चालता चालता जरा विसावे, दाट सावलीत जरा निजावे
गंतव्यास अंतर बरेच बाकी, मागे वळून जरा पाहावे
जे राहिले मागे ते विसरावे, जे आले सोबत ते घेत चालावे
हरवले त्याची बेरीज कसली, मिळेल त्याचे आनंद असावे
पडावे प्रश्न मनी अस्तित्वाचे, ह्या गूढाचे अर्थ कळावे
अनंत आहे सागर बाकी, एकच अमृत घोट मिळावे
निनाव
१७.०३. २०१७
प्रतिक्रिया
17 Mar 2017 - 4:51 pm | वेल्लाभट
छान
17 Mar 2017 - 10:40 pm | सावत्या
अमृत सिंगल माल्टची आठवण आली.
हलके घ्या !!!