टाटा टियागो- पेट्रोल.

सतिश पाटील's picture
सतिश पाटील in काथ्याकूट
7 Jul 2017 - 12:27 pm
गाभा: 

घरगुती वापरासाठी ४ जण बसतील अशी ४ चाकीचा शोध घेत असताना टाटा टियागो नजरेत आली. एकंदरीत गाडी फारच सुंदर आहे, आणि मुख्य म्हणजे बजेट मधे देखील.माझा वापर म्हणजे शनिवार रविवार भटकंती आणि वर्षातून ४- ५ वेळा गावी जाण्यासाठी. म्हणजे वार्षिक वापर १०-१२ हजार किमी.

त्यासाठी टाटा टियागो पेट्रोल XM-O हे मॉडल पसंत पडले.
भरपूर सारे फीचर आणि एयर ब्याग सहित सध्या ही गाडी ओन रोड ५.१० लाखात मिळतिए ( यामधे अजुन डिस्काउंट आणि GST नंतरची कमी झालेली किंमत धरलेली नाही ). फक्त म्युसिक सिस्टम आणि पार्किंग सेंसर बाहेरून घ्यावे लागतील.
शोरुममधे त्या बाईने सुरुवातीलाच खुप डिमांड असल्याने टिगोर अणि टियागो गाड्यांवर कुठलाच डिस्काउंट मिळणार नसल्याचे सांगितले. चांगला डिस्काउंट किंवा दिवाळी ऑफर्स मिळणार असतील तर तो पर्यंत थांबयला मि तयार आहे.

हायवेला २० आणि शहरात १६ चा मायलेज मिळेल अस ती म्हणत होती. बाकी क्विड , रेडी गो , मारुती सेलेरिओ यापेक्षा ही गाडी फारच उजवी आणि ग्रैंड आय १०, व्यागन आर यापेक्षा ही गाडी खुपच स्वस्त वाटली.
आपल्यापैकी कुणी ही गाडी वापरत असल्यास किंवा जाणकार लोक आणखी सुचना, प्रकाश टाकू शकतील का?

प्रतिक्रिया

घेऊन टाका. एक नंबर गाडी आहे. रिव्हर्स पार्किंग सेन्सर बसवून घ्या. खूप सोयीचं पडतं.

नितिन५८८'s picture

7 Jul 2017 - 2:37 pm | नितिन५८८

मारुती सुझुकी बलेनोची टेस्ट राईड घेऊन पहा. . . खूप स्पेसिअस आहे, मी स्वतः वापरतोय

सतिश पाटील's picture

7 Jul 2017 - 2:52 pm | सतिश पाटील

पण बलेनोची बेस मॉडल अणि टियागो XM-O मधे 1.२५ लाखाचा फरक आहे.

पण मारुती सुझुकी असल्यामुळे मेंटेनन्स कमी आणी spare पार्टस पण स्वस्त पडतात

सतिश पाटील's picture

7 Jul 2017 - 3:33 pm | सतिश पाटील

आपला सल्ला विचाराधीन आहे.

