! अफलातुन कविता. नर हा निसर्गानेच पॉलिगॅमस केला आहे ( आल्या आता अनाहिता ) त्यामुळे रेखा काय बरीच मोठी लिस्ट असु शकते. ;-)
बाकी आमच्या मनात ते स्थान पंजाब दा पुत्तरी 'प्रियांकाने' पटकावले आहे. ;-)

वरुण मोहिते's picture

13 Oct 2017 - 12:58 pm | वरुण मोहिते

कोणाची तरी रेखा असू शकते !!!!!! लैच भारी वाक्य . आमच्याकडून एक पार्टी लागू तुम्हाला ...

स्नेहांकिता's picture

13 Oct 2017 - 1:12 pm | स्नेहांकिता

आपली जया कोणाची तरी रेखा असू शकते !!

यासाठी टाळ्या !!