तुमचे शरीर अपचन कसे हाताळते?

तुम्हला अपचन होते तेव्हा तुम्ही काय करता?

काय करता? असा प्रश्न विचारुन काय होते ते का लिहिले आहे?

तुम्हला अपचन होते तेव्हा तुम्ही काय करता?

मी काहीच करत नाही. जे व्हायचं ते आपोआप होतं... ;)

मुळात अपचन व्हावं असं मी काही करतच नाही. ;)

सूड ला +1
आणी दुसर्या प्रश्नाचे उत्तर-
साम,दाम,दंड,भेद

मला वाटतं अपचन (इनडायजेशन) आणि पित्त (अ‍ॅसिडीटी) हे दोन निराळे अनुभव आहेत. अपचन झालं तर मळमळ होऊन धपाधपा उलटी होऊन सगळं आभाळ मोकळं होऊन जातं. अ‍ॅसिडीटी ही उद्बत्तीसारखी असते. पोटातलं अ‍ॅसिड तुम्हाला बराच वेळ आपल्या अस्तित्वाची जाणीव करून देतं. मग करपट ढेकर, डोकं दुखणे, पोटर्‍या दुखणे, छातीत जळजळ होणे असं काहीबाही व्हायला लागतं. अर्थात अपचन आणि वाढलेले पित्त वेगळे आहेत असं माझं मत आहे. मला नक्की माहित नाही. खरेसाहेब जास्त प्रकाश टाकू शकतील. अपचन व्हायचा धोका असेल तर मी पुदीन हराच्या दोन गोळ्या घेतो. लगेच बरं वाटतं. अ‍ॅसिडीटी वाढली तर मात्र काही केल्या माझी अ‍ॅसिडीटी जात नाही. ती दुसर्‍या दिवशी सकाळीच आपोआप बरी होते.

बाकी दुसरा प्रश्नः बोलण्यासारखी परिस्थिती नसेल तेव्हा काय करणार गप्प बसणार. :-)

अपचन झालेच कधी तर गळती लागते असा स्वानुभव! त्यामुळे सहसा कच्चं सलाद, ज्युसेस, मिल्कशेक्स ई.ई. टाळतेच. पण तरिही गळती लागलीच तर गुपचूप डॉ. कडे पळते.

एखादी परिस्थीती पटत नाही पण तरिही बोल्ण्यासरखी परिस्थीती नसते तेंव्हा सुमडिमधे गप्प बसते. आणि समोरच्याची ऐकण्याची परिस्थीती झाली की ऐकवते.

त्रिफळा चुर्ण नित्यनेमाने घेतल्यास सहसा अपचनाचा त्रास होत नाही ...

अर्थात दुसर्‍याला त्रास द्यायचा असल्यास डाळीचे पदार्थ किंव्वा पावटे , वाल , पोलिस वगैरे खावुन मस्त अपचन करवता येते *lol*

मी उन्हाळ्यात (मे मधे) आणि दिवाळी झाल्यावर (डिसेंबर मधे) असे वर्षातुन दोनदा एरंडेल घेतो त्यामुळे अपचनाचा त्रास होत नाही.
अपवाद : लग्नाअधी सगळ्या शाकाहारी, मांसाहारी केळवणी झोडुन झाल्या त्या वर्षी तीनदा घेतले होते.

शनिवारी पहाटे ५.३० ला आई झोपेतुन उठवते. अर्धाकप कोर्‍या चहात ५० मिली एरंडेल तेल तयार असते ते झोपेतच पिऊन परत झोपी जातो. ६.३०/७ ला उठुन पेपर वाचतोय तोच पोटात जलविद्युत केंद्रातले जनित्र चालु झाल्यासारखा आवाज येतो. मग लोटापरेड सुरु होते. कोमट पाणी, लिंबु सरबत आणि चहा यावरच दुपारचे १२/१ पर्यंतचा वेळ काढायला लागतो. तोपर्यंत ६/७ वेळा लोटापरेड होते. दुपारी जेवायला मुगाच्या डाळीची मऊ खिचडी असते. संध्याकाळी परत डाळ्-भात खाऊन दिवस समाप्त होतो.
रविवारी झणझणीत चिकन किंवा तळलेले मासे खाऊन मी पुढच्या सहा महिन्यासाठी सज्ज होतो

आम्लपित्त कस कमी करावे?
आणी सौंदाळा 50 ml एंरडेल .....बाब्बोव

अवांतरः आनन्दा तुम्ही आआप समर्थक ना?