प्रसन्न३००१'s picture

10 Jul 2017 - 11:36 am | प्रसन्न३००१

बलेनोला ७ महिने वेटिंग आहे असं ऐकलंय सगळीकडे, त्यामुळे हा मुद्दा पण गृहीत धरा

मराठी कथालेखक's picture

7 Jul 2017 - 3:35 pm | मराठी कथालेखक

मारुतीचे मेन्टेन्स / स्पेअर्स स्वस्त असं आपण समजतो. पण ते खरंच आहे का ? कुणाचा यावर काही अभ्यास आहे का ?
मी टाटाची विस्टा (डिजेल) पाच वर्षांपासून वापरत आहे. मेंटेनन्स फारसा खर्चिक नाही.
मी अनेकदा ओला/उबेरच्या कॅबने फिरतो अनेकदा ती कार टाटाची व्हिस्टा असते, दीड-दोन लाख किमी चाललेली कार असेल तर मी कधी त्या चालकाला कारच्या देखभाल्/दुरुस्तीच्या खर्चाबद्दल विचारतो. बहुतेक करुन चालकाचे उत्तर असते की "फारसा खर्च नाही काढला अजून"
मी स्वतः जुनी मारुती ८०० पाच वर्षे वापरली. तिची देखभाल दुरुस्ती मी अधिकृत सर्विस सेंटरला करत असे. मला काही ती अगदी कमी खर्चिक वगैरे वाटली नाही. अर्थात ८०० हे खूप जून डिझाईन आहे नवीन मॉडेल्समध्ये मारुतीनेही सुधारणा केल्या असतीलच. "मारुतीचे मॉडेल्स वाईट" असं मला म्हणायचं नाही पण "मारुती सुझुकी असल्यामुळे मेंटेनन्स कमी आणी spare पार्टस पण स्वस्त" हे गृहीतक पुन्हा एकदा ताडून बघायला हवे असं मला वाटतं.

विशुमित's picture

7 Jul 2017 - 3:46 pm | विशुमित

माझाकडे पण टाटा ची इंडिका (DLS ) डिझेल कार आहे. पण नियमित सर्व्हिसिंग आणि एकदा टायर बदलण्या व्यतिरिक्त देखभालीचा इतर खर्च अजून तरी काही आला नाही.

ही इंडिका देऊन Tiago घेण्याच्या विचारात आहे.

चर्चा वाचतोय... मग विचार पक्का करतो.

मराठी कथालेखक's picture

7 Jul 2017 - 3:56 pm | मराठी कथालेखक

इंडिका देऊन Tiago

पण टियागो तुलनेने लहान गाडी आहे. स्पेस कमी आहे (एकदा टेस्ट घेतली होती लेग रुम कमी वाटला, सीट्स पण थोडे कमी रुंदीचे वाटलेत) बाकी गाडी चालवायला अगदी सोपी, स्टिअर करणं एकदम छान वाटलं.

त्रिवेणी's picture

7 Jul 2017 - 4:10 pm | त्रिवेणी

झेस्टAMT दोन वर्षे झाली वापरतोय. मस्त चालतेय एकदम.
टाटा न च्या गाडीचा ग्राउंड कलेअरन्स चांगला असतो.

इंडिका व्हिस्टा डिझेल रॉक्स.

सहा वर्षं विनातक्रार सर्व्हिस देतेय. मायलेजही २४-२५ किमीप्रलि.

विशुमित's picture

7 Jul 2017 - 5:27 pm | विशुमित

+1

सतिश गावडे's picture

7 Jul 2017 - 9:12 pm | सतिश गावडे

माझ्या दोन कार्यालयीन मित्रांकडे टाटा टियागो आहेत. आणि ते आपल्या गाडीच्या निवडीवर खुश आहेत. :)

प्रमोद देर्देकर's picture

9 Jul 2017 - 9:01 pm | प्रमोद देर्देकर

मी आत्ताच Hyundai Grand i10 बघून आलो. मला आवडली. नवीन एकोळी धागा काढण्या परिस इथेच कोणी सांगाल काय कशी आहे ती.

मी आत्तापर्यंत पाहिलेली सर्वात वाईट गाडी. इतर मॉडेल्सच्या तुलनेत जास्त किंमत, जास्त सर्व्हिसिंग कॉस्ट, वाईट सस्पेंशन, फक्त बारा किमीचा मायलेज, छोटी जागा. ड्रायव्हिंग जरा स्मूद आहे इतकंच.

प्रमोद देर्देकर's picture

10 Jul 2017 - 5:52 am | प्रमोद देर्देकर

धन्यवाद एस साहेब. आता दूसरी गाडी बघणे आले. कोणी धाग्यात उल्लेखलेल्या गरजेसाठी एखादी गाडी सुचवाल काय ?

i10 ग्रँड ही स्विफ्टच्या कॅटेगरीतली गाडी आहे. तेव्हा तुम्ही त्या कॅटेगरीतल्या पोलो, पुंटो, बोल्ट, मायक्रा, फिगो इत्यादी गाड्या पाहू शकता. स्विफ्टचे नवीन मॉडेल या वर्षीच्या शेवटी लाँच होण्याची शक्यता आहे. ते कसे दिसेल ह्याची एक झलक तुम्ही डिझायर ह्या नव्याने लाँच झालेल्या मॉडेलवरून पाहू शकता. मला टाटाची बोल्ट मग व्हॅल्यू फॉर मनी वाटली ह्या कॅटेगरीत. किंवा नवीन स्विफ्ट येईपर्यंत थांबा.

