ही कथा मी " श श क " स्पर्धेसाठी लिहायला घेतली होती . शब्दसंख्या अंदाज न आल्यानी अंमळ गंडली होती.
पण आता कुठले शब्द उडवू तेच समजेनासं झालंय.
वांझ
सूर्य झाडाच्या पायाशी पेटायचा आणि कमरेशी विझायचा ;रोज ;रोज ;गेली कित्येक वर्ष . त्याचं झाडाला कसलं अप्रूप असणार ?
स्वतःचा अपूर्ण ;शुष्क ; जमिनीत खोलवर रुजलेला संसार घेऊन झाड जगत होतं . जगण्यात कुठला सोहळा नाही ;मरणही येत नाही .अगदी एकटं .
पानं ;फुलं ;फळं एवढंच काय पावसाळ्यातलं शेवाळ पण झाडावर बहिष्कार टाकून होतं .
गर्भारिणी ; पहिलट करणी झाडाची वाट शक्यतो टाळायच्या . पार लांबून जड पावलांनी जायच्या ; पण तीठा चुकवायच्या .
नाही म्हणायला एक झाडापेक्षा म्हातारी कातकरीण बऱ्याचदा खुरडत खुरडत झाडाशी यायची .
झिजलेल्या अशक्त नखांनी बुंधा खरडायची . कधी कधी काही माही बोलायची . क्वचित जनावरासारखी भेसूर रडायची .
एकदा अशीच रडता रडता झाडापाशीच मेली . झाडावरचे ओरखडे तसेच ठेऊन ,स्वतः च्या नखा बरोबर झाडाचा अंश घेऊन गेली .तेंव्हा पासून झाडाच्या जागेला "वांझेचा तीठा "म्हणतायेत .
जाता जाता एक वांझ तशाच दुसऱ्याला स्वतःच नाव देऊन गेली .
पुढच्या कैक पिढ्या हे नाव पुसू शकणार नाहीत .
कित्येक अष्टपूत्रा ;सौभाग्यवतींना जमणार नाही इतकं चिरंतन .
झाड अजूनही उभं आहे . म्हातारीच्या चितेला सुद्धा आपला उपयोग झाला नाही ह्याची खंत बाळगत .
एखादा हळवा मुसाफीर ; कधीतरी तेल पणती ठेवेल ह्याची वाट बघत .
प्रतिक्रिया
2 Sep 2015 - 9:32 am | मांत्रिक
बापरे अंगावर काटा आला वाचताना. प्रतिमासृष्टी अगदी दमदार उतरल्ये.
2 Sep 2015 - 9:36 am | मांत्रिक
विरामचिह्नं तेवढी सुधारा. फार घोळ आहे त्यांचा.
बाकी पहिल्या वाचनात जाणवलं नव्हतं. पण आवडल्यामुळे पुन्हा वाचायला घेतलं, तेव्हा लक्षात आलं.
कथेवर काय मंत्र वगैरे टाकलात का हो?;)
4 Sep 2015 - 3:10 pm | वेल्लाभट
कथा अतिशय प्रभावी
2 Sep 2015 - 9:39 am | स्पंदना
सुंदर म्हणवत नाही, पण कथा लिहायची पद्दत अतिशय भावली.
2 Sep 2015 - 9:42 am | ब़जरबट्टू
छान जमलीये .. सोडा तो शशक चा वांझोटा नाद हो.. :)
2 Sep 2015 - 10:54 am | नीलमोहर
प्रभावी लेखन.
2 Sep 2015 - 1:26 pm | प्यारे१
+११११
थेट पोचणारं प्रभावी लेखन.
बाकी शशक चा नाद आपल्याला झेपत नाहीच्च नाहीतरी. काय ओ बजरुभौ? ;)
-स्मरणशील
2 Sep 2015 - 10:20 am | लीना घोसाळ्कर
खरच वाचताना अंगावर काटा आला.....
2 Sep 2015 - 10:36 am | राजाभाउ
मस्त जमलीय. जी. एं च्या कथांची आठवण आली.
2 Sep 2015 - 1:25 pm | द-बाहुबली
येस टिपिकल जि.ए. टच.
सुरेख भावविश्व तयार केलं आहे. अजुन लिहा.
2 Sep 2015 - 2:09 pm | बॅटमॅन
अगदी नेमके. एकदम जीए च! :(
2 Sep 2015 - 10:57 am | नाखु
अजून फुलवता आली असती.
