काय या पुणेकरांचे कौतुक !

आता पेप्राच्या पुणे एडिशनमध्ये पुणेकरांबद्दल बातम्या असणार की मुंबैकरांबद्दल?

पण एनीवेज, चांगले धावांचे पोटेन्शिअल आहे या धाग्यात ;)

काय या पुणेकरांचे कौतुक !
घ्या आता करुन. ;)

मिपावर ऐन मध्यरात्री पुणेकरांचे कौतुक :)

हॅ !

गोटुनाना लेख कै जमला नै बॉ :-/

पूणेकरांसाठी लिवायचं म्हणजे कसं पूणेरी टोल्यात हाणल्यागत लिवाय पायजे ;)

तमी लैच साधं सुधं लिवलय बगा :-/

कवतीकाचे बोल हायती लोकास्नी येड करुन स्वताच कवतीक करताहेत

सुचना=धाग्यावर कामापेक्षा जास्त वेळ टाइम पास करु नये

गेल्या पन्नास वर्षातील पुणेकरांचे काही खास विषय
१ पेशवे पार्कातल्या सुमित्रा हतीणीची तब्येत
२. बाबु टांगेवाला यानी हिराबागेच्या मैदानावर आज कुणाला हार घातला बरे ?
३.नव्यापुलावरील सगुणाचे काय म्हणणे आहे.
४.पालख्या आल्या का ?
६ पालख्यांच्या दुसरे दिवशी दिवेघाटातला फोटो आला का ?
७ ग्लोब्ब डबड्यासमोर ( श्रीनाथ सिनेमा) डोल्याची डावी उजवी झाली झाली का
८ ईदचा चांद दिसला की नाही दिसला ?
९ गणेशोत्सवात पावसाने उघडीप दिल्याने देखावे पाह्यला गर्दी होती.
१० पुरात पाणी नक्की किती आले साठी लकडी पुलावर गर्दी
११ सवाई गंधर्व महोत्सव दुसरे दिवशी किती वाजेपर्यंत लांबला याच चालीवर गणपती मिरवणुकीला
किती तास लागले.
१२ नाना साहेब गोरे यानी अमुक वर प्रतिक्रिया काय व्यक्त केली ?

चला भाउ पॉप्कॉर्न घेउन तयार बघु शतक गाठतो का हा धागा .

असल्या बातम्या वाचण्यासाठी किंवा बघण्यासाठी कोणी आवतंण देत नाही. सहन होत नसतील तर दुसरं पान वाचायला घ्या/ टी व्ही वर पाहत असाल तर चॅनल बदला.

पुण्याबाहेरच्या लोकांना नेहमी वाटते की पुणेकरांचे एवढे काय कौतुक.

यांच्या उकडण्याचेही कौतुक, यांच्या थंडीचेही कौतुक.

म्हणजे पुणेरी पेपरमधल्या बातम्या वाचल्या की कळेल.

कधी सकाळी पावसाचे अजिबात चिन्ह नसते. पुणेकर छत्री न्यायचा कंटाळा करतात.
पण संध्याकाळी ऑफीसमधून घरी यायला निघावे तर बेसावध क्षणी पाउस पुणेकरांना गाठतो आणि भिजवतो.

दुसर्‍या दिवशीच्या पेपरमधे भिजलेल्या पुणेकरांचे, झाडाखाली थांबलेल्या, स्कार्फ बांधलेल्या तरुणींचे फोटो
आणि बातमीचे हेडींग
अचानक आलेल्या पावसाने पुणेकरांची तारांबळ

कधी हा पाऊस प्रचंड कोसळतो. रस्त्यावरून पाण्याचे पाट वाहू लागतात. झाडे पडतात. रस्त्यातील वाहतूक अडते.
दुसर्‍या दिवशी फोटो आणि बातमी.

पुणेकरांना पावसाने झोडपले.

कधी हलक्याशा सरी पडत असतात. अशावेळी हिरवागार झालेल्या सिंहगडाचे फोटो, त्यावर पर्यटकांची गर्दी.
बातमी असते - पावसाळी वातावरणात पुणेकरांनी केले सिंहगडाचे पर्यटन, पुणेकरांनी सिंहगडावर गरम गरम भजी खाणेच पसंत केले.

