प्रतापगडाला कसे जावे !

>>>प्रतापगडाला कसे जावे !

तुमचे गाव कुठले हे माहीत नसल्याने (आणि स्वपरीचयात दिले नसल्याने) सांगणे अवघड आहे.

>>>गडाची उंची किती आहे. खालून वर चढत जाणे शक्य आहे का !
की फारच उंच आहे

अर्ध्यावाटेपर्यन्त गाडी वाट आहे. साधारणपणे पुढील वाटचालीला २०-२५ मिनीटे लागतात. चढण्याचा प्रॉब्लेम असल्यास डोली मिळते.

>>>नाइट स्टे करण्यास काही सोय आहे का?

आहे. परन्तु त्याची सद्यस्थीती माहीत नाही.

>>>वरती पिण्याचे पाणी मिळेल का

हो. टाके आहे आणि आजकाल पॅकेज ड्रिंकीग वॉटरसुद्धा मिळते.

>>>जेवण वर मिळू शकेल का अथवा आपले आपण बनवण्यास परवानगी असेल का

जेवण मिळू शकते. (बनवण्यास सोइस्कर जागा मिळणे अवघड आहे.)

>>>अन्य कोणती काळजी घ्यावी

अजूनही गडाचा दरवाजा सुर्यास्ताला बंद होतो आणि सुर्योदयाचे थोडे आधी उघडतो.

देवीचे स्थान आहे. त्यामुळे पावित्र्य जपले जाईल एव्हढे पहा.

.काही माहिती हवी आहे प्रतापगडाबाबत

प्रतापगड हा एक ऐतिहासीक किल्ला आहे..

गडाची उंची किती आहे.

मोजली नाही....

खालून वर चढत जाणे शक्य आहे का !

सर्व गडांवर खालुनच वर चढतात असे ऐकले होते ,आम्ही देखिल खालुनच वर गेलो होतो.पॅरेशुटने वरुन खाली येता येइल्,पण खर्च खुप येइल.... ;)

की फारच उंच आहे

उंच आहे म्हणूनच प्रसिद्ध आहे ....पण सद्ध्या गाड्या अर्ध अंतर वर घेउन जातात, बाकी तुम्हाला झेपेल तसं...

नाइट स्टे करण्यास काही सोय आहे का?

विचार काय आहे ..? ;) सोय आहे पण पावित्र्य जपा :)

वरती पिण्याचे पाणी मिळेल का

कोल्ड्रिंक पण मिळेल, ताक जरुर प्या.. :)

जेवण वर मिळू शकेल का अथवा आपले आपण बनवण्यास परवानगी असेल का

आंगाशी ,आता कसा प्रश्न विचारलात ,लै भारी वांग्याची भाजी ,झुण्का भाकरी,ठेचा लाल मिरच्यांचा..अन् बाकी बरेच महाराश्ट्रियन पदार्थ मिळतील...

अन्य कोणती काळजी घ्यावी

उगाच कोठेही डोकाउ नका ,गड खुप उंच आहे,उन्हात टोपि घाला..स्वतःच्याच डोक्यावर्,ठीकाण प्रेक्शणीय आहे तसेच ऐतिहासीक पण आहे,तिथले पावित्र्य जपा ,उगाच वेड्या वाकड्या ठिकाणी चढुन फोटो काढु नका...जपा ;)

महाबळेश्वरहून प्रतापगड पायथ्याला जायला बस, टॅक्सी मिळू शकते. किंवा मुंबईहून पोलादपूर मार्गे आलात तरी प्रतापगड फाट्याजवळ उतरू शकाल. जवळजवळ गडाच्या मुख्य पायर्‍यांपर्यंत गाडी जाते. तिथून १५ मिनिटात किल्ल्यावर पोहोचू शकाल पण त्यात मजा नाही. गाडीवाट टाळून गडावर यायचे असल्यास पायथ्याच्या आंबेनळी गावातून जावळीच्या जंगलातून जाणारी मस्त वाट आहे. तिथून साधारण १.५ ते २ तासात गच्च रानातून गडमाथा गाठता येतो.

गडावर मुक्कामाची सोय तिथल्या मंदिरात अथवा धर्मशाळेत होऊ शकते. पण सूर्यास्तापूर्वी गडावर पोहोचले पाहिजे. गडावर घरगुती जेवण उत्तम मिळते, पिण्याचे पाणीही विपुल आहे. तुम्हाला जेवण बनवायचे असल्यास कदाचित तिथे परवानगी काढावी लागेल कारण हा गड आजही भोसल्यांची खाजगी मालमत्ता आहे.

गडावर वावरताना आपण महाराजांच्या सान्निध्यात आहोत इतके फक्त लक्षात असू द्या.

तिथे उतरल्यानंतर गुळाच्या खड्याला मुंगळे चिकटावेत तसे गाईड लोक मागे लागतील. गाईड घेणार असल्यास योग्य ठिकाणी पैसे भरून गाईड मिळेल.

पण ते खूप त्रोटक माहिती देतात, तसेच संपूर्ण गड फिरवत नाहित. (हे विधान व्यक्तीसापेक्ष असू शकते. :-))

जखमेवरती मीठ चोळून घ्यायचे असल्यास पायथ्याचे अफझलखानाचे स्मारक (?) बघून या. पोलीस तिथे खूपच कर्तव्यदक्षता दाखवत आपली चौकशी करतात, नाव, पत्ता व सही घेतात. जास्ती लिहू शकत नाही याबद्दल. %$#%@&.

