चला हेल्मेट घाला रेऽऽऽ........

पुणेकर का तुम्ही...मग चालूदे

हेल्मेट होते म्हणून 2 महिलांचा मृत्यू झाला ,नसते तर 2000 असत्या

चार हेल्मेट घ्यावेत अन सरळ पम्पाबाहेर स्टॉल लावावा.
10 रु. भाडे पेट्रोल भरेपर्यंत.

मला तर माझ्या घरातूनच सक्ती आहे. गेले ८-९ वर्षापूर्वी मी गाडी घेतली आणि ऑफिसला नेणार हे ठरले तेव्हा नवर्‍याने आधीच ताकिद दिली की हेल्मेट घालून गाडी नेणार असशील तर ने नाहीतर नको नेऊ. ह्यात पुर्ण काळजी होती. सात-आठ दिवस जरा मला जड गेल पण नंतर सवय झाली. आणि आता इतकी सवय झाली आहे की हेल्मेट नसेल तर मला त्रास होतो.

ही सक्ती मला एकदा लाभदायक ठरलेली. ऑफिसच्या रोडला रेल्वे ट्रॅक आहे. एक दिवस ट्रेन आल्याने फाटक बंद होते व पुढे खुप गर्दी होती म्हणून एका झाडाखाली उन होत म्हणुन गाडी बाजूला घेऊन तिथेच थांबले. इथे रस्ता पूर्ण मोकळा होता. पण एक मागून क्रेन आली आणि माझ्या अ‍ॅक्टीवाच्या पुढच्या भागाला धडक दिली. ती दिल्या बरोबर गाडी पडून मी पाठच्या बाजूने डोक्यावर पडले. मला कळलेच नव्हते काय झाले कारण अपघात होण्यासारखी परिस्थितीच नव्हती. नंतर पाहीले क्रेन पुढे जात होती. त्याला ओरडून थांबवले. माझ्या गाडीचा पुढचा भाग तुटला. हेल्मेटला खालच्या बाजूने थोडी चिर गेली. तेव्हा मला जाणवले की जर आज हेल्मेट नसते तर काय झाले असते. कोणताही प्रसंग सांगून येत नाही. आता रोड चांगला होता, ट्रॅफिक नव्हती की काही नव्हत. त्या क्रेन वाल्याने क्लिनर बरोबर घेतला नव्हता ही त्याची चुकी होती.

ह्या वरून मी हे शिकले की आपण स्वतःच्या सेफ्टीचा विचार करावा. सरकार सक्ती करतोय म्हणुन नाहीतर आपल्या स्वताच्या सेफ्टीसाठी हेल्मेट घाला. कोणाला त्याचा अगदीच त्रास होत असेल तर ती गोष्ट वेगळी.

मग आगपाखड होणे बरोबरच आहे!!

कोर्टाने आदेश दिल्याचा संदर्भ देत दिवाकर रावते हे हेलमेट सक्तीच्या पाठीमागे लागले आहेत आपल्याकडून कोर्टाची बेअदबी होउ नये म्हणून कोणताही राज्यकर्ता हेच करील. त्यात त्याना दोष देण्याचे कारण नाही. याच प्रमाणे पिंपरी चिंचवड मधील ६६००० अनधिकृत बांधकामे पाडून टाका म्हणूनही कोर्टाने आदेश दिलेला आहे. जोपर्यंत त्यातील एखाद्या बांधकामाच्या ढिगार्‍याखाली एखादे बालक सापडणार नाही तो पर्यंत ती कोर्टाची बेअदबी झाली हे राजकारणी ठरवणार नाहीत. त्यात मतदानाचा मोठा भाग आहे. त्याला मग माणुसकीचा मुलामा नगरसेवक द्यायला एका पायावर तयार असणार आहेत. या संदर्भात पेट्रोल पंप चालकानी पोलिस खात्याची उपस्थिती पेट्रोल पंपावर मागितली आहे. आधीच वहातुक पोलीसांची संख्या कमी
( कॅमेरा सेक्शन मधे पुणे शहरासाठी केवळ ६ पोलिस आहेत) असताना ह्या पेट्रोल पंपासाठी नवीन भरती करावी लागेल. लोक या आदेशातून पळवाट अशी काढतील की हेलमेट घेऊन जायचे. पंपावर प्रवेश करताच घालायचे व पंपाबाहेर आल्यावर काढून टाकायचे. खरी तळमळ दिवाकर रावतेंची तेंव्हाच सिद्ध होईल जेंव्हा चौकाचौकात- ते ही पूर्ण महाराष्ट्राच्या, निर्दयपणे झेब्रा लाईन, सिग्नल तोडणे,उलट्या दिशेने घुसणे चुकीचा ओव्हरटेक ई बाबत जबरा दंड वसूल केला जाईल त्यावेळी हेलमेट सक्तीवर कोणालाच काही बोलता येणार नाही. पण या साठी वहातुक पोलिसांवर नजर ठेवण्यासाठी पुन्हा स्पेशल कॅमेरे बसवावे लागतील कारण खरी गोची तिथेच आहे.

