प्रासंगिक भटकंती वार्ता

Primary tabs

कंजूस's picture
कंजूस in भटकंती
17 Mar 2017 - 11:10 am

ढाक
बय्राचजणांनी ट्रेकमध्ये उत्सुकता दाखवल्याने एक ट्रेक ठरवला आहे.
एक दिवसाच्या ट्रेकला जाण्याचे ठरत आहे.

रविवार दि १९
कर्जत-वदप-ढाक गाव-कर्जत
सकाळी सहा ते संध्याकाळी आठला परत.

वाट सोपी ,दरी नसलेली, अवघड चढाई नसलेली, ढाकचे गाववाले वापरत असलेली आहे. आपण ढाक बहिरीला जात नाही. ढाक गावाकडे जाणार आहोत.
थोडी भटकंती आणि वनभोजन.
ट्रेन + ओटोरिक्षा ( अंदाजे प्रवास खर्च रु ८० अथवा कमी )

( ढाक बहिरी गुफा अथवा ढाक गड नाही)
उन्हाळ्यातला दिवसा ट्रेक जमत असेल त्यांनी यावे.
( cst karjat fast train. Dadar (6.24), kurla(6.30), ghatkopar(6.35),thane(6.50),Dombivli(7.00),kalyan(7.10)Karjat(8.00)
पुण्याकडून येणारी सिंहगड एक्सप्रेसही कर्जतला (8.00)लाच येते.

कर्जतला एक नं फलाटाकडे मोठे तिकिट ओफिस आहे तिथे सर्व भेटू. कर्जतला आल्यावर सर्वांनी तिकिट ओफिस एअरिआत येणे. रूळ ओलांडू नका, पुलाचा वापर करा. पूल तिथेच उतरतो.

( पुण्यास परतण्यासाठी प्रगती (18.05), Deccan queen(18.33), बहुतेक मिळेल. अथवा सह्याद्री एक्स(19.28) आहेच.)
कर्जत रिटन तिकिट काढून शक्यतो
पुढच्या दुसय्रा डब्यात बसणे.
( जेवणाचा डबा,टोपी/छत्री,दोन लिटर पाणी)

बघुया कसं जमतं ते.
माझा फोन
8080627261

प्रतिक्रिया

प्रचेतस's picture

17 Mar 2017 - 12:25 pm | प्रचेतस

उन्हाळ्यात ही चढाई खूप त्रासदायक होईल असे वाटते. ह्या वाटेवर फारशी झाडी नाहीत, किंबहुना खुरटी आहेत.

जगप्रवासी's picture

17 Mar 2017 - 1:24 pm | जगप्रवासी

मी येतोय

कंजूस's picture

17 Mar 2017 - 1:42 pm | कंजूस

उन्हात एका दिवसात जाऊन येण्यासाठी ही चांगली जागा आहे. वरती गार झाडी आहे. शिवाय दोन मोठ्या विहिरी आहेत. बाराही महिने पाणी असते.

किसन शिंदे's picture

17 Mar 2017 - 1:46 pm | किसन शिंदे

अरे वा!!

पोहायला मिळते का त्या विहिरीत.?

प्रचेतस's picture

17 Mar 2017 - 1:59 pm | प्रचेतस

असं पोहून पाणवठे खराब करू नयेत, आपल्याला शहरात भरपूर पाणी मिळतं तरी गावकऱ्यांचा जीव त्या साठयांवरच अवलंबून असतो.

कंजूस's picture

17 Mar 2017 - 2:37 pm | कंजूस

होय. पण पायय्रा नाहीत.

पोहायला मागच्या वर्षीच्या ट्रिपला भरपूर वाव होता. स्पाला घेऊन जा बाइकने. तुडुंब तलाव.

कंजूस's picture

17 Mar 2017 - 2:51 pm | कंजूस

पोहण्यासाठी
स्पा in भटकंती
25 Mar 2016 - 11:08
आडवाटेची भ्रमंती - जांभे धरण
धुळवडीला दर वर्षी ट्रेक होतोच, पण या वर्षी अति उन्हाळा असल्याने ट्रेक न करता नुसतेच कुठे फिरून येत येईल का या विचारात होतो, ठिकाण पण हटके हवे, म्हणून कंजूष काकांशी बोलणे झाले, त्यांनी सुचवलेला जांभे धरणाचा प्रस्ताव आवडला.यावेळी बाईक ने जायचे नाही असे ठरवले होते.
लिंक:http://www.misalpav.com/node/35449

स्वच्छंदी_मनोज's picture

17 Mar 2017 - 3:45 pm | स्वच्छंदी_मनोज

कंजूसकाका मस्त प्लॅन पण वल्ली म्हटल्याप्रमाणे उन्हाचा खूप त्रास होणार. तुम्ही वदप वरून म्हणजे कोकणातून वर चढणार म्हणजे ह्युमीडीटीचा चांगलाच त्रास होईल तेव्हा त्या तयारीने जा. तुम्ही फक्त पठारावरील ढाकवाडीपर्यंत जाणार की पुढे ढाक किल्ल्यावर?