प्रतापगडासारख्या ठिकाणी जावे तर स्वतः च्या घरापासून गडापर्यंत थेट घोड्यावरती बसूनच जावे.

समुद्रसपाटी पासूनची किल्ल्याची उंची : 300 मीटर , तालुका :महाबळेश्वर, जिल्हा : सातारा.. प्रतापगड हा महाबळेश्वरच्या जवळ आहे ,महाड - महाबळेश्वर मार्गावर कुंभरोशी येथुन आत रस्ता जातो .पायथ्यापर्यंत गाडी जाते . खालून वर चढत जाणे शक्य आहे.पिण्याचे पाणी ,जेवण मिळेल.
गडावर राहण्याची सोय नाही .महाबळेश्वर उत्तम.महाबळेश्वर येथुन बस आहे.

गूगल.कॉम

www,google.com

वाशु ढोंग ;)

मूळ धाग्या पेक्षा प्रतिक्रिया वाचण्यात मजा आहे.

सकाळी उठावे. स्नान केल्यावर आईकडून तहान लाडू , भूक लाडू याची शिदोरी बांधून घ्यावी. चालायला लागावे . दमल्यास वाटेत खेडशिवापूर ,
शिरवळ , बावडा, सुरूर, वाई म पाचगणी , महाबळेश्वर ई. ठिकाणी थांबावे. मिपाचे मेंबर शिप दाखविल्यास मिसळ पाव मोफत मिळेल.
बेस्ट लक !

आम्ही मुंबई किंवा रत्नागिरी किंवा सातार्‍याकडून येणार असलो म्हणजे?

या सर्व गावांहुन पुण्याला यष्ट्या येतात. त्यात चडुन पुण्याला यायचं...
पण याच्या आदी भुक लाडु अन तहान लाडू घ्युन याला इसराचं न्है..

या निमित्ताने उत्तम माहिती मिळाली..

शाळेच्या ट्रिपसोबत गेल्याचं आठवतंय.. शिवाय खालील थरारक पुस्तकाने प्रतापगड मनात घर करुन बसला होता..

आम्ही चालत चालत प्रतापगडला जायचा सल्ला दिला होता. बन्या नाही का फुरसूंगी ते पुणे चालत आला होता. आयला नुस्ती फास्टर फेणे ची
पुस्तकं वाचायची काय ? एक तरी ओवी अनुभवावी ... कसे ?

१४ फेब्रुवारी २०१२ (धागा प्रकाशित झाला तो दिवस) ते १९ सप्टेंबर २०१४ (आजचा दिवस) ....
अजून नाहीच गेलात ? काय राव?
महाबळेश्वर बस स्थानकावरुन दर्शन गाडी सुटते. महाबळेश्वर स्थानक संपर्क क्रमांक गुगलून मिळेल.
महाबळेश्वरला आपलं आपण पोचा. कुठल्या मार्गे वगैरे स्वतः ठरवून. आणि स्वतःची वाहन व्यवस्था नसेल तर शक्यतो महाबळेश्वरहून प्रवास सुरु करा.
दर्शन गाडीनं स्टॉपवर उतरल्यानंतर जास्तीत जास्त ३५०-४०० पायर्‍या आहेत. (आकडे लावणारे तसेच गणिती लोकांनी माफी द्यावी) आपापल्या मगदुरानुसार चढण्याउतरण्यास वेळ लागतो.

बाकी मोदकानं प्रतापगडावर महाराजांच्या पुतळ्यामध्ये काही उणं अधिक सापडतंय का ते बघायला सांगितलेलं.
आम्हास उत्तर ठाऊक आहे.

गडावर राहण्याची उत्तम सोय आहे, सातार्‍याला सां. बा. विभागाकडे अगोदर तारीख देउन नोंदणी करता येते. ३ -४ रुम आहेत. रुम मोठ्या आणि सुंदर आहेत. म्हणजे आम्ही दोन कुटुंब आणि दोन मुले एकाच रुम मध्ये राहिलो होतो. गरम पाण्यासाठी गिझर आहे. तेथे १ शासकीय कर्मचारी असतो. तोच जेवण ही बनवुन देतो. पण त्यापेक्षा गडावर ईतरत्र भाजी भाकरी खा. जर आपण सरळ गडावर गेलो आणि कोणाचे अगोदर बुकींग नसेल तर आपली सोय या रुम मध्ये शासकीय मामांशी बोलुन योग्य रकमेवर आरामात होते. सकाळी लवकर उठा. रुमच्याच मागे तटबंदी आहे, त्यावर जाउन बसा अक्षरशः स्वर्गाचा भास झाला नाही तर नाव बदला. सगळीकडे ढगांची दाटी असते, जमीन अजीबात दिसत नाही, दुरवर कोकण असतो. मागे महाबळेश्वरचे डोंगर .......आणि निवांत शांतता.
https://drive.google.com/open?id=0B_adIueWeQ_6MjdXMzRaZEJFakk

विनोदी प्रतिसाद गुप्तकाळानंतर गायब झाले.
बाकी स्पावड्याफेणे आणि स्पा हे दोन वेगळे आइडी असणार पण सवयी एकच असतील.

आता सगळे प्रतिसाद रेल्वे टैमटेबलातल्या प्यासिंजर इन्फॅारमेशनसारखे झाल्यापासून मजा गेली.

लेखक महाशय गेले का? किंवा दुसय्रा गडावर आपलं दुसय्रा स्थळावर माहिती काढायला गेले?
तरवारीचं रहस्य बघायला जावं लागेल.