धोंडोपंतांचे हार्दिक अभिनंदन

येस्स!

शनिमंगळ युती संपल्यानंतर अगदी भरपूर पाऊस पडेल असं पंतांनी म्हटल्याचं मलाही आठवतंय!

असो, पंतांचे, नान चेंगटांचे आणि वरूणराजाचे, तिघांचेही हार्दिक अभिनंदन...

तात्या.

अगदी हेच म्हणतो !!!

-- ऍनयू उर्फ बैल
~~~ आमची कोठेही शाखा नाही~~~

वा नाना ....
तुमच्याशी सहमत....
पंतानी पुर्वीच हे भविष्य वर्तवलेले होते. असो, पंतांचे हार्दिक अभिनंदन...

अवांतरः पावसाप्रमाणे मार्केट केंव्हा बरसणार ते पंताना विचारले पाहीजे.

विद्याधर

पण शनी-मंगळाची युती होती तेव्हाही (आठवा मान्सूनच्या सुरुवातीचे दिवस) कोकणात, मुंबईत कसा काय पाऊस पडला? तिकडे उत्तरेला कसा काय पूर आला? तिकडे तर म्हणे आपलेच पावसाचे ढग गेले, कमी दाबाचा पट्टा उत्तरेला सरकला म्हणून! तिथून पण शनी-मंगळाची युतीच दिसत असणार (म्हणजे मी जाऊन पाहिलं नाही पण माझं सामान्य ज्ञान पाजळून घेते.)!

(गोंधळलेली) यमी

'नाना चेंगट' हा आयडी कुणाचा आहे हे ह्यातुन स्पष्ट व्हावे. वेळोवेळी डुप्लिकेट खाती कुठली ही दाखवुन देणारे संपादक मंडळ 'नाना चेंगट' हा आयडी कुणाचा आहे हे सभासदांच्या विनंतीवर अघड करेल का?

नाना एक सांगा,
धोंडोपंतांनी वर्तवलेले भविष्य जर खोटे ठरले असते तर तुम्ही काय केले असते?
१. इथे टॉपिक काढून तसे सांगितले असतेत का?
२. तुमचा धोंडोपंतांवर असलेला व गुढ विद्येवरील विश्वास उडाला असता का?

अभिज्ञ.

चर्चाप्रस्तावकाचा अर्थशास्त्राबद्दलचा अभ्यास दांडगा आहे.

त्यांनी मागे अमेरिकेतील गृह-बाजारातील अर्थशास्त्रीय दोष दाखवून देणारा एक तपशीलवार लेख लिहिलेला होता, तो माझ्यासह अनेकांनी अभ्यास करून वाचला.

तरी हे लक्षात घेणे योग्य आहे, की अमेरिकेतील गृहबाजार पडण्याचे वेगळे कारण ज्योतिषी श्री. मोतियानी सांगतात. (इंडियापोस्ट दुवा). या वर्षाच्या सुरुवातीला गुरू धनुराशीत होता, आणि काही प्रमाणात नकद धन लोकांकडे होते (अमेरिका सरकारने आयकरखात्यातर्फे सर्वांना ३००-६०० डॉलरचा चेक पाठवला.) मे ९ तारखेपासून गुरू "रेट्रोग्रेड" (वक्रीत?) गेला. अर्थात गुरू नकद धन सुकवणार होता - बाजार ढासळणे अपेक्षितच होते. ज्योतिषी श्री. मोतियानी वर्तवतात की हा प्रकार या सप्टेंबरपर्यंत तीव्र होत राहील. (इंग्रजी पाठ्य खाली देत आहे).

आता मला मोठा प्रश्न पडला आहे की मागे अमेरिकेच्या गृहबाजाराबाबत तो अर्थशास्त्रीय लेख मी गंभीरपणे वाचला, ती मी चूक केली काय? श्री. मोतियानी यांची अनेक भाकिते खरी ठरली आहेत - त्यांच्या ज्योतिषाच्या यथार्थ विश्लेषणावर वायफळ अर्थशास्त्रीय लेख निरर्थक पिंक मानावी काय? किंवा अकलेचे तोडलेले तारे मानावेत काय? गुरूची दशा संपल्यानंतर निश्चिंती होईल असे ज्योतिष सांगत असताना कोणी उगीच अर्थव्यवस्थेबद्दल शंका-कुशंका का काढाव्यात?

तो अर्थशास्त्रीय लेख तपशीलवार लिहिला असल्या कारणाने तो विडंबनात्मक नसावा असे मला वाटते. हा त्रोटक चर्चाप्रस्ताव उलट अर्थाने लिहिला असल्याची शक्यता मला अधिक वाटते. खरेखोटे चर्चाप्रस्तावकच सांगू शकतील.

------
(चर्चाप्रस्तावाबद्दल "शो मी द डेटा" म्हणणारा धनंजय)
------

--वरील दुव्यावरील लेखातले अवतरण--