थंडीचे दिवस सुरू होतात. सकाळी फिरायला पुणेकर बाहेर पडतात.
अशावेळी कमला नेहरु पार्कमधला वॉकींग जॉगिंग करणार्‍या पुणेकरांचे फोटो.
यातल्या काही जणांच्या अंगावर शाल. पुण्यातल्या पेपरात बातमी. बातमीत वर्णन असते.
पुणेकरांनी स्वतःला शालीत लपेटून घेतले.
फोटोवर हेडींग पुण्यात गुलाबी थंडी !

थंडी संपून थोड्याशा उकाड्याला सुरुवात होते,
बातमी - पुण्यातील थंडी गायब

कधी जूनमधे पाउस पडतो पण जुलैमधे पाऊस अजिबात पडत नाही.
बातमी - पावसाचे दोन महीने उलटले पण पुणेकर कोरडेच

अशा जरा उकडणार्‍या दिवसात हलकी पावसाची सर येते.
तापलेले रस्ते जरा थंड होतात. उकाडा जरा कमी होतो.
बातमी - पावसाच्या हलक्या सरीने पुणेकर सुखावले किंवा
पुणेकरांवर पावसाचा प्रसन्न शिडकावा !

उन्हाळ्याच्या दिवसात उकाडा वाढतो. अशावेळी बातमी
पुणेकर उकाड्याने हैराण

कधी जरा हीच बातमी बदलून -
रसाच्या गुर्‍हाळाचा फोटो, पुणेकर रस पिताहेत.

बातमीचे शीर्षक - चहापेक्षा रस बरा !

कधी कधी पुण्यातल्या रस्त्यांवर बरेच खड्डे पडतात.
खड्ड्यात रस्ता की रस्त्यात खड्डा असा प्रश्न पडतो.

अशावेळी बातमी 'पुणेकर खड्याने त्रस्त.'
हेच रस्ते जर कोथरूडमधील असतील तर कौतुक आणखी वाढते.

रस्त्यातील खड्ड्यांनी कोथरुडकर हैराण अशीही ओळ पहायला मिळते.

पाणीटंचाईची बातमी असेल तर
ऐन पावसाळ्यात कोथरुडकरांच्या टँकरसमोर रांगा

सवाई गंधर्वचे दिवस असतात. कौशिकीसारखे कलाकार छान गाऊन जातात.
मग त्या महोत्सवाचा फोटो.
हेडींग-कौशिकीच्या गाण्याने पुणेकर मंत्रमुग्ध !

असा सारा पुणेकरांच्या कौतुकाचा मामला
जो पुणेकर झाल्याशिवाय इतरांना नाही उमगायचा ! >>>>>

आभारी आहे ! ;)

माज आहे पुणेकर असल्याचा.

-मातोश्रीन्च्या बाजुने सदाशिव पेठेचा वारसा लाभलेला अस्सल माजुरडा पुणेकर-
(टिप:- सदर लेखामधे 'मटाराचे भाव उतरल्याने पुणेकरान्ची मटार उसळीची चैन चालु असल्याचा उल्लेख नाही, सदरहु लेखकाचा अस्सल पुणेरी पद्धतीनी निषेध आणि मटार उसळ खायचे आमन्त्रण') :)

मध्यंतरी मी बेंगरुळुला गेलो होतो (आम्ची मजल तिथवरच हो.) तर काय गंमत म्हणुन सांगु, कित्येक वर्तमानपत्रे तिथे कन्नड मध्ये होती. सहज म्हणुन एका रिक्षावाल्याला विचारले काय बातम्या आहेत हो आज म्हणून (मी मोडक्यातोडक्या इंग्रजीमध्ये विचारले. तिथे मराठी रिक्षाचालका कुठे भेटला म्हणुन विचारु नका) मी विचारले तर चक्क त्याने बेंगलोरात कोणी कुठे आत्महत्या केल्या, कोणाचा खून झाला, कुठे खडे खोदले आहेत वगैरे वगैरे अश्या बातम्या दिल्या. इंग्रजी वर्तमानपत्रातही तेच अर्ध्याहुन अधिक बेंगलोरच्या बातम्य. मला वाटते या चोर पुणेकरांनी बेंगलोरची स्टाइल ढापली असावी अथवा बेंगलोरकरांनी पुण्याची कास धरली असावी. एकुणात काय पुणेक्रांची खोडच वाईट.

