झीचा तद्दन टुकार आचरटपणा…….

त्यांचा धंदा आहे तो. त्यांनी काय दाखवावे आणि काय दाखवू नये हा सर्वस्वी त्यांचा प्रश्न आहे.
आपल्याने पाहवले जात नसेल तर हातातील रिमोटने चॅनल बदलावे. :)

"सौधींडीयन" भाषेतले डब म्हणजेच भाषांतरित केलेले मराठी सिनेमे

ऐला हो?

वर्जिनल सिंघम दाखवला का हो डब करून? त्याचं हिंदी डबिंग बरंच हास्यस्फोटक आहे. मराठी अजून भारी असेल.

शेवटी आईने मला काल की परवा एक जुना होणार सून त्या घरची चा एक एपि. पहायला लावला. त्यात एक मुलगी गणपतीच्या देवळात जाऊन गोग्गोड संवाद म्हणत होती व एका घरी रक्षाबंधनाचा कारेक्रम चालू होता. त्यात एक सशक्त बाई पळत होती व तिला मिळालेली भेटवस्तू मिळवायचा प्रयत्न करत होती. अर्धा एपिसोड पाह्यल्यावर कांपुटरात डोके घातले. मालिका अशा असतील तर शिनेमे कशे असतील याची कल्पना आली. जुन्यांबद्दल काही म्हणायचे नाही ते चांगले असणार पण यांनी दाखवायला हवेत ना!

मागणी तसा पुरवठा. :)

माज्याकडं टीवीच नाय !!!!!

तुमच्या कडे भरपूर वेळ दिसत आहे.

इथे आम्हाला मिपाचेच लेख वाचण्यासाठी पण वेळ मिळत नाही.

बादवे,

त्या टी.व्ही.ला डी.व्ही.डी. प्लेयर जोडा आणि तुम्हाला आवडतील ते सिनेमे बघा.

ये हुई काम की बात ।
तुम्ही पाहत नसाल परंतु सेट टॉप बॉक्स आणि त्यातले सिमकार्ड चानेलवाल्यांना अचूक माहिती देते की कितीजण सूनबाई आणि रुद्रादेवीकडे डोळे लावून बसले आहेत ते .

झीचा दर्जाच खालावलाय सगळ्या बाबतीत.त्यांचे न्युज पासुन सिनेमापर्यंत सगळेच भिकार झाले आहे.

कोण झी??
धन्यवाद!!

ही च्यानेले म्हणजे डब करणार्या आणी भाषांतर करणार्यांसाठी रोजगार हमी योजना ! हे एक नवीन क्षेत्र उदयास येऊ पहात आहे. उदा :हिराईनीने नवीन ड्रेस घातल्यावर हिरो म्हणतो ' हा तुझ्याबरोबर चांगला जातो !
आणि आपल्यासारखे लोक विसरता जी टीव्हीला एक बंद करण्याचे बटण असते !.
अर्थात काही निर्मात्यांच्या घरी जाऊन (त्यांचे) डोके फोडण्याचा पर्याय असता तर बरे झाले असते असे कधी कधी वाटते

>>> निर्मात्यांच्या घरी जाऊन (त्यांचे) डोके फोडण्याचा पर्याय असता तर बरे झाले असते असे कधी कधी वाटते

काय संबंध? निर्माते आपलं (म्हणजे त्यांचं) काम इमानदारीत करतात. त्यांच्यासाठी पैसे मिळवणं हे एकच काम असतं ते हे लोक 'व्य व स्थि त' करतात. आपण आपलं रिमोट कंट्रोल वापरायचं काम करायचं ना 'व्य व स्थि त'. ते नाही करत म्हणून त्रास.

बाकी रेवाक्का ला 'वेल मेन्टेन्ड फिगर' म्हणजे काय म्हणायचं आहे नक्की??

'होणार सून मी त्या (की ह्या) घरची' ही मालिका पाहण्याची नामुष्की आमच्यावर आलेली आहे. एकेकाळी चवळीच्या शेंगा असलेल्या मराठी नायिका सध्या भरताच्या वांग्याएवढ्या झाल्यात एवढंच म्हणू इच्छितो.
-भोपळा प्यारे

सिरीयल्स ज्याला बघायच्या असतील त्याने युट्यूबवर बघाव्या म्हणजे बंद करण्यासोबत फॉरवर्ड देखीन करता येतात.

