गेम (शतशब्दकथा)

चांदणे संदीप's picture
चांदणे संदीप in जनातलं, मनातलं
9 Nov 2016 - 3:37 pm

दुपारपासंनच शंकऱ्या आणि बाप्या पवळंमागच्या रूईटीच्या आडोशाने त्याच्या पाळतीवर होते. त्याला उचलताना कोणीही आजूबाजूला नसेल याचीही खबरदारी त्यांना घ्यायची होती. तो एवढासा जीव बागडत होता.

चारला अब्दुल्या काम थांबवून बाजेवर निजला. घरातूनही हालचाल जाणवेना. शंकऱ्याने बाप्याला खुणावले. बाप्या कापऱ्या आवाजात कुजबूजला, "अब्दुल्या उठला तर ठिवायचा न्हाय!"

पोत्याने कितीही धडपड केली तरी दोघांचे सुसाट पाय थांबणार नव्हते. गावाला वळसा घालून ते दुसऱ्या टोकाला रियाजच्या खोपटावर आले. पुरावे नष्ट करण्यासाठीची सर्व तयारी त्याने केलेलीच.

दिवस बुडाला आणि खोपटात रक्ताच्या चिळकांड्या उडाल्या.

रात्री दारूच्या घोटांनी तिघांना कमालीचा थरार दिला. शंकऱ्या हसत ओरडलाच, "पाचशेला दिला न्हाय अब्दुल्यानी! गेलाच शेवट पोटात रूस्तूम्या! ह्याला म्हणत्यात गेम!"

- संदीप चांदणे

वाङ्मयकथासाहित्यिकkathaaमौजमजाअनुभवविरंगुळा

प्रतिक्रिया

नाखु's picture

9 Nov 2016 - 3:45 pm | नाखु

एक बळी घेतलास कथेत, असहिष्णु कुठला !!! (खास मिपा विचारवंत प्रतिसाद)

अता मूळ प्रतिसाद, भारी जमलीय कथा

रुस्तुम्या कोंबडा किंवा बकरू असावं हे गृहित धरून प्रतिसाद - कथा फक्कड झाली आहे

पियुशा's picture

9 Nov 2016 - 4:29 pm | पियुशा

भारी !

संजय पाटिल's picture

9 Nov 2016 - 5:24 pm | संजय पाटिल

जबरा...

वेल्लाभट's picture

9 Nov 2016 - 5:29 pm | वेल्लाभट

सहीए! मस्त

जव्हेरगंज's picture

9 Nov 2016 - 5:57 pm | जव्हेरगंज

थरारक!!!

ज्योति अळवणी's picture

9 Nov 2016 - 6:52 pm | ज्योति अळवणी

मस्त

खटपट्या's picture

9 Nov 2016 - 7:19 pm | खटपट्या

मस्त

विजुभाऊ's picture

10 Nov 2016 - 3:14 pm | विजुभाऊ

रुस्तुम्या = भुजबळ
बाप्या = बारामतीचे काकांचा पुतण्या
शंक-या = तटकरे
तिसरा= बारामतीचे काका
अबदुल्या= उठ्धव

चांदणे संदीप's picture

10 Nov 2016 - 4:25 pm | चांदणे संदीप

ठठो!!

चांगलंय...

Sandy

चांदणे संदीप's picture

10 Nov 2016 - 4:51 pm | चांदणे संदीप

सर्व वाचक व प्रतिसादकर्त्यांचे मनापासून आभार!

Sandy

रुस्तुम्या 'तो' होता हे वाचून जीव भांडी घेऊन खाली पडला!

अत्रुप्त आत्मा's picture

11 Nov 2016 - 10:09 pm | अत्रुप्त आत्मा

यूं की.. मजा आगया पढ के!

रातराणी's picture

11 Nov 2016 - 11:35 pm | रातराणी

भारी जमलीये !

शेवटी ते कोकरू किंवा कोंबडं आहे, हे कळूनही ज्या पद्धतीने लिहिली आहे, ती अस्वथ करून गेली.