पगार थोडासा कमी मिळाला तर चालेल, पण "आपल्याला आपल्या लायकीपेक्षा जास्त पगार मिळतो का?" असा प्रश्न पडणं वाईट. मला असे प्रश्न सारखे पडतात. उलट मनात आलं तर या नोकरीवर लाथ मारून दुसरी मिळवेन हा आत्मविश्वास हवा. त्यासाठी स्किल्स तर वाढवावेतच पण उगाच पगार वाढण्यासाठी खटपटी करू नयेत. माझे अनेक सहकारी आपापसात बोलताना सारखं पगाराविषयी रडगाणं गात वर्षानुवर्षे त्याच कंपनीत काम करत आहेत. आपण ज्या ठिकाणी काम करतो आहोत ते केवळ दुसरीकडे नोकरी मिळत नाही म्हणून का?, हा प्रश्न मी स्वतःला विचारत असतो.

शुचीताइ पुस्तक ओळ्ख आवड्ली
पण
(१) जेव्हा तुमचा एम्प्लॉयर (मालक) तुम्हाला नोकरी देतो तो कमी पगारच नेहमी ऑफर करतो.

अगदी १०० % सहमत !
पण पूस्तकातले काही मुद्दे न पट्ण्यासारखे आहेत (निदान मला तरी )
(२) खुद्द एम्प्लॉयरची तुमच्याकडून ही अपेक्षा असते की तुम्ही पगार वाढवून मागावा.

असे बॉस / मालक ( दुर्मिळ ) असावेत बहुधा भारतात तरी ,नाहीतर पगारवाढी़करिता युनिअन, संप ,ले - ऑफ ची गरज नसती पड्ली कर्मचार्याना !
(३) तुमचा वेळ, तुमच्याकरता किती महत्त्वाचा आहे, तसेच कंपनीच्या तुम्ही किती उपयोगी पडू शकता याची सुयोग्य जाणीव ठेऊन तदनुसार तुम्ही पगार वाढवून मागावा हीच अपेक्षा असते.

इथे १२ - १२ तास राबुनदेखील काही बॉसचे असे म्हणण असत की " तुमचे काम दिलेल्या वेळेत पुर्ण झाले नाही /होत नाही म्हणून तुम्हाला एक्स्ट्रा हवर्स काम करावे लागते त्यात म्यानेजमेन्ट्ची काय चुक ?
(५) तुम्ही ज्या रीतीने "निगोशिएट" करता त्यातून तुमचे "सॉफ्टस्किल्सच (कौशल्य) दिसून येतात.

हे असे कौशल्य दाबुन ठॅवण्याचा प्रयत्न नेहमीच केला जातो / जाउ शकतो .

(६) सांगीतलेला पगार जसाच्या तसा स्वीकार करणे हे अपेक्षितच नसते.किंबहुना एका सर्व्हेअंती असा निष्कर्ष काढण्यात आला की जे एम्प्लॉयी (कर्मचारी) पगार वाढवून मागतात त्यांच्याकडे अधिक सकारात्मक दृष्टीकोनातून पाहीले जाते.

नोप्प , मला तरी नाही वाटत बहुतांशी कंपण्या/सेक्टर मध्ये असे होत नाही उलट्पक्षी त्याच्या मागण्याकडे दुर्लक्ष होते किंवा
तुमच्यापेक्षा अमुक - तमुक व्यक्ती आहे त्या स्केलमध्येच तुमच्यापेक्षा चांगल काम करतो/करते आहे असे दाखले देत बसतात ,कधी - कधी फ्रेशर्स एम्पलॉईजची काही कमी नाही असा दम ही दिला जाउ शकतो ईन डायरे़क्टली !

@ दादा कोंड्के
त्यासाठी स्किल्स तर वाढवावेतच पण उगाच पगार वाढण्यासाठी खटपटी करू नयेत. माझे अनेक सहकारी आपापसात बोलताना सारखं पगाराविषयी रडगाणं गात वर्षानुवर्षे त्याच कंपनीत काम करत आहेत.
स्किल्स वाढवन उत्तम ऑप्शन पण ज्या कंपनीकरिता / सेकटर करीता करमचार्यानी आयुश्यातली इतकी वर्ष दीली आहेत ,जरी त्यांना मोबदला मिळ्त असला तरी
कामाच्या ठीकाणी कंपनी , इतर कलिग्स /सहकारी याच्यामधले जे बॉंडिंग असते ,भावनिक गुंतवणु़क असते
" अरे हा जॉब मी डेव्हलप केलाय किंवा ह्या प्रोजेक्ट्मध्ये मी जिवाचे रान केले होते ,
किंबहुना जे आसपासच वातावरण असते त्यात माणुस भावनिक द्रुष्टया गुंतणे साहजिक आहे एकदम " बिजिनेस टायकुन " पणा सगळ्याच्याच रक्तात नसतो .मग जिथे सगळ छान असत पण एक पगार कमी आहे हे कारण ग्राह्य असल तरी ते वर्षानुवर्षे त्याच कंपनीत काम करत बसतात त्याच हे एक महत्वाच कारण आहे ,मी तर म्हणेन अशा लोकांनी पगार वाढण्यासाठी खटपटी अवश्य कराव्यात

