21 ऑक्टोबर हुतात्मा स्मृती दिन

देशासाठी त्यागाची भावना ठेवून कर्तव्यावर असलेले देशातील अनेक जवान शहिद होत असतात. त्यांच्या स्मृती प्रित्यर्थ 21 ऑक्टोबर हा दिवस पोलीस हुतात्मा स्मृती दिन म्हणून पाळला जातो. 21 ऑक्टोबर 1959 रोजी पोलीस दलातील 10 शिपाई लडाख हद्दीत भारत आणि तिबेट सिमेवर ,16 हजार फुट उंचीवर दोन हजार पाचशे मैलाच्या हॉटस्प्रिंग या सिमेवर बर्फाच्छादीत , अत्यंत निर्जन कडाक्याच्या थंडीत गस्त घालीत असताना धोकादायक पध्दतीने दबा धरुन बसलेल्या चिनी सैनिकाच्या हल्ल्यात शहिद झाले होते .

या दिवसाची आठवण राहावी तसेच देशामध्ये आतंकी हल्ल्यात ,नक्षलवादी कार्यवाहीत, समाजकंटक व हिंसक कृत्ये करणा-या कडून कर्तव्यावर असलेल्या शहीद जवानाच्या स्मृतीला उजाळा देण्यात येतो. आपल्या मातृभुमीचे संरक्षण करण्यासाठी राष्ट्र निष्ठा ठेवून अनेक जवान शहीद होत असतात त्यांना देशातील प्रत्येक जिल्ह्यात पोलीस मुख्यालयी कृतज्ञतापूर्वक स्मरण करण्यात येते .

यावर्षी १ सप्टेंबर २०१५ ते ३१ ऑगस्ट २०१६ दरम्यान संपूर्ण भारतातील विविध संरक्षण दलातील एकूण ४१३ जवान आपले कर्तव्य बजावत असतांना धारातिर्थी पडले आहेत . या सर्वांच्या नावाचे वाचन होऊन त्यांना पोलीसांनी हवेमध्ये तीन राऊंड फैरी झाडून मानवंदना दिली.