The raging mortgage crisis, Motiani had told a newspaper in December, is the biggest financial disaster cover up in the history of financial institutions. Confirming the recessionary trends in the US economy, Motiani said, "The cosmetic efforts of marginally lowering interest rates are of no use, because the people facing foreclosure cannot afford to pay any mortgage anyway." The showdown will begin May onwards and through September, people will really feel the pinch, he foresees.

"There are astrological reasons for it -- Guru (Jupiter) is transiting in dhanu (Sagittarius) raashi right now and it will be retrograde in its own house from May 9 onwards, where it will become neech. Jupiter being the planet of financial liquidity, right now the government is providing the liquidity by cutting down the interest rates and doling out checks to taxpayers, but for how long can they do it? Only, as long as Jupiter is in direct position in Sagittarius; but when it becomes retrograde in May, Jupiter will suck away all the liquidity from the financial world. Hence, will be a major decline in stock market." Incidentally, in a television interview, Motiani had predicted that interest rates would be cut in January, which has come true.

लगे रहो!
(ज्योतिषी)
प्रकाश घाटपांडे

खरं आहे! शनी मंगळ युती तुटल्या पासुन मला शौचाला देखिल साफ होते आहे.
धोंडोपंतांचे हार्दिक अभिनंदन!!!
बैलोबा

नमस्कार,
आता काय झालं आणि काय नाही , कोण काय बोललं ? कोणाचं खरं झालं ?
याचा विचार करुन ( किंवा वाद घालून ) काही फायदा आहे का ? आपण सर्वजण दुष्काळाच्या एका संकटातून वाचलो एव्हढं पुरेसं नाही का?

बाकी शनी मंगळ युती तुटल्या पासुन मला शौचाला देखिल साफ होते आहे.

लय भारी

आपला ( ????? )
संतोष.

हे राज्यं व्हावे ये तो श्रींची इच्छा.

नेमबाज अभिनव बिंदाने अचूक नेम साधला
राणेंनी पक्ष सोडला
दलाई लामा फ्रान्स भेटीवर गेले
सायना नेहवालचा झंझावात सुरू झाला
श्रीलंकेने मालिका जिंकली
दिल्लीत हाय अॅलर्ट घोशित
बँकेची कर्जे आणखी महागली
दहीहंड्या रस्त्यावरच बांधणार
शाहिद - करिना परत दुरावले
पावसाची नेमबाजी सुरूच

(छ्त्री कुठे हरवली...कोण सांगेल ) अर्चिस

मंडळी, मिसळपाव विविध कार्यकारी संस्थेच्या सदस्याने सादर केलेला धोंडोपंताच्या अभिनंदनाचा ठराव बहुमताने संमत करण्यात आला आहे असे आम्ही जाहिर करुन त्याप्रमाणे इतिवृत्तात नोंद करण्यात येत आहे.

ज्याप्रमाणे ग्रामपंचायत, विकास सोसायट्या तसेच कंपन्यांच्या ठराव संमतीच्या वेळेस खेळीमेळीचे वातावरण असते तसेच विषयाला अनुसरुन व विषयाशी संबंधित नसलेल्या सर्व गोष्टींची चर्चा होत असते व त्यानंतर ठराव मंजुर होत असतो, तेच वातावरण या ठरावाच्या वेळि होते हे आम्ही येथे सागु इच्छितो.

ठरावाच्या बाजुने पडलेली मते
१ नाना चेंगट
२ विसोबा खेचर
३ आन्या नावाचा बैल
४ विद्याधर३१
५ प्रकाश घाटपांडे (यांनी चालु द्या असे सांगुन मुक संमती दीली)

ठरावाला तटस्थ
१ यमी (यांनी अनेक मुद्दे उपस्थित केले पण मुख्य ठराव कि धोंडोपंतांचे अभिनंदन करायचे किंवा नाही याबद्दल काहिच मत न दिल्यामुळे तटस्थ)
