जय महाराष्ट्र बोला

पाषाणभेद's picture
पाषाणभेद in जे न देखे रवी...
4 Jun 2017 - 7:25 pm

अरे बोला बोला जय महाराष्ट्र बोला
कुणाच्या बापाची भीती नाय
बोला दणकूण बोला
तुम्ही जय महाराष्ट्र बोला
अरे बोला बोला जय महाराष्ट्र तुम्ही बोला

आता नाही तर कधीच नाही हे ठेवा ध्यानी
सीमाभाग आमच्यात घेवू लक्षात घ्या तुम्ही
उगा पिरपिर करू नका नाहीतर
एकच ठेवून देवू टोला
बोला बोला जय महाराष्ट्र बोला

बापजादे खपले आमचे सीमालढा देवून
लाठ्या काठ्या खाल्या लई हाल सोसून
खोटे गुन्हे नका दाखल करू
कन्नडीगांनो, झाले मराठी आता गोळा
बोला बोला जय महाराष्ट्र बोला

मराठी शाळा तुम्ही संपवल्या की हो
कानडीची सक्ती तुम्ही राबवली हो
सोईचे नियम केले हो केले
दमनशास्त्र तुम्ही राबवले हो राबवले
खेळी केली अन गावं खिशात घातले
एक पिढीच संपवली बंद करूनी मराठी शाळा
आतातरी बोला बोला जय महाराष्ट्र बोला

बेळगाव कारवार भालकी बीदर
आळंगा हल्याळ निपाणी घातले घशात
आतल्या गाठीचे तुम्ही
खोटे आयोग लावले कितीक वेळा
म्हणून बोला बोला जय महाराष्ट्र बोला

मागच्या पिढ्या संपवल्या मुस्कटदाबी करून
बळजबरी केली कानडीची मार मारून
सांगा कितीदा सोसायच्या मराठीसाठी कळा
म्हणून बोला बोला जय महाराष्ट्र बोला

नका आता भाषेचे राजकारण करू
नका आणखी सीमाभागाचे लचके तोडू
मराठीला नका लागू देवू कानडी सक्तीच्या झळा
बोला बोला जय महाराष्ट्र बोला

- पाषाणभेद

( आताशः वेळ नसल्याने येथे येणे होत नसल्याने आपली भेट होत नाही. क्षमस्व.)

वीररसकविताभाषासमाजभूगोलराहती जागाराजकारण

प्रतिक्रिया

पैसा's picture

4 Jun 2017 - 9:24 pm | पैसा

जय महाराष्ट्र

अत्रुप्त आत्मा's picture

5 Jun 2017 - 6:10 am | अत्रुप्त आत्मा

जय हो.

एस's picture

5 Jun 2017 - 9:53 am | एस

जय महाराष्ट्र!

जावई's picture

5 Jun 2017 - 3:34 pm | जावई

जय भवानी जय शिवाजी