मुंबईच्या मोठ्या पत्रांत स्थानिक बातम्यांसाठी मुंबई वृत्तांतसारखे एक वेगळे पान/पुरवणी असते. रस्त्यात खड्डे असल्याची बातमी 'मुंबईकर खड्डेग्रस्त' अशी दिली जात नसून ती 'रस्ते खड्डेग्रस्त' अशी असते.रस्त्यासारख्या निर्जीव वस्तूलाही मान देण्याची मुंबईकरांची वृत्तीच यातून दिसते.पाणीकपातीच्या सूचनाही 'पूर्व उपनगरे',किंवा 'के पश्चिम,एल पूर्व'या भागातल्या लोकांसाठी असतात.कुरलेकर,गोरेगांवकरांसाठी नसतात. अर्थात कौतुककहाणी आवडलीच.

पुणे तिथे काय उणे असे म्हणतात ना?
मग कौतुकात देखिल उणेपण कशाला ? :)

स्वगत : एकाने दूसर्‍याचे कौतुक केले तर तिसर्‍याला का जळजळ होते कोण जाणे ?

कृपया ह. घे. (आज्ञेवरून )

(पुणेरी) मनीषा

पुण्यासारखं शहर आख्ख्या उत्तर भारतात नाही..
(द-क्षीण भारत न पाहिलेला नवपुणेकर) हभप..

पुणेकर हा शब्द आला की सगळे असे पेटतात ते बघा आता..

पुणे तिथे काय उणे ??

हि actually वृत्तपत्रांची खोड आहे. यामध्ये 'सकाळ' आघाडीवर आहे. मुंबई सकाळमध्ये सुद्धा अशा बऱ्याच वेळा बातम्या असतात. जरा काही आपत्ती आली कि लगेच 'मुंबईत चाकरमान्यांचे हाल' अशी बातमी असते. जणू काही मुंबईतले चाकरमाने हाल करून घेण्यासाठीच जन्माला आले आहेत.

खरच... @मन उधाण वार्याचे माज आहे पुणेकर असल्याचा....
पुणे तिथे काय उणे...
आणि @ह भ प मला तर वाटते पुण्यासारखे शहर जगात कुठेही नाही.

धागाकर्त्याच्या नावा प्रमाणेच घासुन घासुन गुळगुळीत झालेला धागा. :)

मोठ्या अपेक्षेने हा धागा वाचायला आलो .
आणि निराशा झाली.
कट्टरता लोप पावून सगळ्या गांधीवादी प्रतिसाद पाहून अपेक्षाभंग झाला.
शतक गाठणे दूरच येथे अर्ध शतकाची मारामार दिसत आहे.

पुणेकर असल्याचा माज असा आहे की जसे काही पुणे महाराष्ट्रापासुन तोडन्यासाठी प्रयत्न झाले आणी त्यात माज असलेल्यांपैकी कोणीतरी विरांसारखे लढुन शहीद झाले
पुणे बेळगाव बर्हाणपुर सह संयुक्त महाराष्ट्र झालाच पाहीजे

अहो पुणेकर ,पुणेकरच आहेत :):):)

तुलानाच नाही इतरांशी

क्रुपया पुणेकरांचा मत्सर करु नये

अन्यथा कायदेशीर ईलाज केला जाईन ;)

विशिष्ट जमातीने विशिष्ट जमातीच्या कौतुकाकरिता काहाडलेला धागा.

(स्वगतः दिलाव् रे बाँब टाकूण ;) )

टाकायचाच असला तर असा टाकावा.

पूर्वी पुण्यामधे टाईम्स ऑफ इंडिया छापला जात नसे, मुंबईहून डाक एडिशन सकाळी दहा साडेदहाला पोचत असे. असाच एकदा सकाळी पुण्याच्या नातेवाईकांकडे गेलो. त्यांनी टाईम्स पुढे केला. त्यावर अस्सल मुंबईकराप्रमाणे मी म्हणालो," शी! हा शिळा पेपर आम्ही वाचत नाही. यातल्या बातम्या आम्ही मुंबईला कालच वाचल्यात." नातेवाईकही पुणेकर, सदाशिवपेठेतलेच होते. ते म्हणाले," वाचायला दिला नाहीच मुळी! एवढा प्रवासाहून आला आहेस तर परसदारी जायचे असेल, म्हणून दिलाय! पाणीटंचाई मुळे तुला संवयच असेल ना!

एकंदरीतच पुणेकर अन त्यांच्या सवयी (खोडी) कौतुकाचा विषय असणे यात आश्चर्य वाटण्यासारखे काहीच नाहीए ...

असलात तर नदीपलीकडचे असाल. आणि पुण्यात रहात नसाल तर कृपया इनो घ्या. पुणेकरांच्या दृष्टीने नदीपलिकडे जग संपते.