हे जो पर्यंत होत नाही तो पर्यंत लोक म्हणत राहतील की हेल्मेट सक्ती हे कायद्याने बंधनकारक आहे व कोर्टाच्या आदेशामुळे सरकारचा नाईलाज आहे. पण मनातून नागरिकाना वाटेल की कुणाची तरी हेल्मेट खपविण्यार्या लॉबीचा यात वाटा आहे.
सिग्नल सुधारणे, वहातुक पोलिसांच्या कामगिरीकडे करडी नजर ठेवणे झाल्यास, रस्ते सुधारल्यास, झिब्रा मार्किंग नेहमी अद्ययावत ठेवल्यास लोक आनंदाने हेलमेट घालतील. पण ..... पण.....

काही वर्षांपूर्वी हेल्मेटसक्ती आली आणि खूप विरोध झाल्यामुळे विरून गेली. तेव्हां त्याबद्दल एक विनोदी लेख माझ्या वाचण्यात आला होता. त्याचा गाभा असा.

सरसकट हेल्मेटसक्ती करणं चूक आहे. काही जण हेल्मेटसक्तीला विरोध करतात त्यात त्यांचा काहीही दोष नाही. ते सर्व बिनडोक असतात. त्यामुळे त्यांच्या डोक्याचं रक्षण करण्यात काहीच पॉइन्ट नसतो. मात्र त्यांचा मेंदू नेमका कुठे असतो हे नीट माहीत नसल्यामुळे शासनाने प्रत्येक दुचाकीस्वाराला चॉइस द्यायला हवा. एक तर डोक्यावर हेल्मेट घाला किंवा सबंद शरीरावर चिलखत!

;-)

पयले माझ्या मापाच हेमलेट अणुनसनी द्या मग बगू...!

स्थळ पुणे. दोन युवक. अतिशय आनंदात. तिसरा मित्र भेटतो.
मित्र: काय रे? आज एकदम एवढे खुश ?
युवक 1: अरे तुला सांगणारच होतो फोन करून, आम्हाला दोघांना नोकरी लागली.
मित्र: दोघांना एकदम?
युवक 2: एकदम सोड. एकाच ठिकाणी. एकाच पेट्रोल पंपावर.
मित्र: वा. मस्त. गम्मत आहे नाही !
युवक 1 : काम पण सोपं आहे. हा एंट्रन्स ला हेल्मेट देतो.कस्टमर पेट्रोल भरतो. आणि मी, पेट्रोल भरून झालं की त्या कस्टमर कडून एक्झिट ला ते कलेक्ट करतो.

