देवघर - मला स्फूर्ती देणारा पवित्र कोपरा!

सिंधू वडाळकर's picture
सिंधू वडाळकर in जनातलं, मनातलं
18 Jan 2017 - 6:14 pm

आपुलकी, जिव्हाळा, दया, माया आणि आल्हादाच्या रेशमी धाग्यांनी नटलेली वास्तू म्हणजे आपले घर असते. अशा घरास गंगेचे पावित्र्य लाभलेले असते. माझे घर छोटे आणि दोन मजली आहे. वरच्या घरात एका कोपऱ्यात माझी एक आवडती खास जागा आहे. ती म्हणजे माझे देवघर!

देवघरात मोजकेच देव आहेत. त्यात गणपती हे माझे आराध्य दैवत आहे आणि रेणुका देवी ही माझी कुलस्वामिनी आहे. या देवांची मी रोज उपासना करते. रोज तीन तासांची माझी उपासना असते. सुख दु:खाला मोकळीक करून देण्याची ही माझी जागा आहे. देवघरात गणपतीची छोटी आणि सुबक अशी मूर्ती आहे. त्याची मी आवर्तने करते. तसेच देवघरासमोर मी ध्यान धारणा करते. त्यामुळे मला शांती लाभते. त्यामुळे जीवन जगण्याची स्फूर्ती येते आणि जीवन जगण्याला उभारी येते आणि एक प्रकारचे स्थैर्य अनुभवास येते. आपण एक लक्षात घेतले पाहिजे की भक्तीशिवाय जीवनाला रंग नाही. भक्ती करून मन शुद्ध होते. मग त्या मनात ईश्वराचे प्रतिबिंब पडते आणि जीवनात अनेक चांगले अनुभव येतात आणि ईश्वरावरील श्रद्धा आणखीनच दृढ होते.

समर्पणवृत्ती आणि सात्विक भाव परावर्तीत होण्यासाठी ही जागा म्हणजे देवघर खूप चांगली आहे. उपासना करतांना आपण जी नामजपाची आणि मंत्रांची आवर्तने करतो त्यातून ज्या ध्वनिलहरी उप्तन्न होतात त्यामुळे मनाला नक्की स्फूर्ती आणि शांतता मिळते, हे नक्की! अशा या पवित्र कोपऱ्यातमी सकाळ आणि संध्याकाळ या दोन वेळेस रमते.

गणपतीच्या सहवासात असल्याने आपल्या अंगी नम्रता येते आणि अंगी विनयशील वृत्ती बाणावते. तसेच आपला अहंकार दूर होतो. २५ वर्षे साधना करून पवित्र झालेला हा कोपरा मला नवचैतन्य प्राप्त करून देतो. कोपराच नव्हे तर संपूर्ण परिसर पवित्र होतो. श्रद्धेमध्ये सामर्थ्य आहे. म्हणून श्रीकृष्णाने गीतेत म्हटले आहे, "अनन्य भावाने जो मला (म्हणजे सर्वोत्तम परमेश्वराला) शरण येतो त्याचा योगक्षेम मी चालवतो! इतर कोणाही देवाची उपासना केली तरी ती मलाच पोहोचते!" हे लक्षात घ्या की, "न मी भक्तं प्रणश्यति" अशी गोपाळकृष्णाची आन आहे.

साधना करून मला जो आनंद मिळतो त्याची तुलना कशाशीच करता येणार नाही. "आनंदाचे डोही, आनंद तरंग!" देणारी अशी ही माझी स्फूर्तीदायी जागा आहे.

- लेखिका: शरयू वसंत वडाळकर, मालेगाव, जि. नासिक
वयः ६६

संस्कृतीलेखअनुभव

प्रतिक्रिया

छान लिहिलेय. पुलेशु.

संजय क्षीरसागर's picture

18 Jan 2017 - 6:38 pm | संजय क्षीरसागर

खुशीबाईंनी प्रदीर्घ परिक्रमा घडवली होती त्याची आठवण झाली .

सतिश गावडे's picture

18 Jan 2017 - 8:53 pm | सतिश गावडे

छान लिहीला आहे निबंध.

संजय पाटिल's picture

19 Jan 2017 - 12:26 pm | संजय पाटिल

मुपी वाटतोय का?

संजय क्षीरसागर's picture

19 Jan 2017 - 12:31 pm | संजय क्षीरसागर

मिपा प्रेरित मुपी !

श्रीगुरुजी's picture

18 Jan 2017 - 10:44 pm | श्रीगुरुजी

चांगलं लिहिलंय. माझ्या घरातील देवघरासमोर बसल्यावर मलाही पवित्र अनुभवाची अनुभूती येते.

गामा पैलवान's picture

19 Jan 2017 - 2:15 am | गामा पैलवान

सिंधूताई,

तुम्ही मोजकंच लिहिलंय पण अंत:करणाच्या तळापासून लिहिलेलं वाटतंय. जशी तुम्हांस सगुणातून अनुभूती येते तशीच निर्गुणाचीही येवो.

आ.न.,
-गा.पै.

अवांतर : तुमचं नाव सिंधू की शरयू?

सहमत. अगदी साध्या शब्दांत पण मनापासून लिहिलेलं आहे.

सिंधू वडाळकर's picture

24 Jan 2017 - 3:19 pm | सिंधू वडाळकर

लेख आवडल्याचे कळवल्याबद्दल धन्यवाद!

पैसा's picture

19 Jan 2017 - 11:31 am | पैसा

देवावर विश्वास असला की त्या लोकांचं आयुष्य बरंच सुखाचं असतं. बर्‍याच काळज्या आणि कटकटी दुसर्‍याकडे ट्रान्सफर करून निवांत रहाता येतं.

संजय क्षीरसागर's picture

19 Jan 2017 - 11:38 am | संजय क्षीरसागर

बर्‍याच काळज्या आणि कटकटी दुसर्‍याकडे ट्रान्सफर करून निवांत रहाता येतं.

बालपणी बहुतेक जण देवाला परीक्षेत पास करायला सांगतात.

संजय क्षीरसागर's picture

19 Jan 2017 - 11:42 am | संजय क्षीरसागर

आपण आभ्यास केल्याशिवाय पास होणार नाही हे कळतं.

पैसा's picture

19 Jan 2017 - 11:44 am | पैसा

सगळ्यांनाच नाही कळत. अज्ञानात सुख.

अनन्त्_यात्री's picture

19 Jan 2017 - 11:31 am | अनन्त्_यात्री

निर्गुण निराकाराची उपासना करणाऱ्यास "आनंदाचे डोही, आनंद तरंग" या अवस्थेचा अनुभव घेण्यासाठी ना देवघर लागते ना विशिष्ट वेळ पाळावी लागत.

"न मी भक्तं प्रणश्यति"

म्हणजे?

संजय क्षीरसागर's picture

19 Jan 2017 - 12:23 pm | संजय क्षीरसागर

मेरे भक्त का कभी विनाश नहीं होता है |

तो एक टिपी दिलासाये.

नाही, म्हणजे ही भाषा कोणती आहे? संस्कृतात 'मी' वापरलेलं पाहण्यात नाही म्हणून ज्ञानात भर घालून घ्यायचा केविलवाणा प्रयत्न करतोय.

अप्पा जोगळेकर's picture

19 Jan 2017 - 1:03 pm | अप्पा जोगळेकर

ओके

महामाया's picture

21 Jan 2017 - 9:40 pm | महामाया

छान लिहिलेय. पुलेशु.