वेळ मिळालाच तर वाटेवरचाच अतीसोपा असा भिवगडही पाहाता येईल.

मी हाच ट्रेक १५ वर्षांपुर्वी असाच एक दिवसाचा भर पावसाळ्यात ऑगस्टमध्ये केला होता. तेव्हा कर्जतवरून भल्यापहाटे काहीही वाहन न मिळाल्याने डांबरी रस्त्यावरूपावदप पर्यंत १३-१४ किमीची पायपीट घडली होती पण आम्ही ढाकवाडी वरून पुढे ढाक किल्ल्यावरच्या पाण्याच्या टाकीपर्यंत जाऊन आलो होतो.

फक्त पठारावरील ढाकवाडीपर्यंत जाणार?

होय.कारण पाचपर्यंत परत खाली यायचे आहे. मी दोनदा गेलो आहे. वाटेतल्या झय्राला फेब्रुअरीपर्यंत पाणी असते. जागा आवडली तर एरवी जाऊ शकतात.
उन्हाळ्याची सुट्टी मोठी असते आणि ट्रेक निघत नाहीत.

कंजूस's picture

17 Mar 2017 - 5:26 pm | कंजूस

उन्हाचा खूप त्रास वाटू लागल्यास फार वर न जाता वनभोजन करून परत.

ढाक भटकंती वृत्तांत थोडक्यात-

कर्जत ट्रेनमध्ये चढलो तेव्हा येणाय्रांपैकी कुणी नव्हते. आमराई नाक्यावरून चहा घेऊन ( वदप कडे जाणाय्रा ) शेअर ओटोने निघालो आणि सहा किमी अंतरावरच्या संजयनगरला उतरलो तेव्हा ९ वाजलेले .वाटेत भाताची हिरवी शेते दिसतात याचे कारण भिवपुरी पावरहाउसचे खाली आलेले पाणी कॅनालने दिले आहे. इथूनच समोर दिसतो ढाकच्या पठाराचा कडा.( ढाकगड याच्या मागे आहे तो दिसत नाही.)
फोटो १

फोटो २

तसं पाहिलं तर सह्याद्री कर्जत स्टेशनपासून इतका जवळ इथेच आहे. अर्ध्या तासात २५०मिटर्सच्या भिवगडा पाटीपाशी येतो तिथे डावीकडची एक वाट वर गडाकडे आणि एक खाली पलिकडच्या गावात ( गौडकामत) उतरते. उजवीकडे वर वळल्यास ढाककडे. अजून थोडे वर गेल्यास आपण भिवगडाच्या उंचीइतके २५०मि वर येतो. इथून वरचा पाचपन्नासमिटर्सचा भिवगडाचा पसारा,झेंडा,खालची दोन टाकं दिसतात.
फोटो ३

इथे दोन वाटा आहेत डाविकडची ढाककडे नेहमीच्या वापरातली, उजवीकडे एका ओढ्याकडून परत मुख्यवाटेकडे जाण्याची. ही वाट सावलीची आहे आणि ओढ्यात थोडे पाणी चुळकाभरतरी असतेच. त्यावर अवलंबून पाच ठाकर घरं आहेत. त्यांच्याशी बोलून निघालो. इथून सर्व वाट दहापंधरा मिनिटांचे थोडे उजाड भाग सोडल्यास सदाहरीत गार सावली देणाय्रा झाडांची आहे. उन असे जाणवत नाहीच. पक्षांचे कुजन सतत चालूच असते.
ढाक झाडीतले पक्षांचे आवाज
Recording 2017-03-19 Sunday.
फाइल साइज 1 MB

फोटो ४

कड्यावर/ पठारावर (बारा वाजता) पोहोचल्यावर गाव दिसत नाही ते दिडशे मिटर्स पुढे आहे. ग्रामदेवता गारुआई मंदिर स्वागतासाठी आहे. इथे आसरा आहे.
फोटो

फोटो ५

शेतातून थोडे पुढे गावाच्या वाटेवर विहीर आहे. गावची पाणवठा विहीर वेगळी आहे.
फोटो ६

रूट ट्रेस
फोटो ७

फोटो ८

देवळाच्या पडवीत जेवण करून आराम केला आणि दीड वाजता निघालो. अडिच वाजता काही मुलेमुली भिवगडावरून येताना दिसली. चार आंधळे मुलांना वर नेऊन आणत होते. अकराजण होते. अकरावाजता येऊन उन्हात गडसैर करवून अडिचला परत खाली. संजयनगरला रस्त्यावर आलो तेव्हा तीन वाजलेले. पुन्हा सकाळचाच ओटोरिक्षावाला भेटला! कर्जतच्या बाजारात काजुबोंडे खरेदी करून चारच्या गाडीने परत निघालो.