मराठीचे गुणगान गाण्यासाठी झी चा सर्वसेवा हा काही मराठी माणूस नाही आहे आणि मराठी माणसांकडे ना मुसलमानांसारखा धर्मांतपणा आहे की जेव्हा अमेरिका आफगाणिस्तानातील मुसलमांनावर हल्ला करते तेव्हा येथे भारतातील मुसलमान अमेरिकन वस्तुवर बहिष्कार घालतो ना साउथवाल्यासारखे भाषाप्रेम की जेथे मातृभाषा व्यतिरिक्त इतर भाषा फाटयावर मारल्या जातात.

नशीब समजा भोजपुरी सिनेमा डब करुन दाखवत नाहीय.

हो खरंच की म्हणून मराठी सिनेमासाठी मुबईत सिनेमागृह मिळत नाहीत.

सध्या मराठीत वर्षाला शेकडो चित्रपट तयार होतात. त्यापैकी हाताच्या बोटांवर मोजता येतील इतकेच चित्रपट गल्ला जमवण्यात यशस्वी होतात. बाकीचे अर्थातच डब्यात जातात. ठराविक यशस्वी चित्रपट विकत घेण्यासाठी सगळे वाहिन्यावाले धडपडतात. डब्यात गेलेल्या चित्रपटांचे निर्माते पैसे वसुल करण्यासाठी ठराविक रकमेच्या खाली चित्रपटाचे हक्क वाहिन्यांना विकत नाहीत आणि ती रक्कम मोजायला वाहिन्यावाले तयार होत नाहीत. त्यामुळे अनेक 'पुरस्कार प्राप्त' चित्रपटसुध्दा या वाहिन्यांवर कधीच येत नाहित. मग तेच ते चित्रपट पुन्हा पुन्हा दाखवले जातात.

च्यानेल्सवर सिरीयल्सच्या दरम्यान जाहिरातींचे ब्रेक्स असतातच. त्या व्यतिरिक्त खाली एक पट्टी सरकत असते. त्यात परत केंव्हापदद्याच्या मधे वरच्या किंवा बाजुच्या कोपर्यात मधेच एखादे चित्र झळकते. जवळ जवळ अर्धा पडदा झाकला जातो. या वर काही दाद मागता येईल का? शेवटी आपण अमुक इतके पैसे देऊन जाहिरातींचा ब्रेकचा वेळ देतोच त्यात परत आपल्या बघण्याच्या आनंदांवर असे विरजण घातले जाते. मला तर ही प्रेक्षकांची फसवणुक वाटते,.

कुठल्याही वाहिन्यांवर दाखवल्या जाणाऱ्या कार्यक्रमाचा/मालिकेचा अधिकृत वेळ ३० मिनिटे असतो. कार्यक्रम/मालिका नंतर/काही वेळाने तुनळी वर २०/२२ मिनिटांत बघायला मिळते. (पुढली २ मिनिटे शिर्षक गीत, कालच्या भागात, पुढे काय यांसाठी) म्हणजे २० मिनिटांसाठी १० मिनिटे जाहिराती असतात. (५०%).
शिवाय कार्यक्रम/मालिका चालु असताना अक्षरश: कुठेही (वरती, खालती, सगळे कोपरे इ.) झळकणाऱ्या जाहिराती छळवाद करायला असतातचं. जाहिरातीमधुन इतका बक्कळ पैसा कमवुनदेखिल पुन्हा त्या केबल वाल्याला दर महिना काहीशे रुपये द्यायचे!
जाहिराती पध्दल तर न बोललेलेच बरे! मुळ हिंदी जाहिरातीमध्ये अर्धे इंग्रजी अर्धे हिंदी शब्द असतात. भाषांतर (?) करणारे फक्त हिंदी शब्दांचे भाषांतर करतात. त्यामुळे अर्धी मराठी अर्धी इंग्रजी जाहिरात ऐकावी लागते.