(१) जेव्हा तुमचा एम्प्लॉयर (मालक) तुम्हाला नोकरी देतो तो कमी पगारच नेहमी ऑफर करतो.
(२) खुद्द एम्प्लॉयरची तुमच्याकडून ही अपेक्षा असते की तुम्ही पगार वाढवून मागावा.
(३) तुमचा वेळ, तुमच्याकरता किती महत्त्वाचा आहे, तसेच कंपनीच्या तुम्ही किती उपयोगी पडू शकता याची सुयोग्य जाणीव ठेऊन तदनुसार तुम्ही पगार वाढवून मागावा हीच अपेक्षा असते.
(५) तुम्ही ज्या रीतीने "निगोशिएट" करता त्यातून तुमचे "सॉफ्टस्किल्सच (कौशल्य) दिसून येतात.
(६) सांगीतलेला पगार जसाच्या तसा स्वीकार करणे हे अपेक्षितच नसते.किंबहुना एका सर्व्हेअंती असा निष्कर्ष काढण्यात आला की जे एम्प्लॉयी (कर्मचारी) पगार वाढवून मागतात त्यांच्याकडे अधिक सकारात्मक दृष्टीकोनातून पाहीले जाते.

एकाचढ एक नॉन स्पेसिफिक वाटले वरचे मुद्दे. अगदी हिलस्टेशनवर नेऊन दिलेल्या जनरलाईज्ड मॅनेजमेंट प्रशिक्षणात असतात तसे.

प्रत्येक मुद्दा वाचून एकच उद्गार मनात येतो.. "ओह रियली?"

हे जर पुस्तकातले हायलाईट केलेले मुद्दे असतील तर पुस्तकात काही काँक्रीट असेलसे दिसत नाही तरीही काही आढळलं तर कृपया शेअर करावे ही विनंती. पगार वाढवण्यासाठी प्रॅक्टिकल उपायबिपाय असेल तर..

पगारवाढ हा कळीचा मुद्दा आहे आणि त्यासाठी आमच्याइथे वन-टू-वनच्या वेळेला गुद्दागुद्दी होतेच. पण मी पडलो साधा मनुष्य. म्हणून माझा मॅनेजर मला नेहमीच वाटाण्याच्या अक्षता लावतो. बघूया माझा दिवस कधी येतो?

- (कार्यालयीन राजकारणग्रस्त) पिंगू

असले जड जड विषय आणि चर्चा झेपत नसल्याने नो कॉमेंटस.

शुचि मामी बर्‍याच दिवसांनी लिहिती झाल्याने फक्त पोच म्हणून हा प्रतिसाद.

एवढं डोक्याला कल्हई कोण करेल?

साधा हिशोब...
मला गरज असेल तर समोरचा म्हणेल ती किंमत
त्याला गरज असेल तर मी म्हणेल ती किंमत

वेगळा विचार आहे. मात्र फारसा पटत नाही.
प्रत्यक्षात आपण कोणाचे अप्रेझल करत असू आणि त्यात कोणी पगार वाढवून मागितला तर हे 'ऑट ऑफ स्कोप' आहे असे सांगतो

आता आपण आपल्या घरातल्या धुणीभांडीकरणार्‍या मावशींनी पगार वाढवून मागितला तर त्यांना अधिक योग्यतेच्या समजतो का? नाही ना? प्रसंगी वैतागतोच. तसेच आहे हे.

मिपाकरां एवढे = मिपाकर बघतात्/करतात एवढे
मिपाकरां एवढे
१) सिनेमे सपरिवार मल्टीप्लेक्स मधे बघायचे असतील
२) पुस्तके खरेदी करायची असतील
३) गाड्या, फोन, अन्य गोष्टी विकत घ्यायच्या असतील
४) सहली करायच्या असतील
५) पाकृ - कॉकटेल्स, कट्टे करायचे करायच्या असतील
६) टिव्हीवरचे सर्वच्या सर्व कार्यक्रम व अन्य सार्वजनीक स्थानचे कार्यक्रम आयपीएल, नाटके इ इ बघायचे असतील
७) व इतका वेळ काथ्याकूटासकट चर्चा करायची असेल

तर भले मोठे पे पॅकेज मिळवायला जमलेच पाहीजे हो! अगदी अगदी!!!