हेल्मेट सक्ती राज्य उलथवु शकते
इंदिरा गांधी की जय

आमच्या ऑफीस मधे सक्ती आहे हेलमेटची आणि ती बरोबरच आहे असे मला वाटते कारण यामुळे मी रोज न चुकता हेलमेट घालते अगदी ऑफीस बाहेरही . सक्ती नसती तर कदाचित मला रोज हेलमेट घालायची सवय लागली नसती. लोकांना एलियन पाहिल्यासारखं वाटतं पण मला माझ्या सेफ्टीची जास्त चिंता आहे, हेलमेट घातल्याने कधी ट्रॅफीक पोलिसानेही अडवलं नाही इथे. इथे रस्त्यावर इतके खड्डे आहेत की रोज कुणा न कुणाचं अ‍ॅक्सिडंट होतच असतं मग तेव्हा लोकांना हेल्मेट ची आठवण येते . सक्ती केल्याशिवाय लोकांना हेलमेट घालण्याची सवय लागणार नाही हे माझे मत.

मुळात ,

सक्ती करावी लागेपर्यंत लोकांना अक्कल येत नाही..
मग रडत बसता असले धागे काढत .

चालूदे

अहो... गरजेचे आहेच आहे.

आजचे उदाहरण बघा.

मी ऑफिसला येतो त्या एका सिमेंटच्या रस्त्यावर एकदम कमी प्रमाणात ऑईल सांडले होते. त्यात रिमझिम पाऊस पडत होता. सिमेटचा रस्ता + ऑईल + जी असेल नसेल तितकी माती / चिखल यामुळे माझ्या आधी २, नंतर मी आणि माझ्यानंतर ३ असे ६ दुचाकीस्वार ३० च्या वेगाने जातानाही पडले.

माझ्या गाडीवर आणि हेल्मेटवर अपघाताच्या खुणा शिल्लक आहेत.

आणि मी ऑफिसात बसून प्रतिसाद लिहित आहे. :)

हेल्मेट घाला. नाय तर फाईन भरा!!

सरदारजी कसे घालतात हेल्मेट?

तुमचं घर गळतंय का? मग वॉटरप्रुफिंग, दुरूस्ती इ. करू नका. त्याऐवजी मग घरात रेनकोट/छत्री वापरायची सक्ती हवी. घरदुरूस्ती वगैरेच्या फंदात पडू नका.

रावत्यांच्या डोक्यात पुन्हा एकदा हेल्मेटसक्तीचा कीडा आलेला दिसतोय. पुणेकरांनी कितीही वेळा हेल्मेटसक्ती फोल ठरविली तरी ठराविक कालांतराने हेल्मेटसक्ती पुन्हापुन्हा येतच असते. यावेळीही हेल्मेटसक्ती फोल ठरून पुणेकरांचाच विजय होणार आहे.

मुळात हेल्मेट घालायला सक्ती करावे लागते हेच खरे दुर्दैव आहे. रस्ते खराब वगेरे असल्यावर तर हेल्मेट घालणे आणखीन गरजेचे होउन जाते. भारत सोडला तर जगात सारेच हेल्मेट घालतात रस्ते चांगले असो की वाइट आपण मात्र न घालण्यासाठी कारणे शोधतो.

आरशाला हेल्मेट लाऊन बरेच जन फिरतात, सिग्नल पोलीस वगैरे आले कि हलकेच डोक्यावर ठेऊन वेळ मारून नेतात. पेट्रोल पंपावर अजून ५-१० मिनिटे
हा का ना का

ज्याचा त्यानेच भोगायचा असतो......त्यात सरकार काय करणार ?

सक्ती करायचीच झाली तर दारु,सिगरेट,गुटखा,तंबाखू,प्लास्टिक असे किती तरी अनेक पदार्थ आहेत ते कुठे बंद झालेत ?

लोक सुजाण आहेत.... स्वतः जगायचं की नाही हेही तेच ठरवतील....काळजी घेणं आपल्या हाती आहे ...पुढे ईश्वरेच्छा बलियसी...

बाकी निरर्थक चर्चा चालू देत !...

आधी लगीन खड्डे मुक्त रस्त्याचे मग ,हेल्मेट चे !!
_एक संतापलेला नगरकर !

