डोकं ज्याम भणाणून गेलंय . काहीच सुचत नाहीय . पेट्रोलपण संपत आलंय . येताना भरु . सिग्नलपाशी ८० ccवर लोवेस्ट पुढे जायचं ट्राय करतेय . इतर वेळी ऐश वाटली असती पण आज राग येतोय ,च्यायला बुलेटशी स्पर्धा करते? जी झुम्मकन काढली . तिने घाबरून ब्रेकच मारला . आज ऑफिसात पण काय खरं नाय . पीएल उलटसुलट बोलला तर आपलं नक्की वाजणार . दुसरा सिग्नल . पण काहीतरी सुचायलाच हवं . १०० च टार्गेट आहे . १०, ९, यावेळी ५० तरी रिप्लाय हवेत . ६, ५, चला. सुटुया …. झू …… क्रीश्श आई ………………………
..
..
..
..
..
जाग आली ती हॉस्पिटलात . सर्व अंगच प्लास्टरमध्ये गुंडाळलेलं . एकदम ट्यूब पेटली . कसाबसा एका हाताने बाजूचा मोबाइल घेतला नि टंकू लागलो , "डोकं ज्याम भणाणून गेलंय …"
प्रतिक्रिया
26 Jul 2015 - 3:25 pm | एक एकटा एकटाच
मस्त
आवडली.
ही सत्यकथा नसल्यास ......"उत्तम"
26 Jul 2015 - 4:31 pm | जडभरत
मजेशीर कथा आहे!!!
26 Jul 2015 - 7:31 pm | खटपट्या
या शतशब्दकथेची प्रेरणा तो "सीग्नल तोडणारा धागा" तर नाय ना
कथा आवडली,,,
26 Jul 2015 - 7:39 pm | संदीप डांगे
+१
26 Jul 2015 - 9:00 pm | डॉ सुहास म्हात्रे
कथा छान आहे !
कुणी त्यापासून बोध घेतला तर बरे... अन्यथा बोधपर कथा, विनोद, हसण्यावर नेण्याची प्रथा पडली आहे :(
स्वतःचा हात-पाय हॉस्पीटलमध्ये टांगला गेल्याशिवाय सुबुद्धी सुचू शकत नाही इतक्या स्तरावर बुद्धी का पोचली हा प्रश्न पडावा असेच वाहतूकीकडे पाहून वाटत राहते.
26 Jul 2015 - 9:39 pm | श्रीरंग_जोशी
बोधकथा म्हणून आवडली.
डॉ सुहास यांच्या मताशी सहमत.
26 Jul 2015 - 9:53 pm | जडभरत
हं हे मात्र खरे डाॅक!!!
27 Jul 2015 - 10:28 am | नाखु
फास्ट "फॉरवर्डच्या" जमान्यात कसल्या अपेक्षा करता डॉक तुम्ही सुद्धा !!!!!
टिंबक टू नाखु
26 Jul 2015 - 9:42 pm | अजया
आवडली कथा.
27 Jul 2015 - 5:19 am | उगा काहितरीच
छान आहे की !
27 Jul 2015 - 10:14 am | अरुण मनोहर
हा हा: मोबाईल प्लास्टर मध्ये गेला नाहीना? मग ठीकाय!
27 Jul 2015 - 11:25 am | चुकलामाकला
धन्यवाद!
27 Jul 2015 - 12:19 pm | रातराणी
हा हा! सुपारी द्यायची ना 50ची! हा का ना का.पाक प्लास्तर मधे जायचं होय? आवडली. : )
27 Jul 2015 - 4:42 pm | तुडतुडी
झकास . च्या मारी . हास्पिटलात पडलंय तरी ………