अनोळखी भेटीत धुंद पाऊस बरसला
थेंबा थेंबात प्रीत नक्षी आकारून गेला
पाने हलता मोती ओघळे
तुझ्या चाहूलीने गंधाळती मळे
गंध तुझा सावळ्या रानी विसावला
पावसाळी सावल्यांत मेघांचा झुला झुले
हळूवार प्रीतीत सरींचा पिसारा उमले
कोवळ्या सूराने दवांत पंख पसरला
विहग जलधारांचे पालवींत लोपले
गूज फुलपाखरांचे मंजिरींत साठले
ओलेत्या नभाने बांधली इंद्रधनुची मेखला
प्रतिक्रिया
11 May 2017 - 2:17 pm | पैसा
कडाक्याच्या उन्हात मस्त गारेगार वाटलं!
12 May 2017 - 4:04 pm | चांदणशेला
धन्यवाद
12 May 2017 - 9:28 pm | पद्मावति
सुरेख!
12 May 2017 - 11:51 pm | चांदणशेला
धन्यवाद