किन्नर - बृहन्नडा

हे लोक भारताबाहेर असतात. सर्व जगात असतात. फरक फक्त एवढाच की भारतासारखे ते बाकी देशात भिक मागत फिरत नाहीत. कदाचित त्यांना बाकीच्या देशात मानाची वागणूक मिळत असावी जी भारतात मिळत नाही.

"ते" आपल्यापेक्षा शरीराने वेगळे कसे असतात हे नेट्वर शोध घेतल्यास कळेल. आंतरजालावरील लिंक्स मी काही कारणास्तव इथे देउ शकत नाही.

'एका किन्नराची ट्रान्सफर ' ही माझ्याच एका कथेची लिंक देते.
यात वरिल बर्‍याच प्रश्नांची उत्तरे आहेतः
http://vishesh.maayboli.com/diwali-2013/1362

रिक्षा ;)

मी पुर्वी जेव्हा कॉलेजला ट्रेननी अप-डाउन करायचो तेव्हाची गोष्ट. नेहेमीच्या ठरलेल्या डब्यामधे एक गृप कायम पत्ते कुटत बसलेला असायचा. आणि त्याच डब्यानी एक तृतीयपंथी व्यक्ती सुद्धा नेहेमी नीटनेटक्या साडीमधे प्रवास करत असे. त्यावेळी लोकं त्या व्यक्तीकडे आठ्या घालुन बघत असतं. बाकी नेहेमी तृतीयपंथी भिकारी लोकं डब्याडब्यात घुसुन भीक वसुल (होय वसुलचं) करायचे त्यावेळी ही व्यक्ती मात्र शांतपणे आपल्या उतरायच्या ठिकाणाची वाट पहात असे. ह्या पत्ते खेळणार्‍या गृपनी एकदा त्या व्यक्तीला बळजबरीनी डब्यातुन उतर वगैरे प्रयत्न केलेला तेव्हाचे त्या व्यक्तीचे उद्गार माझ्या व्यवस्थित लक्षात आहेत.

ते छक्के टोळीनी भीक मागतात त्यांना तुम्ही दबुन भीक घालता. मी एका आर्किटेक्टकडे कामाला जाते. कष्टाच्या कमाईवर जगते तर तुम्ही मला त्रास देताय. सगळेजण अवाक होउन गप्प झाले. नंतर नंतर मात्र त्या व्यक्तीची सवय होउन गेली. एखादा दिवस नसेल तर आवर्जुन चौकशी होऊ लागली. एके दिवशी एका कॉलेजकुमाराला कशालातरी पैसे कमी पडत होते तर त्या व्यक्तीनी स्वतःच्या पर्समधुन १५० रुपये काढुन दिलेत.

सार्जनिक सुलभ शौचालय वापरते वेळी अशा व्यक्तींना ब-याचदा कुचंबना सहन करावी लागते.

मी अंधेरीला एका सार्वजनिक शौचालयात असा प्रसंग डोळ्याने बघितला आहे. एक साडी घातलेली तृतीय पंथी व्यक्ती तेथे आली होती. पण त्या सुलभ शौचालयाचा चालक त्याला स्त्रियांच्या शौचालयात जावू देत नव्हता आणि ती व्यक्ती कदाचित साडी वगैरे घतलेमुळे पुरुष शौचालयात जाण्यास तयार नव्हती. बरीच वादावादी झाली अखेर त्या व्यक्तीने शौचालयाच्या बाहेरच एका कोप-यात विधी उरकला.

सांगायचे तात्पर्य हेच की अशा व्यक्तींबाबत मानसिकता बदलण्या बाबत आपल्याला अजून बराच लांबचा टप्पा गाठायचा आहे.

"मी हिजडा, मी लक्ष्मी" हे लक्ष्मीनारायण त्रिपाठी चे पुस्तक जरूर वाचा.(शब्दांकनः वैशाली रोडे)