कपिलमुनी's picture

10 Jul 2017 - 12:01 am | कपिलमुनी

टाटा टिगोर कशी आहे ? झेस्ट आणि टिगोर मध्ये कोणती चांगली आहे

बालेनोबद्दल कोणी बैजवार लिहिल काय? धन्यवाद.

अभिजीत अवलिया's picture

10 Jul 2017 - 6:37 am | अभिजीत अवलिया

बलेनो मजबूत नाही. साध्या अपघातात देखील गाडीचे प्रचंड नुकसान आणि आत बसलेल्या लोकांना दुखापती होतात असे ऐकले आहे.

चंदीगडच्या अपघाताबद्दल बोलत असाल तर इतक्या भयानक वेगाने गाडी चालवून आदळल्यास जगातली कुठलीही कार तुम्हांला वाचवू शकणार नाही.

भारतातही आता सर्वच कारना युरोपियन एनकॅप रेटिंगशी समकक्ष अशा सुरक्षा चाचणीस सामोरे जावे लागणार अशी घोषणा मध्यंतरी झाली होती. ते होता होता किती दिवस जातील ह्याची कल्पना नाही. ऑटो उत्पादक सहजासहजी ते होऊ देणार नाहीत. कारण एनकॅप रेटिंग मध्ये पास व्हायचे तर गाडीला किमान सहा एअरबॅग्स आणि भक्कम जाडजूड बॉडी असणे अत्यावश्यक असेल. विचार करा, अल्टोबिल्टो ला सहा एअरबॅग लावल्या तर ती इतक्या कमी किंमतीत विकणे शक्य होईल का!

अभिजीत अवलिया's picture

10 Jul 2017 - 9:24 am | अभिजीत अवलिया

ऑक्टोबर २०१७ पासून भारतात देखील कारला एअरबॅग्स असणे अनिवार्य होणार आहे. झाले तर उत्तम होईल. सरकार आपल्या निर्णयावर ठाम राहिले तर ऑटो उत्पादक काहीही करू शकणार नाहीत.

'प्रीमियम हॅचबॅक' या श्रेणीतील ह्युंदाई आय ट्वेन्टी आणि होंडा जॅझ यांच्याबरोबर स्पर्धा करायला मारुती सुझुकीकडे गाडी नव्हती. ही कसर बलेनोने भरून काढली. आणि या श्रेणीतील आता सर्वात जास्त वैशिष्ट्ये सर्वात कमी किंमतीत देणारी ही गाडी आहे. 'बलेनो' ह्या नावाचा जुन्या बलेनो मॉडेलशी काहीच संबंध नाही.

बलेनो म्हणजे स्पेस, स्पेस आणि स्पेस. आतून गाडी खरोखरच मोठी आहे. भरपूर लेगस्पेस आहे. सीट्स कम्फर्टेबल आहेत. पुढच्या सीट मागे रेलल्या तरी मागे बसलेल्यांच्या गुडघ्यांना टेकत नाहीत आणि मागे तीन जण अगदी आरामात बसू शकतात. बूटस्पेस ही जॅझपेक्षा थोडीशीच कमी आहे.गाडीची लांबी ३९९५ मिमी आहे. लांब व्हीलबेस, रुंदीही जास्त आहे. हेडरूम थोडी कमी आहे.

इंजिन अगदी स्मूथ आहे. पेट्रोल व्हेरिएंटमध्ये १.२ लि. तर डिझेल व्हेरिएंट मध्ये १.३ लि. येते. बलेनो ही स्विफ्टपेक्षा शंभर किलोग्रॅमने हलकी आहे. त्यामुळे चालवायला निंबल आणि पिकअप जास्त आहे. पेट्रोलचा अॅव्हरेज २१ तर डिझेलचा २७ आहे. मला पेट्रोल व्हर्जन शहरात एसी चालू ठेऊन १६-१७ चा देते.

