आली दिवाळी

दिवाळीत विनाकारण दिवे लावून मोलामहागाचे तेल जाळले जाते. तुम्हाला ना कश्शाकशाची म्हणून किंमत नाही.
आता वीजेच्या जमान्यात कशाला हवे तेलाचे दिवे ???
:)

गप रांव रे!!

पेटलेल्या वाड्यात काकूरूपी फटाक्यांची घाऊक बाजारात घेतलेली टोपली घेऊन घुसून आपण दिवाळीच्या पूर्वसंध्येला शोभा आणलीत !

समस्त मिपाकरांतर्फे आपले आभार !

चांगलंय !!

या ज्वालामुखीच्या आत किती खदखद दडली आहे?
आतून येवू द्या बाहेर एकदाची.....म्हणजे सारे कसे शांत होईल!

मस्तच! :-) अजून काही:

• दिवाळी आणि महागाई या अनैतिक संबंधांमुळे हैराण होऊन फ्लिपकार्टवर फक्त ४२००० रुपयात मिळणारा फाईव्ह-सिम, ९३ मेगापिक्सेल कॅमेरा असलेला फोन दुकानात ४७००० ला विक्रीसाठी ठेवून बाजारात महागाईचा कसा उच्चांक गाठला गेला आहे हा खुमासदार विषय चघळा
• पूर्वीची दिवाळी आणि आताची दिवाळी यातला फरक संदर्भासहित स्पष्ट करा
• पूर्वीच्या दिवाळीत काय मजा यायची अशी सुरुवात करून आताच्या दिवाळीत कसा राम नाही हे विशद करून दाखवा
• पुण्याची दिवाळी आणि मुंबईची दिवाळी फरक स्पष्ट करून दोन्ही ठिकाणच्या दिवाळीचे फायदे आणि तोटे तपशीलवार पटवून द्या.
• पुण्या-मुंबईतल्या दिवाळीच्या धरतीवर भारतातली-परदेशातली दिवाळी असे चर्चासत्र आयोजित करा.
• 'आली माझ्या घरी ही दिवाळी' या गाण्याचे रसग्रहण करून दिवाळीच्या जागी होळी, संक्रांत, कोजागिरी पौर्णिमा असे सण कल्पून तुलनात्मक अभ्यासावर आधारलेला लेख प्रकाशित करा. या गाण्यातून फुटणारे अनेकविध रंगीबेरंगी अर्थाचे अनवट धुमारे फुग्यांसारखे फुगवून दाखवा. कोणी टाचणी लावल्यास 'फुग्यातून फटाके' असा अनुभव निर्माण करून दाखवा.
• घरी केलेल्या दिवाळीच्या पदार्थांचा गेल्या २५ वर्षांचा विदा (क्वांटिटी, चव, फीडबॅक, किती दिवस पुरले, किती माणसे होती, वगैरे) एका तक्त्यात तयार करा. त्या तक्त्याचा सगळ्या अंगांनी अभ्यास करून कुठल्या पदार्थावर पुढच्या १० वर्षात काय पाळी येणार आहे याचे आडाखे बांधा. उदा. अनारसे १० वर्षांनी लुप्त होतील कारण बनवायला किचकट आणि फसायला तत्पर असा हा पदार्थ आहे; लोकांची तिखट खाण्याची क्षमता ज्या वेगाने कमी होत आहे त्यावरून १० वर्षांनी शेव म्हणजे फक्त बेसनाचे तळलेले धागे असतील; १० वर्षांनी चकलीसोबतच करंजीदेखील चखण्याचा भाग होऊ शकेल; वगैरे वगैरे....
• दिवाळीच्या दिवशी मल्टीप्लेक्समध्ये मोठा अपेक्षेने पाहिलेला चित्रपट कसा भिकार होता याचे रटाळ वर्णन लिहून काढा.

सगळ्यांनी कृपया हलके घ्यावे. थोडीशी गंमत इतकेच! :-) कुणाच्याही भावना दुखावण्याचा हेतू नाही.