अश्याच आशयाची पण थोडी वेगळी माझी
कथा आठवली.
यादगार नाखु
2 Sep 2015 - 12:21 pm | मीता
मस्त
2 Sep 2015 - 12:34 pm | एस
कथा परिणामकारक आहे. ह्यावर एक तर दीर्घकथा व्हायला हवी किंवा अतिशय कमी शब्दांत शतशब्दकथेसारख्या फॉर्मॅटमध्ये लिहिली जावी.
2 Sep 2015 - 1:21 pm | gogglya
लावणारे वाक्य! आधीच वांझ असल्याचे दुक्ख आणी त्यात ही निराशा...
4 Sep 2015 - 4:10 pm | डॉ सुहास म्हात्रे
+१
हे वाक्य त्या कथेचा परमोच्च बिंदू आहे.
ताकदीची लिखाणशैली आहे तुमच्याकडे. लिहीत रहा.
2 Sep 2015 - 1:31 pm | खटपट्या
आवडली
2 Sep 2015 - 1:54 pm | पद्मावति
मनाला चटका लावणारी कथा. अतिशय प्रभावी लेखन.
2 Sep 2015 - 2:01 pm | बोका-ए-आझम
अमूर्त (abstract ) कथा हा तसा हाताळायला कठीण प्रकार आहे पण तुम्ही फार छान लिहिलं आहे. Bravo!
2 Sep 2015 - 7:58 pm | जव्हेरगंज
बोजड वृक्षाची व्यथा पोहोचली.
चहुबाजुंनी पाना-फुलांसारख्या विखुरलेल्या 'अवतरणचिन्हां'सकट काळजाला भिडली.
3 Sep 2015 - 2:25 pm | कविता१९७८
छान लेखन
3 Sep 2015 - 4:07 pm | अस्मी
आई गं...खरच अंगावर काटा आला.
3 Sep 2015 - 4:35 pm | तुडतुडी
काळजाला भिडली कथा
3 Sep 2015 - 4:48 pm | गवि
शंभर शब्दात वगैरे बसवण्याचा अट्टाहास नकोच. उत्तम आहे लेखन.
3 Sep 2015 - 5:45 pm | इस्पिक राजा
शतशब्दकथेचा सोस नकाच धरु. आहे या शब्दात परफेक्ट लिहले आहे. शतशब्दकथा हा वेगळा फॉर्मेट आहे पण त्याला लिमिटेशन्स आहेत. भावन पोचवण्यासाठी शब्दांची मर्यादा बर्‍याचदा त्रासदायक ठरु शकते.
4 Sep 2015 - 12:18 am | चौथा कोनाडा
परिणामकारक लेखन ! उत्कृष्ट वातावरण निर्मिती !
कथा आवडली. शुद्धलेखन व चि न्हे या कडे लक्ष द्या
मिपा दिवाळी अंक 2015 sसाठी जरुर लिहा: वाट पहात आहे अश्याच दमदार दीर्घ लेखनाची ! .
4 Sep 2015 - 3:21 pm | तुडतुडी
उत्सवी अंक असल्यामुळे दु:खी, सणाच्या दृष्टीने अप्रिय, किळसवाणे, मृत्यूशी संबंधित, थेट शोकांतिका असे प्रकार कृपया न पाठवल्यास बरे.असं म्हन्तायेत सं मं
5 Sep 2015 - 9:32 pm | चौथा कोनाडा
अर्थातच .........!
"अप्रिय, किळसवाणे" हे असले तर एरवी ही लिहु नये. आणि दिवाळीच्या अंकाचं म्हणाल तर विषयाचे वैविध्य तर हवेच !
चिवडा, चकली, लाडु या फराळाच्या व्हरायटी सारखाच मिपाचा दिवाळी अंक असणारच!
4 Sep 2015 - 4:04 pm | कैलासवासी सोन्याबापु
बापरे!! शब्द संपले माझे तर
4 Sep 2015 - 4:56 pm | पैसा
अतिशय परिणामकारक लिहिलंय!
4 Sep 2015 - 7:09 pm | एक एकटा एकटाच
जबरदस्त लिहिलीय
5 Sep 2015 - 12:25 am | अभ्या..
अप्रतिम लेखन
5 Sep 2015 - 5:51 pm | dadadarekar
छान
7 Sep 2015 - 10:05 am | यमन
सर्व सुचना ,सुधारणा अमलात आणायचा जरूर प्रयत्न करीन .