गाडी दिसायला काही लग्झरी कार्सच्या डिझाईनवर बेतलेली आहे. हेड टर्नर. कुठे थोडा वेळ थांबलो की लोक हमखास विचारतात गाडीबद्दल. बलेनो ही दिसायला मला अत्यंत एलिगंट आणि सोबर गाडी वाटली. होंडा जॅझसुद्धा दिसायला चांगली आहे. पण तिचे टोयोटा इनोव्हासारखे रूप हे कारसारखे वाटत नाही. ह्युंदाई आय ट्वेन्टी ही मला भडक मेकअप करून लोकांची वाट बघणाऱ्या स्त्रीसारखी वाटते. तेव्हा त्या गाडीकडे मी बघतही नाही.

सुरक्षिततेबद्दल विचाराल तर ड्युअल एसआरएस एअरबॅग्स आणि एबीएस विथ इबीडी हे सर्व व्हर्जनना डिफॉल्ट आहे. त्याचा खूप फायदा होतो. विशेषतः फोक्सवागेन पोलोवाले लोक बलेनोला कमकुवत कार म्हणतात, पण त्यांच्याकडे लक्ष देऊ नये. त्यांची इंडियन पोलो ही युरोपियन पोलोइतकी सेफ नसते हे ते सोयीस्कररित्या विसरतात किंवा त्यांना माहीतच नसते आणि फेसबुक वगैरेवर ते पोलोवर कसा हत्ती बसला तरी गाडीतील लोक सुरक्षित राहिले याचे व्हिडियो शेअर करत बसतात. ;-) सुझुकीचा पत्रा हा टाटाच्या गाड्यांइतका स्ट्राँग नसतो. तरीही युरोपियन एन कॅप रेटिंगमध्ये भारतीय हॅचबॅक पैकी कुठलीही गाडी पास होऊ शकेल की नाही याबाबत शंकाच आहे. आपण गाडी नीट चालवली तर फ्रंट इम्पॅक्टमध्ये जीवाला तितका धोका नसेल. शिवाय ह्या पेक्षा स्वस्त मॉडेल्समध्ये तर तीही फीचर्स नसतात.

सुझुकी बलेनोचे सस्पेंशन डिसेंट आहे. अगदी मर्सिडीजसारखे नाहीये, पण म्हणून ह्युंदाईवाल्यांनी बलेनोला नवे ठेऊ नयेत. ह्युंदाई आय ट्वेन्टीचेही जास्त भारी वगैरे नाहीये.

बाकी इतर फीचर्स वगैरे बहुतांशी सर्व आहेतच. इतके फीचर्स तुम्हांला त्याच किंमतीत इतर कुठल्याही गाडीत मिळणार नाहीत (प्रोव्हायडेड, टाटा त्यांचे या श्रेणीतील एखादे वाहन घेऊन येत नाहीत तोवर). मारुती सुझुकी असल्यामुळे सर्व्हिस व मेंटेनन्स कॉस्ट कमी असणारच हे सांगायला नको. नेक्सावाले चांगली सेवा देतात. पुढील सर्व्हिसिंग वगैरे हे एमजीएमच्या नेहमीच्या सर्व्हिस सेंटरला होते. त्यामुळे तोही प्रश्न नाही. आणि राहता राहिला पुनर्विक्रीचा प्रश्न, तर सुझुकीच्या गाड्यांना पुनर्विक्रीमूल्य हे नेहमी सर्वाधिक मिळते.

एसभाउ, मस्त पोस्ट. धन्यवाद.

विशुमित's picture

10 Jul 2017 - 10:36 am | विशुमित

छान माहिती...

धन्यवाद..!!

