दीपोत्सवा,
आज तरी तुझं इथे स्वागत
अजून तरी इथे फुटतायत फटाकेच - निरपराध मस्तकं नाहीत - म्हणून सहर्ष स्वागत
अजून तरी इथे ठिणग्या उडतायत आतशबाजीतूनच - रोखलेल्या बंदुकांतून नाहीत- म्हणून मन:पूर्वक स्वागत
अजून तरी इथे भिरभिरतायत भुईचक्रच - बाँबस्फोटानंतरची धूळवादळं नाहीत- म्हणून सानंद स्वागत
अजून तरी इथे अंगावर काटा आणतेय गुलाबी थंडीच - मनमानी अटकेची भीती नव्हे – म्हणून हार्दिक स्वागत
अजून तरी इथला प्रकाश उत्सवी दिव्यांचा आहे –
उन्मादी मशालींचा भेसूर उजेड त्याची जागा घेण्यापूर्वी
हे दीपोत्सवा,
तुझं (कदाचित) शेवटचं, सहर्ष, मन:पूर्वक, सानंद, हार्दिक वगैरे स्वागत!!
प्रतिक्रिया
20 Oct 2017 - 11:13 pm | पद्मावति
परखड! आवडलीच.
23 Oct 2017 - 9:36 am | अनन्त्_यात्री
धन्यवाद!
23 Oct 2017 - 11:19 am | बाजीप्रभू
" जरा खटकलं... बाकी छान!!
23 Oct 2017 - 12:00 pm | अनन्त्_यात्री
धन्यवाद !
28 Oct 2017 - 4:33 pm | Mahesh Bhalerao
वा ! अप्रतिम !
शेवट निश्चितच समाजभान जागे करणारा आहे , पण आशा प्रज्वलित आहे तोवर तो वेगळा आशादायी पण करता आला असता असं मलाही कदाचित उगीच वाटतंय !
28 Oct 2017 - 4:48 pm | तुषार काळभोर
कडक आणि परखड!!
आणि जबरदस्त!!
28 Oct 2017 - 5:24 pm | एस
गुड वन.
30 Oct 2017 - 10:29 am | अनन्त्_यात्री
महेश भालेराव, पैलवान, एस- प्रतिसादाबद्दल धन्यवाद !
30 Oct 2017 - 6:25 pm | पैसा
एवढी निराशावादी का?
4 Nov 2017 - 6:35 pm | दिनेश५७
आणि झणझणीत...
5 Nov 2017 - 6:03 pm | अनन्त्_यात्री
प्रतिसादाबद्दल धन्यवाद.