नमिता श्रीकांत दामले's picture

20 Mar 2017 - 6:25 pm | नमिता श्रीकांत दामले

छान भटकंती. जीपीएस् ट्रॕक उपयुक्त.
एकटेच गेला होतात?
मस्त फिरत रहा आणि असेच लिहित रहा.

सुमीत's picture

20 Mar 2017 - 9:47 pm | सुमीत

कंजूस शेठ, आता एप्रिल मधे परत आल्या वर करु हाच ट्रेक.

ढाक भटकंती वृत्तांत थोडक्यात-

कर्जत ट्रेनमध्ये चढलो तेव्हा येणाय्रांपैकी कुणी नव्हते. आमराई नाक्यावरून चहा घेऊन ( वदप कडे जाणाय्रा ) शेअर ओटोने निघालो आणि सहा किमी अंतरावरच्या संजयनगरला उतरलो तेव्हा ९ वाजलेले .वाटेत भाताची हिरवी शेते दिसतात याचे कारण भिवपुरी पावरहाउसचे खाली आलेले पाणी कॅनालने दिले आहे. इथूनच समोर दिसतो ढाकच्या पठाराचा कडा.( ढाकगड याच्या मागे आहे तो दिसत नाही.)
फोटो १

फोटो २

तसं पाहिलं तर सह्याद्री कर्जत स्टेशनपासून इतका जवळ इथेच आहे. अर्ध्या तासात २५०मिटर्सच्या भिवगडा पाटीपाशी येतो तिथे डावीकडची एक वाट वर गडाकडे आणि एक खाली पलिकडच्या गावात ( गौडकामत) उतरते. उजवीकडे वर वळल्यास ढाककडे. अजून थोडे वर गेल्यास आपण भिवगडाच्या उंचीइतके २५०मि वर येतो. इथून वरचा पाचपन्नासमिटर्सचा भिवगडाचा पसारा,झेंडा,खालची दोन टाकं दिसतात.
फोटो ३

इथे दोन वाटा आहेत डाविकडची ढाककडे नेहमीच्या वापरातली, उजवीकडे एका ओढ्याकडून परत मुख्यवाटेकडे जाण्याची. ही वाट सावलीची आहे आणि ओढ्यात थोडे पाणी चुळकाभरतरी असतेच. त्यावर अवलंबून पाच ठाकर घरं आहेत. त्यांच्याशी बोलून निघालो. इथून सर्व वाट दहापंधरा मिनिटांचे थोडे उजाड भाग सोडल्यास सदाहरीत गार सावली देणाय्रा झाडांची आहे. उन असे जाणवत नाहीच. पक्षांचे कुजन सतत चालूच असते.
ढाक झाडीतले पक्षांचे आवाज
Recording 2017-03-19 Sunday.
फाइल साइज 1 MB

फोटो ४

कड्यावर/ पठारावर (बारा वाजता) पोहोचल्यावर गाव दिसत नाही ते दिडशे मिटर्स पुढे आहे. ग्रामदेवता गारुआई मंदिर स्वागतासाठी आहे. इथे आसरा आहे.
फोटो

फोटो ५

शेतातून थोडे पुढे गावाच्या वाटेवर विहीर आहे. गावची पाणवठा विहीर वेगळी आहे.
फोटो ६

रूट ट्रेस
फोटो ७

फोटो ८

देवळाच्या पडवीत जेवण करून आराम केला आणि दीड वाजता निघालो. अडिच वाजता काही मुलेमुली भिवगडावरून येताना दिसली. चार आंधळे मुलांना वर नेऊन आणत होते. अकराजण होते. अकरावाजता येऊन उन्हात गडसैर करवून अडिचला परत खाली. संजयनगरला रस्त्यावर आलो तेव्हा तीन वाजलेले. पुन्हा सकाळचाच ओटोरिक्षावाला भेटला! कर्जतच्या बाजारात काजुबोंडे खरेदी करून चारच्या गाडीने परत निघालो.

प्रचेतस's picture

20 Mar 2017 - 4:34 pm | प्रचेतस

मस्त उपवृत्तांत.

सूड's picture

20 Mar 2017 - 4:17 pm | सूड

भारीच!!

एस's picture

20 Mar 2017 - 4:28 pm | एस

छान!

काकानू.. एकटे नका फिरत जाऊ...

खास करुन उन्हाळ्यात तर नकोच नको.

नीता वैद्य's picture

25 Mar 2017 - 5:32 pm | नीता वैद्य

छान व्रुतांत. फोटो आणि पक्ष्यांचे आवाज मस्तच.

जव्हेरगंज's picture

26 Mar 2017 - 12:55 pm | जव्हेरगंज

व्वा!!