मैत्र's picture

13 Jul 2017 - 10:05 pm | मैत्र

कार चे लुक्स हे खूप वैयक्तिक मत असतं.
उदाहरणार्थ मला इको स्पोर्ट चे front grill अजिबात आवडत नाही. फारच horrible वाटते. पण माझ्या एका सहकार्याने orange eco sport आवडीने घेतली जी मला भडक वाटते
काही जणांना Verna स्टायलिश वाटते तर काही जणांना Vento चे सोबर डिझाईन पसंत पडते.

i20 चे डिझाईन प्रिमियम हॅचबॅक चा बेंचमार्क समजले जाते आणि बरीच स्पर्धा येऊनही त्या मध्ये बदल नाही.

ईंटीरिअर आणि फीचर्स मध्ये ह्युंडाई सर्वात उत्तम आहे. कारण तो त्यांचा सेलिंग पाॅईंट आहे. ह्युंडाई सहसा passenger comfort and premium feel यावर भर देते.

बलेनो चे तीन महत्त्वाचे गुण
जास्त रूंद आहे. त्यामुळे i20 आणि jazz पेक्षा स्पेस आहे.
Infotainment system सगळ्यात चांगली आहे
मायलेज, कितना देती है हा मारूती चा सेलिंग पाॅईंट. सर्वोत्तम मायलेज. ह्युंडाई चालूगिरी करून live mileage meter देतच नाही आणि अर्थातच कमी आहे.

एक थोडा फायदा, थोडा तोटा - बलेनो फक्त 865 किलो kerb weight आहे. त्यामुळे जास्त मायलेज आणि कमी स्पीड वर उत्तम रिस्पॉन्स.
या आकाराची गाडी कमी वजनाची असल्याचे तोटे स्वाभाविक आहेत.
Jazz 1006kg, i20 1066 kg

व्हील बेस i20 चा सर्वात जास्त आहे. पण आतल्या जागेत खूप फायदा नाही. पण दुसरा एक फायदा होतो. Wheelbase गाडी ची stability वाढवतो.
i20 पेट्रोल ही काहीशी sluggish आहे. गिअर बदलावे लागतातच आणि सुरवातीला जो टाॅर्क लागतो तो बलेनो चा खूपच उजवा आहे. कारण ही स्वाभाविक आहे.
कागदावर दोन्ही तिन्ही गाड्या जवळ आहेत bhp, torque यामध्ये, पण हॅंडलिंग मध्ये फरक आहे. यात बलेनो चांगली आहे.
स्पोर्टी zippy गाडी आहे.

सस्पेन्शन i20 चे निर्विवाद पणे सगळ्यात उत्तम आहे.
बलेनो वाईट अजिबात नाही. चांगलीच आहे. i२० या बाबतीत नक्की उजवी आहे.
मला i20 आणि मर्सिडीज दोन्ही चा रेग्युलर अनुभव आहे. आणि बलेनो विचारात घेतली होती, त्यामुळे दोन ठिकाणी टेस्ट केली.

NCAP सेफ्टी रेटिंग तिन्ही चे जवळपास आहे. भारतीय पोलो युरोप पेक्षा फरक असला तरी भारतीय गाड्यांमध्ये सर्वात चांगला स्कोअर आहे.
2016 युरोपियन NCAP मध्ये तिन्ही गाड्या दोन एअर बॅग सह चार तारे मिळवून आहेत. i20 2015 पूर्वी पाच तारे होते.

जास्त शहरात वापर, कम्फर्ट, रिच फील, स्मूथ आणि लूकस i20
उत्तम मायलेज, चांगला पिकअप, ड्रायव्हर फन, नवीन लूक बलेनो
होंडा इंजिन, प्रिमियम, jazz

सर्व्हिस मारूती सर्वात उत्तम, होंडा त्रास.
ह्युंडाई अतिशय चांगला अनुभव, महाग स्पेअर्स

रिसेल मारूती नेहमी चांगला.
i20 रिसेल मध्ये चांगली टक्कर देते.

कार ही आवड आणि कल असतो. गरज, प्राधान्यक्रम आणि खिसा या तीन गोष्टी वर फायनल माॅडेल ठरते

अजया's picture

10 Jul 2017 - 1:20 pm | अजया

बलेनो बघणे आले.
- एक समाधानी होंडा जॅझधारक. आधीच्यासारखी मिळाली असती तर कायम होंडा जॅझच घेतली असती. पण ते माॅडेल आता बंद झालेय. नुकतीच इतर गाड्यांबाबत चर्चा सुरु झालीये घरी आणि हा धागा आला!