हेल्मेट न घालणारे दुचाकी वाले यांच्या दुचाकीचे एक चाक काढून घ्या काही वेळासाठी

आमच्यासारख्या काॅलेजच्या पोरांनी काय करायचं?
हेल्मेटने आमच्या स्टाईलस्टेटमेंटचं वाटोळं होईल!!!

जीव आपला त्यामुळे निर्णय आपला हेल्मेट घालायचे की नाही याचा.

मला दया येते त्यांची जे हेल्मेट सक्तीला विरोध करतात. तेही काही कारण नसताना.

काय मिळालं नाय, मग काय जे दीसलं ते घातलं डोक्यात. पेट्रोल पायजे ना...

आपण काय सरकार वर उपकार म्हणून हेल्मेट घालतो का...तुम्हाला स्वतःच्या जीवाची काळजी नाही का?या लेख वाल्या बाई म्हणतायत कि.....

मंध्यतरी अपघातात हेल्मेट धारक दोन महिलांचा मृत्यु झाला मग यास जबाबदार कोण.

.....अहो पण काहीही उदाहरण काय देताय. तुम्ही पाहायला गेला होतात का मृत्यू नेमका हेल्मेट असताना सुद्धा डोक्यावर आघात होऊन झाला कि शरीरावर अन्य ठिकाणी जखमा असण्यामुळे झाला.बरे या दुचाकीवाल्यांचे ठीक आहे, हट्ट करून बसल्येत हेल्मेट नको म्हणून पण यांच्या घरच्यांना सुद्धा यांची काळजी नाही का?मी पण असाच हेल्मेट घालायला कंटाळा करत असे. पण एके दिवशी भारतमाता टॉकीज, लालबाग येथे थोड्याश्या पावसाने रस्ता निसरडा झाला होता व त्यात इंजिन ऑइल मिक्स झाले होते त्यात अगदी 30 किमी च्या वेगात असताना सुद्धा ऍक्टिवा सारख्या स्कुटर वरून मे पडलो व रस्त्यावर बाजूने डोके आपटले अगदी जोरात. 2 मिनिटे डोक्यात झिणझिण्या आल्या, समोर काहीच दिसत नव्हतं. मग हेल्मेट काढून डोक्याला काही लागलं नाही ना ते चेक केलं तेव्हा हेल्मेट ला बाजूने तडा गेला होता. विचार करा लेखावल्या बाई जर तो तडा हेल्मेट ऐवजी माझ्या डोक्याला असता तर!!! तेव्हा पासून कानाला खडा लावला आणि आता हेल्मेट घेतल्याशिवाय घराबाहेर पडत नाही.तुम्ही त्या महिलांचं उदाहरण देताय कि त्यांच्या मृत्यूला जबाबदार कोण? अहो हेल्मेट आहे म्हणून 2 च जणांचा मृत्यू झाला पण हेल्मेट नसेल तर हाच एकदा 2000 वर ही जाऊ शकतो कारण रोज प्रत्येक मिनिटाला पुण्यात काय किंवा मुंबईत काय कोणी ना कोणी दुचाकी वरून पडतच असत.ते सरकार जाऊदे चुलीत पण स्वतःसाठी किंवा आपल्या मुलांसाठी,नवऱ्यासाठी, आई बाबांसाठी तरी हेल्मेट घालून बाहेर पडत जा. वेळ कुणावरही सांगून येत नाही.आणि हो दुचाकी चालवणारा कितीही महान असला अगदी तो व्हॅलेन्टिनो रोस्सी का असेना मोटो जिपी वाला , पण प्रत्येकाचं आयुष्यात एकदा तरी छोटामोठा ऍक्सीडेन्ट होताच. अर्थात आता हेल्मेट घातलात तर ते ऍक्सीडेन्ट Fatal होण्याची शक्यता जवळपास 50%-60% नि कमी होते एवढे लक्षात घ्या.आणि तर्हीही तुम्हाला हेल्मेट ला विरोध करायचाच असेल तर देव आपलं भलं करो _/\_

