इतके गप्पिष्ट असू नये, माझ्यापाशी बसू नये
हातामध्ये हात घेउनी , नशीब माझे पाहू नये
इतके वेल्हाळ असू नये, माझ्यादारी येऊ नये
नजरेमध्ये नजर मिसळून, ठाव माझा घेऊ नये
इतके जिवलग असू नये, माझ्याठायी वसू नये
श्वासामध्ये श्वास रोधून, अंत माझा पाहू नये
इतके मैत्र असू नये, माझ्याइथे उरू नये
आज आहे, उद्या नाही, नाते माझे जोखू नये !
प्रतिक्रिया
28 Feb 2015 - 7:33 pm | एस
खूप छान कविता!
फक्त कळाली नाही.
28 Feb 2015 - 8:08 pm | शिव कन्या
न कळूनही छान ?
28 Feb 2015 - 7:41 pm | अत्रुप्त आत्मा
ठिक.
28 Feb 2015 - 10:00 pm | सस्नेह
शब्दांची जरा गुंतागुंत झालीय
नाहीतर मस्त आहे