पुणे आणि पुणेकर दोन्ही ही लाजवाब असून त्यांचे कौतुक होणे ही अतीशय साह्जिक आहे ...
ज्याना हे मान्य नाही त्यांनी सामोर यावे शनिवार वाड्याचा राखवालदार जाहिर मुका घेऊन त्यांचा सत्कार करेल..!!
हुकुमावरुन

पैसाताई शी सहमत. नदीपलीकडे पुणे संपते!!!!

परीकथेतील राजकुमार यांना देखील +साडेबत्तेचाळीस पॉईंट.

अरे पुण्याचा विषय आणि 'दिवाळी पहाट', 'बि आर टी', 'बचत गटाचे कौतुक', 'चितळे' इ. चा साधा उल्लेख देखील नाही ?
लेख कुछ जम्या नही.

सवाई गंधर्व भीमसेन जोशी महोत्सव लाईव्ह दाखवला टीव्हीवर तर काय मज्जा येइल..

स्माइली कसे टन्कायचे.....प्लीज सान्गा...

बऱ्याच वर्षापूर्वी पुण्याच्या इंग्लिशमध्ये वापरात असलेल्या poona या नावाचा पुणे या सध्याच्या सरकारमान्य नावात बदल करण्यात आला. हा बदल बहुधा जून महिन्यात झाला असावा. कारण टाईम्स ऑफ इंडीआ मध्ये या नावावर कोटी करणारा pune in june या शीर्षकाचा अग्रलेख वाचल्याचे स्मरणात आहे.

आपल्या राज्याच्या सर्वच मोठ्या शहरांत राज्याच्या इतर भागांतून लोक पोटापाण्यासाठी स्थलांतरित होतात. यासाठी बहुतांश लोकांची पहिली (कधी कधी पहिली अन शेवटची दोन्हीही) पसंती पुण्यालाच असते.

कारण पुणे जसे सहजपणे नव्या स्थलांतरीतांना सामावून घेतं, पोटापाण्याची सोय झाल्यावर ज्ञानाची, कलेची भूक शमवण्याच्या अनेक संधी उपलब्ध करून देतं. पोटापाण्यासाठी नाईलाजाने स्वतःचं गाव सोडून येणाऱ्यांना आणखी काय हवं असतं?

हे शहर महाराष्ट्राच्या सर्वसमावेशक संस्कृतीचं प्रतिनिधित्व सशक्तपणे करतं यात शंकाच नाही. पण या योगदानाचे पाहिजे तसे कौतुक होते नाही.

एखाद्या लोभसवाण्या गोष्टीला दृष्ट लागू नये म्हणून काही खटकणारेही असावेच लागते. त्यामुळे 'हुकुमावरून', 'कायमचा इलाज केला जाईल' 'अपमान करण्यात येईल' या प्रकारच्या सरंजामी (+/-) प्रवृत्तींचाही समावेश असतो. पण एवढ्या चांगल्या गोष्टीस दृष्ट लागू नये म्हणून जर कुणी स्वतः वाईटपणा घेत असेल तर त्यांच्या या त्यागासाठी त्यांचे आभार मानायलाच हवे.

धागाकर्त्याची निरीक्षणशक्ती जोरदार दिसत आहे. इतर महाराष्ट्राविषयीपण लिहा...

१००% सहमत

बदली निमित्त पुण्याला दोन वर्षे राहिले (हो, हो, खरंच) होते तेव्हाची गोष्ट.
रोज हापिसात डब्याला दहा पाच सहकारी (बहुतांश भटें ) असत. भाजीचे समान वाटप होई. मग पंगत सुरु होई.
एक दिवशी भाजी आणायचं राहिलं म्हणून अंडा बुर्जी डब्यात नेली होती. लंचटाईमला सगळे गोळा झाले. मी काही डबा वर काढला नाही. तशीच बसून राहिले.
सगळे म्हणाले 'मॅडम आज उपास का ?'
मी म्हटलं ‘उपास नाही, तुमचं झाल्यावर डबा खाणार आहे.’
‘का हो ?’
‘आज पांढरी वांगी आहेत....’
‘मग आधी डबा द्या इकडे अन आमचा घ्या हा तुम्हाला.’
अन माझा डबा सगळ्या भटांनी फस्त केला.
शेवटी म्हणाले, ‘लक्षात ठेवा, आम्हाला माणूस सोडून सगळं चालतं !’
अलीकडे पुण्यात जाणे फारसे होत नाही. पण ऐकायला मिळते की आता तर पुणेकर काहीच सोडत नाहीत....