आमचे चिरंजीव म्हणतात कि हेल्मेट डोक्यावर असले तर , पोलिस सरळ जावू देतात , लायसेन्स साठी अडवित नाही.
( म्हणजे पोलिसांना वाटते कि हेल्मेट चा नियम पाळणार्‍या ह्याच्याकडे लायसेन्स असणारच ! ! ) मी खरोखर दोनवेळा ,खिशात लायसेन्स घ्यायचेच विसरलो, आणि रस्त्यात दोन ठिकाणी पोलिस उभे होते , पण मला कोणी अडविले नाही. म्हणून हेल्मेटचा असा , सुरक्षा अधिक विसराळूपणावर मात , असा दोन्हीकडून फायदाच होतो .

हेल्मेट, सीट बेल्ट, पीयूसी, इन्शुरन्स, कागदपत्रं, नियम पालन हे पोलिसांसाठी किंवा इतरांसाठी नसून स्वत:साठी आहे हे कृपया लक्षात घ्यावं.

बाकी पोलिसांसाठी किंवा इतरांसाठी करतोय अशी भावना असल्यास आपला दृष्टिकोन मुळातून बदलण्याची गरज आहे.

माझा भाचा पोलीस दिसल्याशिवाय कधीच हेल्मेट घालत नाही, कितीतरी वेळा त्याला सांगून थकलो पण गेल्या महिन्यात त्याला एक अपघात झाला. कारच्या ड्रायव्हर ने दरवाजा उघडल्यामुळे तो दरवाज्यावर आपटून दूर उडाला आणि डिव्हायडर वर आपटला. खांद्याचं हाड मोडलं आहे, छातीच्या पिंजऱ्याचे हाड थोडी आत बेंड झाली आहेत (तुटली नाहीयेत असं डॉक्टर म्हणाले). डोकं आपटलं पण कधी नव्हे ते त्याने हेल्मेट घातल्यामुळे डोक्याला मार बसला नाही. हॉस्पिटल मध्ये त्याला भेटायला गेल्यावर मला सारखं सॉरी आणि थँक्स म्हणत होता. बोलतो आता हेल्मेट शिवाय गाडी चालवणार नाही कारण त्यामुळे वाचलोय.

हेल्मेट मुळे कधीच त्रास जाणवला नाही, उलट हेल्मेट नसेल तर बाईक चालवताना मला चुकल्यासारख वाटत.

हेल्मेट शिवाय बाईक न चालवणारा जगप्रवासी

वाँट टु बी ए हेल् मेट, वेअर हेल्मेट!! :)

माझ्या बघण्यात दोन उदाहरणे आहेत जी फक्त आणि फक्त हेल्मेटमुळेच वाचली आहेत.
मी सायकलवरुन जाताना सुद्धा हेल्मेट घालतो. नेहेमीचा रस्ता असला तरी वेळ तीच नसते.
काय होईल आणि तुम्ही पडाल याचा अंदाज बांधणं केवळ अशक्य असतं.

सुरक्षित प्रवास करा आणि यानं किंवा हिनं फक्त हेल्मेट घातलं असतं तर.....अशी वेळ कृपया येऊ देऊ नका!!

सहमत

काय नाय वो ,हेल्मेट बनवणार्या कंपण्यांनी मलिदा चारला की हेल्मेटसक्तीची टुम निघते.ब्याग्या मिळाल्या की मग हे राजकारणी गप्प बसतात,२००२ ला पुण्यात हेल्मेटसक्ती केली तेव्हा एका दिवंगत राजकारण्याच्या नातेवाईकाने,ज्याचा हेल्मेट बनवण्याचा व्यवसाय होता ,त्याने चिक्कार पैसे छापले.
जवळपास जायचे असल्यास हेल्मेट वापरण्याची गरज नाही,पण लाँग रुट जायचे असेल ,दुसर्या गावी जायचे असेल तेव्हा हेल्मेट गरजेचे आहे असे माझे वैयक्तीक मत आहे.

