ती एकदाच दिसली...

सत्यजित...'s picture
सत्यजित... in जे न देखे रवी...
24 Apr 2017 - 5:01 am

ती एकदाच दिसली अन् छंद होत गेला
दिनदर्शिका-फुल्यांचा धरबंद होत गेला!

होती कथा विराणी,झाली गझल रुमानी
बहुधा पुन्हा व्यथेला,आनंद होत गेला!

शर खोल-खोल रुतला नजरेतला तिच्या अन्
एकेक मंद ठोका मग बंद होत गेला!

केसांत मोकळ्या त्या मन गुंतवीत गेलो
कमळात बंद भुंगा स्वच्छंद होत गेला!

टिपतो सुगंध वारा..उबदार ओंजळींनी
बागेतल्या कळ्यांचा गुलकंद होत गेला!

ती गुणगुणत असावी बहुतेक शेर माझे
प्रत्येक शब्द माझा मकरंद होत गेला!

केंव्हातरी अचानक येतो सुगंध अजुनी
हा कायदा ऋतूंचा,बेबंद होत गेला!

—सत्यजित

gajhalमराठी गझलकवितागझल

प्रतिक्रिया

पद्मावति's picture

24 Apr 2017 - 3:18 pm | पद्मावति

वाह!!! अतिशय सुंदर. खूप आवडली. मला आवडलेल्या यातल्या ओळी quote करण्याचा मोह होत होता पण अशाने ही पूर्ण कविताच quote करावी लागली असती :)

दशानन's picture

24 Apr 2017 - 9:33 pm | दशानन

सुंदर!
आवडली रचना.

अनन्त्_यात्री's picture

25 Apr 2017 - 9:13 am | अनन्त्_यात्री

"एकेक मंद ठोका मग बंद होत गेला!"
...मनात रु॑जी घालत राहिली !

ज्ञानोबाचे पैजार's picture

25 Apr 2017 - 11:31 am | ज्ञानोबाचे पैजार

छंदबद्ध कविता आवडली
पैजारबुवा,

वेल्लाभट's picture

25 Apr 2017 - 11:38 am | वेल्लाभट

अफलातून !

अ फ ला तू न !

मस्तच. वाह क्या बात है!

मितान's picture

25 Apr 2017 - 1:01 pm | मितान

खूपच छान !!

नीलमोहर's picture

25 Apr 2017 - 3:25 pm | नीलमोहर

सुरेख लिहिता अगदी,

राघव's picture

25 Apr 2017 - 4:50 pm | राघव

आवडेश. :-)

सत्यजित...'s picture

27 Apr 2017 - 1:46 pm | सत्यजित...

सर्व प्रतिसादकांचे धन्यवाद!

एस's picture

27 Apr 2017 - 3:36 pm | एस

वा!!

Pradip kale's picture

28 Apr 2017 - 7:19 am | Pradip kale

वाह!!!

आगाऊ म्हादया......'s picture

9 May 2017 - 8:19 am | आगाऊ म्हादया......

होती कथा विराणी,झाली गझल रुमानी
बहुधा पुन्हा व्यथेला,आनंद होत गेला!

वा, छा गये

सस्नेह's picture

9 May 2017 - 12:18 pm | सस्नेह

मस्त मदहोश गझल !!

सत्यजित...'s picture

10 May 2017 - 9:11 am | सत्यजित...

एस,Pradip,आगाऊ म्हाद्या,स्नेहांकिता धन्यवाद!