गंधभारल्या रात्री होत्या...

सत्यजित...'s picture
सत्यजित... in जे न देखे रवी...
21 Apr 2017 - 3:09 am

स्वप्नपरीच्या वाटेवरती,तारांगण अंथरले होते...
गंधभारल्या रात्री होत्या,दिवस जणू मंतरले होते!

केस मोकळे..त्यावर गजरा,छत्तिस नखरे,कातिल नजरा...
फक्त एवढे कळले..नंतर,रोम-रोम मोहरले होते!

विरघळलेली मिठी सैलसर,पुन्हा एकदा अवघडताना...
लाज-लाजुनी अलगद कोणी,चंद्र-किरण पांघरले होते!

मला एकदा म्हणे..कसे रे,सुचते इतके तुला निरंतर?
तिच्या निरागस प्रश्नावरही,शेर गुलाबी स्मरले होते!

निरोप घेतानाही क्षणभर,पाय तिचा अडखळला तेव्हा...
पुन्हा वेचण्यासाठी चुंबन,ओठ तिचे थर-थरले होते!

—सत्यजित

gajhalgazalमराठी गझलकवितागझल

प्रतिक्रिया

मोनाली's picture

21 Apr 2017 - 1:42 pm | मोनाली

किती सुन्दर!

दशानन's picture

21 Apr 2017 - 1:53 pm | दशानन

शॉरी :D
उत्तम रचना होती म्हणून जरा आचरटपणा केला आहे ;)

चिनार's picture

21 Apr 2017 - 2:04 pm | चिनार

मस्त !!!
अजून वाढवता येईल का ???

अहा! छान शृंगारिक रचना.

माहितगार's picture

21 Apr 2017 - 7:55 pm | माहितगार

(कविता) आवडली

समाधान राऊत's picture

21 Apr 2017 - 8:30 pm | समाधान राऊत

इथुन , दिलापासुन आवडली आहे कविता.

अत्रुप्त आत्मा's picture

22 Apr 2017 - 7:44 am | अत्रुप्त आत्मा

राऊतांच्या समाधानात सहभागी. +१

सत्यजित...'s picture

23 Apr 2017 - 12:22 am | सत्यजित...

सर्व प्रतिसादकांचे धन्यवाद!

आगाऊ म्हादया......'s picture

9 May 2017 - 8:22 am | आगाऊ म्हादया......

खूप आवडली

संजय क्षीरसागर's picture

9 May 2017 - 11:03 am | संजय क्षीरसागर

मला एकदा म्हणे..कसे रे,सुचते इतके तुला निरंतर?
तिच्या निरागस प्रश्नावरही,शेर गुलाबी स्मरले होते!

बहोत खूब !

सत्यजित...'s picture

10 May 2017 - 9:13 am | सत्यजित...

आगाऊ म्हाद्या,संजयजी धन्यवाद!

पैसा's picture

10 May 2017 - 9:16 am | पैसा

सुंदर रचना!

अनुप ढेरे's picture

10 May 2017 - 9:40 am | अनुप ढेरे

मस्तं!

वेल्लाभट's picture

10 May 2017 - 5:50 pm | वेल्लाभट

लव्हली

पाषाणभेद's picture

11 May 2017 - 4:20 am | पाषाणभेद

सुंदर रचना

सत्यजित...'s picture

25 May 2017 - 2:37 am | सत्यजित...

पैसा,अनुप,वेल्लाभट,पाषाणभेद सर्वांचे खूप धन्यवाद!