फारच विनोदी धागा झालाय... काय नेहमी नेहमी तेच ते दळण दळायचं,

मेंदू असलेले घालतील हेलमेट, नसलेले घालणार नाहीत. तेवढेच बिन्डोक कमी होतील जगातून. चांगलंच आहे की.

घराजवळच यायचं-जायचं

दिडेक महिन्यापूर्वी घडलाय किस्सा. एक व्यक्ती सुमारे दिडशे किमी चा प्रवास करुन घरी पोचत होती. घरापासून फक्त दिडशे फुटावर वादळी वार्‍याने धडक दिली. कोलमडून पडला... ७२ टाके पडलेत चेहर्‍यावर... घराजवळ असण्याचा फायदा की लवकर हॉस्पिटलमधे नेण्यात आलं. जीव वाचला.

घर जवळ असण्याचा मुद्दा लोक मांडतात तेव्हा त्यांच्या मनामधे नक्की काय चालत असेल? धोक्याची जाणीव आणि सुरक्षित जागेपासूनचे आपले अंतर ह्याला महत्त्व देत असावेत, ही काहीतरी आदिम प्रेरणा असेल. सुरक्षित स्थान म्हणजेच आपले घर ह्यापासून आपण जितके जवळ तितका धोका कमी अशी काहीशी सुप्तमनात नोंद असावी. अर्थातच बाइकवरुन प्रवास करतांना अशी जाणीव फूलिशच आहे. लोक घरातून निघतांना, बाईक स्टॅन्डवरुन काढतांनाही पडत असतात. आणि जखमी होतात, हॉस्पिटलात थेट ऑपरेशन थेटरमधे पोचतात. बघितलंय म्हणून सांगतोय.

माझ्या मुद्द्याचा विपर्यास केलेला दिसतोय,घराजवळचे रस्ते ,कामाच्या ठीकाणी जायचे रस्ते याची आपल्याला सवय असते,रुटीन रस्ता असेल तर माणुस व्यवस्थीत गाडी हाकू शकतो,किमान ट्रॅफीक ,रोड कंडीशनचि माहीती असते.त्यामुळे अपघताची शक्यता कमी होते.याउलट..
लांबच्या ठिकाणी जाताना रस्ता नेहमीचा नसतो ,ट्रॅफीक ,रोड कंडीशन माहीत नसते,वेगही जास्त असतो ,अश्यावेळी हेल्मेट गरजेचे आहे असे माझे मत आहे.
रात्री जेवल्यावर पान खायला जायचे आहे ,पाच मिनिटांचा रस्ता आहे ,तेव्हा हेल्मेट घेऊन जाणे इष्ट नाही.सगळी मजाच् जाईल की राव.

हेल्मेटसक्ती सुरु झाली की रस्ता आठवतोआणि खड्डे हे तर्कशास्त्र न पटणारे आहे.खड्डा नसलेल्या रस्त्यावर अपघात
झाल्यावर डोक्याला मार बसणार नाही का ? आणि खड्ड्यात पडल्यावर मार बसणार.अपघात टाळता येत नाहीत.पण
त्यामुळे होणार्या परिणामांची तीव्रता कमी करता येते. आणि रस्त्यावर डोके आपटल्यावर जर हेल्मेट घातलेले असेल
तर हेल्मेट नेमकेच हेच काम करते हे वाद घालणार्या मंडळींच्या लक्षात येत नाही असे. वाटते.रस्ता गुळगुळीत असो
वा नसो रस्त्यावर आपटल्यावर रस्ता त्याचे काम करतो. पण हेल्मेट नसले तर काय होइल याची कलपनाही करवत
नाही.