अद्द्या's picture

11 Jul 2017 - 3:09 pm | अद्द्या

सुझुकी सेलेरियो कशीये मग ?
स्वतः घेणार नसलो तरी जवळपास रोज जातोय याच गाडीतून .. जागा आहे गाडीत.. मस्त वाटली

सतिश पाटील's picture

12 Jul 2017 - 11:14 am | सतिश पाटील

मारुतीच्या सर्विस्चा दोन वेळा अनुभव आल्याने मी ती गाडी नको म्हणत होतो. ऑफिसच्या बाजूला नेक्साचे शोरुम आहे ओफिसमधे वेळ जात न्हावता म्हणून तिकडे इग्निस पहायला गेलो, बेस मॉडल ५.३५ लाखात पॉवर स्टेरिंग , पुढच्या २ पॉवर विंडो, एबीएस, २ एयर बैग्स, EBD एवढे सगळ देतायत

गाडी बाहेरून चिवित्र वाटते पण आतून बरीच प्रशस्त आहे. भरपूर लेगरूम अणि बुट्स्पेस आहे. मायलेज फक्त टियागो पेक्षा ३ ने कमी आहे.
टियागो ४ पॉवर विंडो आणि एयर बैग सहित ५.१० लाखात पड़तीये. त्यात एबीएस अणि EBD नाही.

इग्निस टियागोला चांगला पर्याय वाटतोय. पण यूजर रीविव टियागो एवढे चांगले नाहीत. खास करुन मायलेज बद्दल.

इग्निस पुढे मार्केटमध्ये कितपत चालेल याबाबाबत शंका आहे. नाहीतर गाडीचे इंजिन वगैरे सगळे बलेनोप्रमाणेच आहे. इग्निसचे ऑटोमॅटिक व्हर्जनही चालवायला फार छान वाटले. पण बजेट पाहून घ्या.

इग्निसचे मागच्या पिलरमुळे रेनॉ लोगन होणार आहे. इतका मोठा पिलर ट्रँगल देण्याऐवजी एक छोटी विंडो किंवा व्हेन्ट बसला असता.

हो, एक जपानी कार होती Fronte Coupé म्हणून. त्या कारवरून इग्निसचा तो C पिलर डिझाईन केलाय. पण त्यामुळे इग्निस ही कार अजूनच विचित्र दिसते.

मराठी कथालेखक's picture

13 Jul 2017 - 6:53 pm | मराठी कथालेखक

धागा टियागोचा पण टियागोबद्दल कुणी जास्त बोलत नाहीये ....!!

नितिन५८८'s picture

28 Jul 2017 - 11:09 am | नितिन५८८

सतिश पाटील टाटा Tigor बघून या कि एकदा

सतिश पाटील's picture

28 Jul 2017 - 12:10 pm | सतिश पाटील

टियागोपेक्षा तीच जास्त आवडली होती. पण किंमत १.५ लाख जास्त आहे.

नितिन५८८'s picture

28 Jul 2017 - 12:24 pm | नितिन५८८

मी स्वतः आधी कोणालाही न विचारता मारुती Celerio book केली होती (माझे बजेट तेवढेच होते ), पण घरी सांगितल्यावर, घरचे थोडे पैसे द्यायला तयार झाले मग Wagnor बुक करायला गेलो आणि तिथे Baleno बघितली (servicing ला आली होती). मग काय घरातून आणखी थोडे पैसे मागून घेतले आणि फायनल Baleno बुक केली. सांगायचे तात्पर्य एवढेच कि जी गाडी आवडेल ती बुक करून टाका.

Ecco घ्या बेस्ट आहे, मी घेतली आहे, अगदी हातपाय पडून पैसे गोळा केले व वापरलेली गाडी घेतली. उत्तम आहे, माझा व्यावसायिक हेतू असल्याने मी परमिटची घेतली एवढेच.

