दिवाणखान्यात सजावट म्हणून पुस्तकं ठेवण्याकडे कल अधिक दिसून येतो.समृद्ध वगैरे जीवनशैलीला ते शोभत.इतर सजावटीच्या साहित्याच्या तुलनेत पुस्तक स्वस्त आणि आकर्षक दिसतात..आपल्या विद्वत्तेचं दर्शन होत..त्यासाठी या काही टीप्स-
◆काही जाडजूड ग्रंथ मांडावेत.
◆त्यासाठी आकर्षक काचेचा दरवाजा असलेलं फर्निचर करावं.ते शक्यतो सागवान लाकडाच ,पॉलिश केलेलं असावं.
◆त्यात पुस्तकं उभी मांडून ठेवावी.दिसायला छान दिसतात.
◆संग्रहात एखादं दोन वाचलेली पुस्तकं ठेवावीत म्हणजे कुणी पाहुण्यांनी विचारलं तर त्या पुस्तकांबद्दल सांगता येत ऐनवेळी पंचाईत होत नाही.
◆भगवद्गीता,पु ल देशपांडे, व.पु काळे यांची काही पुस्तके असणे अनिवार्य आहे.(तुम्ही नव्या पिढीचे असाल तर चेतन भगत)
◆पायरेटेड पुस्तके शक्यतो सजावटीसाठी वापरू नयेत.
◆शोकेसला लॉक करावे त्याची चावी सहज उपलब्ध होणार नाही अशी ठेवावी.म्हणजे पाहुणे पुस्तक हाताळत नाही आणि त्याच आयुष्य वाढते.तसेच वाचायला नेतो म्हणून ढापण कठीण जात.
◆'पन्नास रुपयात कोणतेही पुस्तक' स्कीम मधल्या पुस्तकांना सजावटीसाठी शक्यतो वापरू नये.
◆दोन चार कुणालाही सहज माहीत नसलेल्या इंग्रजी लेखकांची पुस्तके ठेवावीत.चौकस,सखोल वाचनाचे दर्शन होते.
◆पुस्तकांना वाळवी लागली असेल तरी त्यावर चकार शब्द काढू नये.वाळवी लागणे हे पुस्तक वाचत नसल्याचे लक्षण आहे.
◆लिखाणाचं महागातलं पेन,नक्षीदार कागद असावेत.स्वतःसाठी लिहितो अधूनमधून या वाक्यासह फेकावेत.
◆या सगळ्या सेट सोबत नम्रपणा अंगी बाणवून घ्यावा.साहित्यावर बोलताना आवश्यक असतो.
◆स्थानिक साहित्यिक कार्यक्रमातील नामवंत साहित्यिकांना पुष्पगुच्छ देतानाच एखादा फोटो असावा.
◆आपले फोटो असलेल्या साहित्यिक बातम्यांची पेपर कटिंग शक्यतो लावू नयेत.
दिवाणखान्याची सजावट
गाभा:
प्रतिक्रिया
10 Feb 2018 - 11:43 am | खेडूत
ताज्या मासळी सारखं फ्रेस आहे! :)
फर्वंर्द हाय का? की उपरोधाने लिहीलं आहे?
10 Feb 2018 - 12:30 pm | फुंटी
उपरोध हो
10 Feb 2018 - 10:28 pm | कंजूस
मासलीबद्दल माहित नाही पण फ्रेस नक्कीच. आत एलीडी लाइटिंग हवेच. साहित्याला मंद प्रकाश हवा की नको?
11 Feb 2018 - 2:19 pm | फुंटी
कृत्रिम प्रकाश अर्थात हवाच... साहित्यातून काही प्रकाश पडेल की नाही शंकाच असते
11 Feb 2018 - 7:24 am | दमामि
मस्तच!!!
11 Feb 2018 - 7:30 am | एमी
खि खि :D
14 Feb 2018 - 2:24 pm | चौकटराजा
पूर्वी आपले हिन्दी सिनेमातील नट यांच्यामधे वाचनाची आवड नसतानाही घरात अशी पुस्तके दिसलीच पाहिजेत अशी फ्याशन होती. त्याचे फटू फिल्म फेअर मधे येत कधी कधी !
14 Feb 2018 - 8:12 pm | manguu@mail.com
५० रु ला एक पुस्तक !! इतके म्हाग !!!
वाशी स्टेशनजवळ एक दुकान आहे. तिथे १०० की २०० रु किलो पुस्तके मिळतात.
15 Feb 2018 - 8:07 am | जव्हेरगंज
:D
15 Feb 2018 - 5:28 pm | किसन शिंदे
आमच्या एका मिपाकर मित्राचे घर आठवले हे वाचून. अर्थात त्याचा व्यासंगही तेवढाच आहे म्हणा.