2012 साली मी बाईक ने रोज कोथरूड ते ऑफिस जात येत असे. एकदा संध्याकाळी परत येताना कर्वे रोड वर रांका च्या जरा अलीकडे अचानक गाडी स्लिप होऊन खाली आपटलो. गाडी तशीच स्लिप होत पुढे निघून गेली. शर्ट, पॅन्ट फाटली. तिथे असलेला एक वाहतूक पोलीस धावत आला आणी मला बाजूला नेऊन बसवले. गाडी आणून उभी केली. रस्त्याचा तो भाग चेक कला तर तिथे एकदम थोडे ऑईल सांडलेले होते. बाप झाल्यानंतर अवघ्या सातव्या दिवशी घडलेल्या ह्या घटनेत हेल्मेट नसते तर निश्चित फोटोत गेलो असतो.

परतिसादकर्त्यास येक येक हेमलेट फ्री फ्री फ्री....आपापले पत्ते देऊन जा बर्का !

हेल्मेट सक्ती का च्या ऐवजी हेल्मेट सक्ती का नको,,,,

सक्ती तेव्हाच केली जाते जेव्हा लोक नियम धाब्यावर बसवतात . एकविसाव्या शतकात सुशिक्षित लोक समाज असे म्हणत असतील तर हा त्या देशाच्या पुढारलेपणाचा पराभव आहेत . आणि हेल्मेट सक्ती का? अशी मानसिकता असणारे लोक मुळात या देशाचे सुजाण नागरिक म्हणून घ्यावेत कि नाही याबद्दल शंका आहे . अरे तुम्हाला काय शिंगे आहेत का हेल्मेट न घालायला ,,,,, काही लोकांना हा खूप साधा प्रश्न वाटेल पण कसं आहे ना देश म्हणजे तिथल्या लोकांच्या विचाराचे प्रतिबिंब .... आणि अजून पण आपले विचार तसेच असतील तर आपण नव्या युगाची स्वप्ने कशी पहावीत ,,,,,,,कुणाला वाईट वाटले तर त्यांना हेल्मेट घालून नमस्कार

शहाण्यासारखं वागण्याची जबरदस्ती करणं हेच मूर्खपणाचं आहे!

स्रीगुरूजींचे अभिनंदन. तुमच्यासारखे लोक आमच्या धंद्याला बरकत आणतात.

नको घालूंदे हेल्मेट...मरुंदे तिचायला...तेव्हडीच रिकामी डोकी कमी होतील

खयंच मरुदे.. लोकांना अपल्याच जिवाची काळ्जी नाहिये तर कोण काय करणार?
माझ्या मित्राची engagement होती या विकेंडला २१aug. ती कॅन्सल केली कारण त्याच्या मामेबहिणीचा नवरा गेला. वयवर्ष ३३. या शनिवारीच गेले. गाडी स्पीड मधे होती, खड्डा चुकवायला गेले आणि समोरून येणार्‍या तीनचाकी गाडीवर आपटून काचेतून आत गेले. हेल्मेट नव्हतं. डोक्याला आणि मेंदूला मार लागून जागिच गेले. ताईचं वय २९ आणि मुलगी आहे ६ वर्षाची. संसार उध्वस्त. लिहवतही नाहिये.

हेल्मेट प्रमाणेच महाराष्ट्रातील जुने पुल पार करीत असताना, प्रत्येकाने कमरेला डबा ( अर्थात पाण्यात न बुडण्या साठी) बांधण्याचा बंधनकारक कायदा करण्याचा सरकार विचार करीत आहे.

