एलिझाबेथ एकादशी

छान परिक्षण !!!
चित्रपट पाहिला आहे. आवडला.

मात्र "जग झालिया वन्ही, संते सुखे व्हावे पाणी" म्हणणार्या मुक्तेच्या वारकरी पंथातील "वारकर्यांच्या" या चित्रपटाने "भावना दुखावल्या" जाऊन त्यांनी "आम्ही रस्त्यावर उतरु" अशी जी विचारमौक्तिके उधळली त्याने व्यथितही झालो.

चित्रपट परिचय त्रोटक वाटला पण छान लिहिलंय.
नेहमीप्रमाणेच हा मराठी चित्रपटसुद्धा पाहणार नाही.

चित्रपट पाहिला .....
खुप आवडला
आम्ही गेलो तेव्हा हाउसफुल होता
ह्या सिनेमा मधे कुणाच्याही भावना दुखावण्यासारख काहीच नाहिये

चित्रपटाचे नांव असे का? हे एक वेगळेच रहस्य ह्या चित्रपटात आहे आणि प्रेक्षकवर्ग चित्रपटगृहाकडे खेचण्यासाठी वापरलेले आहे. त्याची उकल व्हायला नको होती. बाकी परिक्षण ठीक आहे. नांवामुळे एक उत्सुकता होती चित्रपटाबद्दल ती मात्र मावळली आणि चित्रपटाने एक प्रेक्षक गमावला.

आता एडवर्ड शिमगा येईल तुळचापूरचे बोळ दाखवता येतील. त्यानंतर आईनस्टाईन शिवरात्र -भाऊ दाजी लाडाची मुंबई, बाणगंगा आणि चिँधी गल्ली-चोरबाजार-गोल देऊळ दाखवायला एक निमित्र.

कशाला विरोध आहे नक्की?? कशानेही भावना दुखावतात का? >> अगदी, अगदी.

कौतुक करतात तेवढा ग्रेट नक्कीच नाही

परेश मोकाशी आपण कुणीतरी प्रयोगशील असल्याचा आव आणतात

नावापासूनच मला हा चित्रपट पकाऊ वाटला

एकदा बघायला हरकत नाही. असाच अचानक टीव्हीवर 'चिल्लर पार्टी' बघायला मिळायला होता आणि आवडला होता.

परीक्षण त्रोटक आहे, पण सिनेमा चांगला आहे. अगदीच पकाऊ वगैरे नक्कीच नाही. थेटरात बघावा असाच सिनेमा आहे. प्रत्येक सिनेमा काही धीर-गंभीर विषय घेऊनच यावा अशी अपेक्षा का असते? :)

छान परिक्षण !

मदनबाण.....
आजची स्वाक्षरी :- China builds hydroelectric dam on Brahmaputra in Tibet, India fears flash floods

सामान्य सिनेमा आहे. मराठी सिनेमा कधी मॅच्युअर होणार आहे कळत नाही. मला तर बर्‍याच वेळा वाटते की दिग्दर्शकांना सिनेमा हे काय मिडियम आहे तेच कळले नाहीये.

उत्तम आहे. कुणाच्याही भावना दुखावल्या जाव्यात असं काहीही या चित्रपटात नाही. एलिझाबेथ हा शब्द उत्सुकता चाळविण्यासाठी वापरला असेल तरी मला त्यात गैर वाटत नाही. काही जण असंही म्हणतात कि काहीतरी वेगळं केल्याचा आव मोकाशी आणतात. भौ.. वेगळं तर करतातच ना. हरिशचंद्रसुद्धा चांगल्या अर्थाने वेगळाच होता. बोंबीलवाडीसुद्धा वेगळे होते. बल लगानेसे कार्य होता है... गोष्टी येतात पण आपल्याकडे ते गुरुत्वाकर्षण हवं... किती सुंदर मेसेज सहज दिलाय. आणि तरीही ज्यांना आवडला नाही त्यांना तो फक्त दीड तासच सहन करावा लागला असेल त्यात काही फार नुकसान नाही.

कुणाच्या भावना कशाने दुखावल्या जातील काही नेम नाही. दुखावल्या गेल्यात हे कळायची तरी बुद्धी असते का अशी शंका येते. नॉनसेन्स

पिक्चर चांगला आहे हे ऐकतोच आहे. जायचा योग हुकला एक दोन वेळा.... लवकर जमवायला हवं.

कालच चित्रपट बघितला. नाही आवडला. आपणही सगळे कष्ट करून आपल्या परीने पैसे उभे करायचा प्रयत्न करतच असतो.फक्त आपला आकडा ५ हजार नसतो तर मोठा असतो.तेव्हा आपल्या आयुष्यात आपण जी गोष्ट करतच असतो तीच गोष्ट वर पैसे देऊन पडद्यावर बघायला मला स्वतःला अजिबात आवडत नाही.भले ती त्या चित्रपटाची मुख्य थीम नसली तरी.

परेश मोकाशींकडून बर्‍याच अपेक्षा आहेत. पण त्यांचा चित्रपट तेवढा भावला नाही. कथा पडद्यावर उलगडवताना पंढरपूर देवस्थान आणि त्या नजीक घडणार्‍या बर्‍याच गोष्टी दाखवण्याचा प्रयत्न चांगला आहे. बाल कलाकारांचा अभिनयही चांगला आहे. पण पटकथा तितकी खरीखूरी वाटली नाही.

कालच एलिझाबेथ एकादशी पाहिला ! आवडला !! आगळी-वेगळी कथा, उत्कृष्ट दिग्दर्शन, सर्व कलाकारानी जीव ओतून केलेला अभिनय या मुळे सिनेमा मस्त झालाय! वाडा-गल्लीबोळांचे आजपर्यंत कधीही चित्रीत न केले गेलेले पंढरपुर दर्शन, वारी हे एक या सिनेमाचे खास वैशिष्ट्य. सिनेमा रसिक प्रेक्षक आणी समिक्षक दोघांच्या ही पसंतीस उतरत आहे ही दिलासा देणारी गोष्ट !