सहसा अपचन होतच नाही पण झालेच तर एक दिवस फक्त, लिंबु पिळलेल्या काळ्या कॉफीवर काढतो आणि लोपामाईड ची एक गोळी घेतो.

भोजनानंतर थोड्यावेळाने वज्रासनात बस रे आनंदा जरा.रात्री चमचमीत सामिष खाणे कमी कर.

लंघन करतो.

विषय तसा गंभीर आहे.

आंतर्जालावरील (कु)प्रसिद्ध (कु)तर्कतीर्थ प्रतिक्रियामार्तंडाना याविषयी सल्ला विचारा.

बरेच वर्षे प्रतिसादांचा रतीब घालुन घालुन त्याद्वारे मनातील मळमळ, जळजळ आणि मुख्य म्हणजे गरळ ओकुन ओकुन पण काहीच कमी होत नाही. दुखणे विकोपाला गेले आहे. आता त्यांना दवा की नाही दुवा कि जरुरत आहे.

शिंका येऊ नयेत किंवा खोकल्याची ढास लागू नये याची काळजी घेतो.

कुठल्याही प्रकारचं अपचन झालं की काळं मीठ आणि कोमट पाणी पिते. शिवाय अन्न न घेता भरपूर पाणी पिते. नैसर्गिकरित्या सहज शरीरशुद्धी होते. १ दिवसात सिस्टम ठिकाणावर येते.

सायकोसोम्याटिक आजार असेल तर दोन्ही प्रश्नांची उत्तरे एकसारखी येऊ शकतील नाही? पण केवळ अति खाल्ल्याने अपचन झाले तर काहीतरी औषध घ्यायला लागणारच!

१. मी ज्याचे माप केव्हातरी त्याच्या पदरात घालतोच. सडेतोड
४. तिथे नाही जमले तर कोणाजवळ तरी मन मोकळे करतोच.

आमच अपचन आम्ही दुसर्‍याच्या नाकावर सोडुन देतो

> आमच अपचन आम्ही दुसर्‍याच्या नाकावर सोडुन देतो

एकदम लाईट जेवायचं. अगदी मऊ पाणीदार भात आणि तसेच वरण एक दिवसभर दोन्ही वेळेस खाल्ले की सिस्टिम आरामात ठीक होते.

शक्यतो अपचन होत नाही कारण तेव्हढा लोड माझ्या तंबोर्‍यावर देत नाही ! ;)
पण झाल्यास आलं ठेचतो, त्यात लिंबु पिळतो त्यात थोडेसे काळे मीठ टाकतो आणि चाटण खातो... नंतर थोडे कोमट पाणी पितो.सौंदाळा यांनी सांगितल्या प्रमाणे वर्षातुन २ वेळा तरी चमचाभर एरंडेल तेल घेउन रिसेट मारतो.
पोट ठीक वाटत नसल्यास क्वचीत धौती-योग चूर्ण घेतो,जाहिरातीत सांगितल्या प्रमाणेच सकाळी सगळं ओके होत ! ;)
वेगवेगळी चूर्ण-वट्या प्रयोग म्हणुन ट्राय मारुन झाल्या आहेत, त्यात हे धौती-योग चूर्ण माझ्या प्रकॄतीस एकदम फीट बसलं.
प्रश्नाच्या दुसर्‍या भागासाठी असलेल्या उत्तरासाठी स्पॅरो मामांचा प्रतिसाद वर स्क्रोल करुन वाचावा. ;)

मदनबाण.....
आजची स्वाक्षरी :- राजधानी.. गुंडगिरीची!

एरंडेल चा किस्सा वाचला व तोंडात त्याची कोर्या चहासोबत चव आली ,
मी एरेंडेल जंतासाठी घ्यायचो ,
अंगातील उष्णता त्याने निघून जाते.
अपंचन टाळण्यासाठी वैद्य पाटणकर काढा बेस्ट