मला आठवते आहे की काही वर्षपूर्वी हेल्मेट घालावे की नाही याच विषयावरून पुणेकरानी प्रोटेस्ट केले होते. अजुनही यावरच आपण बोलत आहोत हे वाचुन असे वाटले की अनेकाना आपल्या जीवाची व आपल्यानन्तर कुटुम्बाचे काय होईल याची पण पर्वा नाही. अपघातात हेल्मेट फुटले म्हणून म्रुत्यु पावतात याचा अर्थ काहीनी हेल्मेट घालुन्ही आपण मरु शकतो मग घालायची काय गरज असा काढला आहे. हेल्मेट मोडले वा फुटले का याचा कोणी तपास केला आहे का? हेल्मेट बनवणारे कोण व त्यान्चा सम्बन्ध कोणाशी आहे हे फार महत्वाचे आहे. मी जेथे राहतो तेथे वाहने सरसकट ६०-८० किमी वेगाने चालवतात पण अपघातात हेल्मेट मोडल्याने डोक्यास मार लागून ती व्यक्ति मेली असे अजुन ऐकले नाही. असो. हेल्मेट घालावे की नाही ही चर्चा चालुन्दे.

घातलं हेल्मेट तर हरकत काय आहे? हा काय विरोध करायचा मुद्दा आहे?
गाडी घ्यायला पैसे आहेत आणि हेल्मेट घ्यायला नाहीत असं आहे का?

सरते शेवटी पुणेकराना ( फारतर असे म्हणू वेगळा विचार करणाराना ) हेलमेट घालावे लागणार. पाचशे रूपये दोन तीन वेळा
भरावे लागले तर हेलमेट विकत येईल. एक खरे की जगात तसेच भारतात अनेक शहरात हेलमेट घातले जाते. पुणेकराना
ते हळूहळू सक्तीने घालावेच लागेल. मला काळजी अशी पडली की ,, हेलमेट न घालणारे बिनडोक आहेत हे विचार करणार्या जंताना मग नवीन विषय शोधावे लागतील नं ! मग त्यानी आपला मोर्चा कंडोम न वापरणारे बिनडोक आहेत असा आटापिटा करण्यात घालवावा.काही प्रश्न जगाने वा बंगलोर जयपूर यानी कसे सोडविले आहेत ते समजून घ्यायला आवडेल. जयपूर मधील
लहान मुलांसाठी लहान हेलमेट मिळतात का? चंदीगड मधील सरदारजीची पगडी हेलमेट एवढी मजबूत असते का ? की तीवर परफेक्ट बसणारे हेल्मेट ते लोक घालतात? बिनडोक (?)पुणेकर आता हेलमेट घालतील मग कोरेगाव, पाथर्डी, मालेगाव, झुमरीतलय्या, बारामुल्ला, थेकडी येथील सर्वच लहान मुले, वृद्ध, बायका ही हेलमेट घालायला लागतील ना? सध्यातरी शासन
हेलमेट ( सक्ती)नको वाल्याना चेकमेट देण्याच्या मार्गावर पुढे जात असल्याचे चित्र आहे.

हेलमेट घालणे ही एक संवय आहे. त्यात फायदेही व तोटेही आहेत. असा माझा तरी अनुभव आहे.

काही दिवसांपूर्वी महाराष्ट्रात गोवंश हत्येवर बंदी आली. काही महिन्यांपूर्वी केंद्र सरकारने चाईल्ड पॉर्नवर बंदी घालण्याचे सूतोवाच केले. लगेच निधर्मांधांनी आकाशपाताळ एक करायला सुरूवात केली. या गोष्टींवर बंदी घालणारे हे कोण? आम्ही काय खायचं, काय बघायचं, काय बोलायचं, काय वाचायचं हे आता सरकार ठरविणार का? अशी बंदी घालून या सरकारने आपला फॅसिस्ट चेहरा उघडा केला आहे ... अशा अनेक प्रतिक्रिया निधर्मांधांनी सुरू केल्या.

पण आता हेल्मेटसक्तीच्या निर्णयावर हे गप्प आहेत. जसं आम्ही काय खायचं, काय बघायचं, काय वाचायचं इ. सरकारने ठरविणे चुकीचे आहे, तसेच आम्ही डोक्यावर काय घालायचं हे सुद्धा सरकारने ठरविणे चुकीचे आहे. मी हेल्मेट न घातल्याने जर इतरांना त्रास होत नसेल तर हेल्मेट घालायची माझ्यावर सक्ती का?