२ धनंजय (यांनी प्रस्तावकाच्या हेतुविषयी शंका उपस्थित करुन माननीय सदस्यांची दिशाभुल करण्याचा प्रयत्न केला पण मुख्य ठराव कि धोंडोपंतांचे अभिनंदन करायचे किंवा नाही याबद्दल काहिच मत न दिल्यामुळे तटस्थ)

ठरावाच्या विरोधी मत
आम्ही इथे हे आनंदाने नमुद करु इच्छितो की, धोंडोपंतांचे अभिनंदन करु नये असा सुर कुणिही लावला नाही. धोंडोपंताच्या ज्ञानाबद्दल तसेच ज्योतिषविद्येबद्दल कुणाला शंका असु शकतात पण त्यांचे अभिनंदन करुच नये असा करंटा सुर कुणीही लावला नाही.

बाद मते
वरिल नावांव्यतिरिक्त मते ही प्रोक्सी वेळेवर न देणे, स्टैंप कमी किमतीचा लावणे, रजिस्टर मधे नाव नसणे तसेच हजेरी पुस्तकात केलेली सही न जुळणे या विविध कारणांनी बाद झाली आहेत. यावर आमचा निर्णय अंतिम आहे.

यामुळे हा प्रस्ताव ५ विरुद्ध ० अशा दणदणीत बहुमताने संमत झाला आहे हे आम्ही जाहिर करतो व धोंडोपंतांचे पुनश्च त्रिवार अभिनंदन करतो व त्यांना दिर्घायुष्य लाभो अशी प्रार्थना करतो.

आभार

या प्रस्तावा दरम्यान यमुताइ यांनी विविध मुद्दे आणले. प्रथम दर्शनी ते मुद्दे जरी योग्य असले तरी या प्रस्तावाशी त्यांचा काहिहि संबंध नसल्याकारणाने नर्म विनोदाने आम्ही ते बाद केले आहेत. यमुताईंनी त्यांना आवडेल अशा पद्धतीने नवीन प्रस्ताव आणावा. त्या प्रस्तावानुसार साधक बाधक चर्चा करुन निर्णय घेता येइल. हा प्रस्ताव केवळ आणि केवळ धोंडोपंताच्या अभिनंदनाचा असल्यामुळे इतर विषय यावेळेस चर्चा करणे शक्य नाही. ठराव कामकाज पद्धतीची यमुताईंना जाण असल्याने त्या हा आग्रह धरणार नाहीत अशी खात्री आहे.

धनंजय हे मागील काही काळ आमच्या विरोधात असल्याने व आज जरी शरीराने ते आज आमच्या बरोबर असले तरी कधी कधी ते मनाने मागे जातात व आमच्या हेतुंविषयी शंका घेतात. पण आज त्यांची खात्री झाली असेल की आम्ही वक्रोक्ति कधीही करत नाही.

असो. मंडळी वेळ बराच झाला असुन आपले मुख्य काम ठराव संमत करण्या चे पुर्ण झाले असुन सभा संपन्न होत आहे.

यानंतर राष्ट्रगीत होईल, सर्वांनी गडबड गोंधळ न करता उभे राहुन एकसुरात राष्ट्रगीत म्हणावे. त्यानंतर महिला व लहान मुले आधी बाहेर जातील. तरूण मुले सर्वात शेवटी जातील. या सभेदरम्यान जे उशीरा आले ते सतरंज्या नीट गोळा करतील व नीट कुलुप लागल्याची खात्री करुन घरी जातील. गाड्या नीट चालवुन स्वतःच्याच घरी नीट जा आपली कुणीतरी वाट पहात आहे याची जाणिव असु द्या.

जय हिंद जय महाराष्ट्र

आता राष्ट्रगीत .......

(कंपनी कायदा, सोसायटी कायदा, सहकार कायदा कोळुन प्यायलेला व गावापासुन जिल्हयापर्यत राजकारणात मुरलेला) नाना चेंगट पा.

शनी-मंगळाची युती .........झाली. ठराव एकमताने (एकाच्याच मताने) संमत झाला.

एकाच ग्रहावर वास्तव्य असलेला अर्चिस

इतीवॄत अगदी मस्त लिहीलये ,

त्याबद्दल ठराव करून नाना चे देखिल आभार मानाव म्हणतो .....

आपलाच ,
( ठरावीक )
-- ऍनयू उर्फ बैल
~~~ आमची कोठेही शाखा नाही~~~

धोडोपंतांचे भाकित खर आल्याबद्द्ल आम्ही आनंद व्यक्त करतो.
http://www.misalpav.com/node/515#comment-6862
(स्नेही)
प्रकाश घाटपांडे

नाना

जोरदार इतिवृत्त
सगळया विरोधकांची तोंडे बंद
जबरदस्त कलाटणी
वा वा