अभिदेश's picture

28 Jul 2017 - 11:36 pm | अभिदेश

टाटा ची नेक्सान (Nexon) होतीये लाँच सप्टेंबरमध्ये , मीडिया राईडस चालू झाल्यात , सगळ्यांचा म्हणण्यानुसार खूप चांगली गाडी आहे.

रुस्तम's picture

11 Aug 2017 - 10:13 am | रुस्तम

कोणती गाडी घ्यायचं ठरलं?

सतिश पाटील's picture

11 Aug 2017 - 12:59 pm | सतिश पाटील

अजुन तरी टियागोच ठरलीए. दिवाळी पर्यंत येइल.

नितिन५८८'s picture

24 Aug 2017 - 3:26 pm | नितिन५८८

If anybody wants to buy a TATA MOTORS new car, please call me
There is a 5000rs discount under the brand ambassador scheme of company. Exchange offer up to 30000Rs. on old vehicle also available.
Vaibhav Nikam
TATA MOTORS
07722076628

Vaibhav Nikam

Quality Assurence (Engine)|Tata Motors Ltd.

Commercial Vehicle Buisness Unit |Pune

(020 – 6613 5124 | Mobile: 7722076628

Email: Vaibhav.nikam2@tatamotors.com

सतिश पाटील's picture

13 Oct 2017 - 3:13 pm | सतिश पाटील

टाटा कंपनीत उच्च पदावर असलेल्या एका ओळखीच्या व्यक्तिकडून २.६५ लाखात zx टॉप मॉडल घेतली.

अलॉय व्हील, एबीएस, एयर बैग, इनबिल्ट म्यूजिक सिस्टम, अणि AMC असलेली ४७००० किमी वापरलेली २०११ ची गाड़ी.
व्यवस्थित देखभाल केली होती, आवडली म्हणून दसर्याच्या दिवशी घेउन टाकली.
भरपूर ट्राफिकमधे एसी लावून १५ चा मायलेज दिलाय. अजुन हायवेला लॉन्ग ड्राइवला वापरली नाही.

.

.

.

.

अभिनंदन! चांगले डील मिळालं आहे.

सतिश पाटील's picture

13 Oct 2017 - 5:53 pm | सतिश पाटील

धन्यवाद.

सुबोध खरे's picture

13 Oct 2017 - 3:28 pm | सुबोध खरे

उत्तम काम केलंत. इंडिका ही अतिशय दणकट गाडी आहे. माझ्या नौदलातील दोन मित्रांचे ट्रक बरोबर अपघात झाले असतानाही दोघे ओरखडा सुद्धा न येता सहीसलामत बाहेर आले. इंडिकाचा ए सी आणि सस्पेंशन अतिशय उत्तम असते आणि आत मध्ये जागा भरपूर असते. ही गाडी आपल्याला पुढची पाच वर्षे तरी काहीही त्रास न येता वापरता येईल.
इंडिकाचा एकच अवगुण(drawback) आहे. त्याला snob value नाही. पण रस्त्यावर महागात गाड्या आपल्या जवळ येत नाहीत. धक्का लागला तर आपला खर्च 4 आकड्यात आणि त्यांचा 5 आकड्यात येत असल्यामुळे असे साजूक लोक दोन हात लांबच राहतात.
अभिनंदन.

सतिश पाटील's picture

13 Oct 2017 - 4:04 pm | सतिश पाटील

धन्यवाद खरे साहेब.

एसी अणि सस्पेंशन खरेच चांगले आहे. अणि जागा भरपूर आहे. मागे सोफ्यासारखी सिट आहे. ३ जण आरामत बसतात.

अणि स्नॉब व्याल्यु गेला उड़त. आपल्याकडे दूसरी एक टोयोटा ची गाड़ी आहे जी मी टूरिस्टला वापरतो.

कपिलमुनी's picture

13 Oct 2017 - 6:20 pm | कपिलमुनी

सस्पेंशन सोडून बाकी सर्व बाबतीत सहमत !
होंडा , ह्युंदाई , फॉक्सवॅगन यांचे सस्पेंशन टाटा पेक्षा चांगले आहे.