सिग्नल - लघुकथा

सिग्नल पडला तशी त्याने बाईक झेब्रा क्रॉसिंगच्या अलीकडे थांबवली.त्याच्या मागोमाग एक दोन बाईक्स येउन झेब्रा क्रॉसिंगच्या अलीकडेच थांबल्या. पण 'व्यक्ती तितक्या प्रवृत्ती' प्रमाणे जसं वेळ जात होता तसं येणारी वाहणं क्रॉसिंग पार करत होती. एका काकांनी त्याच्या उजव्या बाजूने जाऊन त्याच्या समोरच बाईक लावली.एक मुलगी, ती आली तिथून तिला उजवीकडे वळण शक्य नसल्याने डाव्याबाजूला वळून झेब्रा क्रॉसिंगच्या पुढे येउन थांबली. अस करत अर्धे अधिक लोक झेब्रा क्रॉसिंग वर आले. त्याच्या मनात विचारांनी गर्दी केली.
ह्या लोकांना नियम पाळायला काय होतं? जे कोण अधिकारी लोकं असतील त्यांना हि ह्या सगळ्या बद्दल काहीच वाटत नाही का? एवढी लोकसंख्या,बेकारी आहे . मानसं घ्या आणि लावाना कामाला, करा दंड वसूल, तोच त्यांचा पगार. कोणी एखादा तरी अधिकारी आहे का? ज्याने नियमाबद्दल एखाद्या भागामध्ये, शहरामध्ये वचक ठेवलाय त्याने मनाशीच पडताळून पाहिलं. पण कोणी आढळला नाही. नशीब त्याला वाहतुकीचे काटेकोर नियम पाळणाऱ्या एक, दोन व्यक्ती तरी ठावूक होत्या.
विचारात असतानाच त्याने पहिलं कि सिग्नल सुटायला ८,९ सेकंद राहिलेत. पुढच्या एक दोन गाड्या निघाल्या. अन त्यानंही बाईक चालू करून गेअर टाकले.