सिंपल लॉजिक आहे
त्यांनी चोवीस तास वेगवेगळे कार्यक्रम दाखवले तरी तुम्ही २४ तास त्यांचाच चॅनेल लाऊन बसणार नाही. मग ते नवनवीन कार्यक्रम दाखवून एक्स्ट्राचे पैसे का गुंतवतील. सिनेमांचे हक्क फुकट तर मिळत नाही किंवा कार्यक्रम फुकट तर बनत नाहीत. त्यामुळे मग प्रत्येक चॅनेल असे धंदे करतेच.

सोनीवर बघावे तेव्हा (मी नाही बघत) सीआयडी आणि त्यांचाच छोटा भाऊ सेटमॅक्स वर बघावे तेव्हा (हे देखील मी नाही बघत) सुर्यवंशम चालू असतेच ना .. आता वर्षभर आयपील खेळता येत नसल्याने त्यांना मग उर्वरीत वेळेत अशी वेळ मारून न्यावीच लागते.

या बदलामागे पण काही ठोस कारणे असतील हे नक्की, याआधी झीने बरीच चांगले मराठी कार्यक्रम दिलेत. गंगाधर टिपरे, एका लग्नाची दुसरी गोष्ट इत्यादी. मी माझा अंदाज बांधतोय
1. हल्ली आवड बदललीय आणि लोकांना हेच आवडते ही मानसिकता. सध्या हिंदीत चालणारे चित्रपट, किंवा हिंदीतल्या मालिका बघितल्या तर झीचे काही चुकतेय असे वाटत नाही. आपण प्रेक्षकच असा आभास निर्माण करतोय.
2. विशिष्ट प्रकारचा शहरी मघ्यमवर्गीय सोडला तर साऱ्यांनाच लाउड इमोशन आवडतात हा ग्रह. माझ्या प्रेक्षकांना जर मी हे दिले नाही तर ते हिंदीकडे वळतील ही भिती. जमानाच झगमगतेचा आहे. त्याता संवेदनशील भावनांना विचारतो कोण.
3. लोकांना कंटाळा येत नाही, आला तरी ते एकदा सवय लागली कि ते बघतच राहतात. ज्यांना बघायचे नसते ते तसेही बघत नाही. त्यामुळे ताेचतोचपणा आला, रिपिट केले तरी चालते ही भावना. तेंव्हा कमी खर्चात हे करता येते.
4. कदाचित झीमराठीमधे काही आंतरीक बदल झाले असतील किंवा होत असतील. झीचे सर्वेसर्वा आधीही तेच होते आताही तेच आहेत.
5. झीचा चित्रपट थेटरात चालू असताना झीने चांगला चित्रपट जर टिव्हीवर दाखविला तर त्या थेटरातल्या चित्रपटाचे मार्केट जाते.
6. दहा वाइट गोष्टी दाखवून एक चांगला शो केला कि त्याला मिळनारा प्रतिसाद हा कल्पनेपलीकडला असतो. उदा. एका लग्नाची दुसरी गोष्ट.

-मित्रहो

अहो लोकांना आताशा कुठल्याही नातेवाईकांकडे जायला होत नाही. ७ ते १० हा मालिकंचा वेळ.
त्या हिंदी असोत कि मराठी असोत सगळे जण मंत्रमुग्ध झाल्यासारखे त्या इडियटबॉक्सच्या समोर बसतात.

अशा वेळी आपल्याकडेही कोणी कडमडयला नको असे वाटते.
पुर्वी मोठी माणसे पत्ते, कॅरम खेळायचे तर बायका शेजारणीशी गप्पा मारत मारत रात्रीचा स्वयंपाक करायच्या. आताशा चित्रच पालटले आहे.
आणि पेठकरकाका आता त्या टी.व्ही वरिल मालिकातल्या बायड्यांबरोबर घरोघरातल्या बायकांची पण हालत कशी झाली आहे त्या करिता सध्या चे.पु. वर प्रसिध्द असलेले एक चित्र इकडे डकवतो.
टॉ.व्ही. स्लिम झाले तर बायड्या प्यारे१ ने म्हंटल्या प्रमाणे भरताच्या वांग्याएवढ्या झाल्यात...

आत्ताशी जरा मिपावर आल्यासारखं वाटलं!