त्या पोराने

मनोज's picture
मनोज in जे न देखे रवी...
12 Jul 2020 - 10:31 am

येता गिर्‍हाईक दारावर त्याने तिला बाई म्हणावे?
वेश्येच्या त्या पोराने कधी आईला आई म्हणावे ?

चुरगळलेल्या पाकळ्यांना जरी मोहक तो सुगंध येतो
हाती घेत अश्या फुलाला कधी कुणी मग जाई म्हणावे?

नाही केली फसवा फसवी सरळ जमला व्यवहार आहे
आरोप करत का लोकांनी केली दांडगाई म्हणावे?

भाऊबीजेचा सण आल्यावर उगी तिला वाटत होते
सरळ नजरेन पाहत कुणी आज मलाही ताई म्हणावे

जगणे बत्तर असे नशीबी बाप नाही माहीत ज्याला
या जगात त्या पोराने कुणा होऊ उतराई म्हणावे?

गझल

प्रतिक्रिया

कानडाऊ योगेशु's picture

14 Jul 2020 - 10:10 am | कानडाऊ योगेशु

अफाट लिहिले आहेस मित्रा!
काही कडवी तर एकदम अंगावर आली.

वीणा३'s picture

15 Jul 2020 - 1:47 am | वीणा३

:( :(

शा वि कु's picture

14 Jul 2020 - 11:05 am | शा वि कु

खूप छान लिहिलिये.

मदनबाण's picture

14 Jul 2020 - 4:24 pm | मदनबाण

सुरेख !

मदनबाण.....
आजची स्वाक्षरी :- Aate Jate Khoobsurat Awara Sadko Pe... :- Anurodh

अनेक अशा ताया आणि पोरे डोळ्यांसमोरून तरळून गेले. अप्रतिम गझल.

राघव's picture

15 Jul 2020 - 10:53 am | राघव

टोचणारी जुनी सल.

माझ्याच एका कवितेतील काही ओळी सांगाव्याशा वाटल्या या रचनेवरून -

विसंगती जीवनाला पाचवीला पूजलेली..
कुस्करल्या यौवनाचा शाप सदा तिच्याच उरी..

मनोज's picture

18 Jul 2020 - 3:12 pm | मनोज

धन्यवाद....."शाप सदा तिच्याच उरी" अप्रतिम......

मन्या ऽ's picture

17 Jul 2020 - 5:54 pm | मन्या ऽ

मनाला भिडणारी गझल.. :-(

मनोज's picture

18 Jul 2020 - 3:14 pm | मनोज

सर्वांचे मनःपूर्वक धन्यवाद !